Jobo 4
4
Elifasi mbwaakakumbula
1Mpeeke Elifasi mwine Temani wakakumbula Jobo ayi,
2“Ino umwi na kaasuni kubandika andiwe, sa inga wamukalalila?
Nebo cangalila kutolelela kuumuna.”
3Yeeya webo mbowakeeisha bantu baanji,
alimwi ambowakayuminisha bantu balefukite.
4Maswi ako akakalika myoyo abo batalantanta,
ee, wakayuminisha baabo bakalinga kusuni kuwa.
5Ono webo sunu mapensho ndyaakupolela watyongola.
Ncakwiila mapensho akucitikila, sombi waloonda abuumbi.
6Sa kulambila Mwaami Lesa kwako kwakubula kampenda takukupi kushoma?
Sa lushomo lwako talukoonshi kukukalika caamba?
7“Ono yeeya, ngani wakalobawo kale kaatacite mulandu?
Nkuli bantu baluleme nkobakanyonyoolwaawo?
8Kweelana ambondakacibona, balya bashanga bubi, balatebula bubi.
Mbweeke ubo abalo bashanga mapensho, balatebula mapensho.
9Lesa ulabanyonyoola anga ncipuupu cinene
ncakwiila bukali bwakwe bulabalobya.
10Bamucita shibi balabuluma mbuli nkalamu,
sombi Lesa ulaboomusha akubatyoloola meeno.
11Bamucita shibi balaloba bweenka mbuli nkalamu itoobula kuluma banyama ayi ilye,
abalo bana babo bamucita shibi balapalangana.
12“Mubushishi ndakanyumfwa liswi.
Matwi angu akanyumfwa kutepeta kwa ndilyo.
13Ishi shakacitika ciindi ndindalinga kulota mashiku,
ciindi bantu ndiboona twakufwa akutalika kulota.#Jobo 33:15
14Lyalo boowa bwakancata, mpeeke ndakatutuma.
Boowa ubo bwakalengesha mafuwa angu kutontola.
15Mpeeke muuwo uniini wakeenda kumeenso angu
cakwaamba ayi misusu yangu yakanyanyaala kuboowa.
16Kunembo lyangu kwakeemikana cintu,
sombi ndakaalilwa kucishiba na nciinshi.
Kwakoomuna tontolo, lyalo ndakanyumfwa liswi.
17Liswi ilyo lyakaamba ayi, ‘Sa muntubo inga walulama kwiinda Lesa?
Sa muntu inga weendaawo kubula kampenda pali wooyo wakamulenga?
18Lesa taashomi basebenshi bakwe ba kwiculu,
ncakwiila baanjelo bakwe ulabacanina shilubo.
19Ino inga ceela kuli kubantu bakaswa kubulongo,
abo bakaswabo kulusuko bashanyonwabo anga nkabambala?
20Muntu inga kaali muumi macuunsa, sombi macolesha wafwa.
Ono na wafwa ulafukilwa akulubilwabo limwi.
21Sa te buumi bwabo bulamana
cakwaamba ayi balafwa kabatacite busongo.’
Currently Selected:
Jobo 4: BBBLI
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.