Jobo 2
2
Satana mbwaakasunka Jobo alimwi
1Bumwi bushiku baanjelo ndibakesa mukulitondesha pameenso a Mwaami Lesa alimwi, alakwe Satana wakesaabo. 2Mpeeke Mwaami Lesa wakeepusha Satana ayi, “Ino waswita kuli?” Satana wakakumbula ayi, “Ndalinga kuya ceendeenda mucishi ca panshi coonse.”
3Mpomunyaawo Mwaami Lesa wakeepusha Satana ayi, “Sa wabonaawo musebenshi wangu Jobo? Ngumuntu utacite kampenda, ululeme, undemeka alimwi ushomeka kuli ndime. Nakubi kwaamba ayi wakanyungoola ayi nkuleeke umupeenshe pataapu ceebo, Jobo ucishomekabo bweenka mbuli kataanshi.” 4Satana wakakumbula ayi, “Muntu ulakonsha kupa shintu shoonse nshaacite kwiinda kufwa. 5Amweeleshe kucisa mubili wakwe, mulinyumfwile mbweshi amushingane.” 6Mpeeke Mwaami Lesa wakaambila Satana ayi, “Ncibotu, ndamubika mumaansaako, sombi kubuumi bwakwe kutacataako.”
7Mpomunyaawo Satana wakaswaawo pameenso a Mwaami Lesa akuya mukupa Jobo shilonda mubili woonse. 8Mpeeke Jobo wakaya mukukalila kuntantaala akubwesa cikaye cakulikwanyishako shilonda.
9Mpomunyaawo mukaakwe wakamwambila ayi, “Sa abobulya mucishomekabo? Amushinganebo Lesa, mufwe.” 10Sombi Jobo wakamukumbula ayi, “Utokwaambabo anga ngumuluya. Sa ulisuni ayi katutambulabo shibotu sheenka kuswa kuMwaami Lesa kuleka mapensho?” Mumapensho aya oonse, Jobo taakwe kubishaawo kwiinda mumaswi ngaakaamba.
Babye Jobo mbobakamufwakashila
11Ono babye Jobo botatwe, Elifasi mwine Temani, Biludadi mwine Shuwa aSofa mwine Naama, ndibakanyumfwa mapensho oonse a mubyaabo, bakanyumfwana ayi baye bakamuumbulushe. 12Kabacili palaale bakabona Jobo, sombi tabakwe kumwishibaawo. Ono ndibakamwishiba bakatalika kulila cakooloma, bakakwamoona shakufwala shabo ceebo ca buumba akulitukweeta bulongo kumitwi. 13Mpeeke bakekala panshi anguwe kwanshiku shosanwe ashobilo. Taaku nabi womwi wakalinga kubandika ceebo bakabona kukomena kwa mapensho ngaakalingaamo.
Currently Selected:
Jobo 2: BBBLI
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.