Matalikilo 43
43
Bamakwabo Josefu mbobakaboolela kuIjipiti aBenjameni
1Nsala yakeendaawo muKenani, 2mpeeke bamuŋanda yakwe Jakobo ndibakamanisha shakalinga shaswa kuIjipiti, Jakobo wakaambila bana bakwe basankwa ayi, “Amubooleleeko mukooleewo shakulya ashimwi shiniini.”
3Mpomunyaawo Juda wakamwaambila ayi, “Musankwa uyo wakatucenjeshelabo limwi ayi teshi akatusuminisheewo kushika muliimfwa lyakwe, sombibo Benjameni katuli akwe. 4Nkokwaamba ayi na mulisuminite kutuma mukwabesu andiswe, tutooya mukumuulila shakulya. 5Sombi na tamusuminite, teshi tukayeeko, mukwiinga musankwa uyo wakatulwiita ayi teshi akatusuminisheewo kushika muliimfwa lyakwe, sombibo mukwabesu katuli akwe.”
6Mpeeke Jakobo wakaamba ayi, “Ino ono mwanengelanshi buumba bunene bobulya mukumulwiita ayi mulicite mukwabanu aumwi?” 7Bakakumbula ayi, “Musankwa uyo wakeepusha shapali ndiswe abeshikamukowa besu. Wakatwiipusha ayi, ‘Sa baishiwanu bacili boomi? Sa muliciteewo mukwabanu aumwi?’ Twakalinga kweelete kukumbula miipusho yakwe. Ono naakwiinga tweshiba buyani ayi utootwaambila ayi, ‘Mukwabanu mukamuleete kuno?’ ”
8Juda wakaambila baishi ayi, “Mwanike amumubike mumaansaangu, mpeeke tutoonyamuka tunooya bulya onoono. Lyalo taaku pakati kesu eshi akafwe kunsala. 9Ntooshomesha buumi bwangu, aboobo inga mwalanga ndime na ndabula kumuboosha kaali kabotu, ndaakusumina kupekwa mulandu wamuyayaya. 10Ciindi ncetwamana bulya, naakwiinga tweendaako anyendo shobilo, katuya akuboola.”
11Baishiwabo bakabaambila ayi, “Na mboboobo mboceelete kuba, anu amubwese shiswa mucishi cino shibotu kwiindaawo mushifunta shanu, kwaamba ayi mutole cipo kumweendeleshi. Amubikeemo mashina ashisamu aniini, tubuuci, tununkila kabotu mubuyani, mule, nyemu sha pisitashiyo alimwi asha alimondi. 12Alimwi munyamune maali eendaawo aayo ngomwakatola pakutaanguna, ceebo mulyeelete kuboosha aayo ngomwakacana peculu mumasaka anu. Ndabona bakalubakobo. 13Mwanike kamuyaakwe alimwi inga mwanyamuka bulya bweenka, mubooleleeko kumusankwa uyo. 14Lesa Shinkusu shoonse aalengeshe mweendeleshi uyo kuba ankuumbu kwaamba ayi amuboosheshe Benjameni amukwabanu umwi. Ono kuli ndime, na citokwaamba kusowekelwa baana, akube mbweeke ubo.”
15Aboobo bamakwabo Josefu abo bakabwesa shipo amaali endilila, eelene angobakatola kataanshi, akunyamuka kuya kuIjipiti pantu pomwi aBenjameni. Kulya bakalishisha kuli Josefu. 16Josefu ndyaakabona ayi Benjameni bali akwe, wakaambila musebenshi wakalinga kulama ŋanda yakwe ayi, “Tola basankwa aba kuŋanda yangu batoolya anebo malumwi. Ono ucaye munyama akumuteleka.” 17Musebenshi wakacita kweelana ambwaakalwiitikwa akutola bamakwabo Josefu kuŋanda yakwe.
18Ndibakalinga kutolwa kuŋanda bakalinga kuloondete akuyeeya ayi, “Tutootolwa kuŋanda ceebo ca maali akapilushikwa mumasaka esu nditwakesa pakataanshi. Tutoobonabo ndyeshi batulwaane, babwese mbongolo shesu akutwaalula basha.” 19Paceebo ceeco pamulyaango waŋanda bakaambila musebenshi wakwe Josefu ayi, 20“Nkambo, twakesa kuno kataanshi mukuula shakulya. 21Nditwakaamba ayi toone pamwi pamusena, twakacalula mumasaka esu. Mpeeke womwi awomwi pakati kesu wakacanaamo maali akwe oonse mulisaka lyakwe. Ono maali ayo twaaleta. 22Alimwi twaleeta aamwi kwaamba ayi tuule ashimwi shakulya. Tatwishi wakabooshamo maali mumasaka esu.” 23Musebenshi wakaamba ayi, “Mutalisukami alimwi mutaloondi. Lesa wanu, uyo Lesa wa baishiwanu, ulyeelete ngowakabika maali mumasaka anu. Nebo ndakatambula nshemwakalipila.” Lyalo wakaleta Simyoni kuli mbabo.
24Musebenshi wakabatola muŋanda. Wakabapa maanshi akusamba kumyeendo alimwi mbongolo shabo wakashisanina. 25Shipo shabo bakashibambilabo limwi kupa Josefu, ceebo bakalwiitikwa ayi balyeelete kulya anguwe malumwi. 26Josefu ndyaakashika bakatola shipo muŋada kuli nguwe akufukama cakushisha ciwa panshi kunembo lyakwe. 27Wakabeepusheepusha mbobatoobuka akwaamba ayi, “Mwakandwiitaawo shabaishiwanu bacembele, abalo batoobuka buyani? Sa bacili boomi, alimwi sa bali kabotu?” 28Bakakumbula ayi, “Baishiwesu, musebenshi wanu mubombu ngumuumibo alimwi uli kabotu.” Mpeeke bakafukama kunembo lyakwe mukumulemeka.
29Josefu ndyaakabona mwanike wakwe swa nswe Benjameni, wakaamba ayi, “Nkokwaamba ayi uyu ngomwanike wanu shikeela uyo ngomwakandwiitaawo? Lesa aakupe coolwe omwanaangu!” 30Mpomunyaawo Josefu wakanyamukaawo lubilo mukwiinga nkumbu shakalinga shafula abuumbi pamwanike wakwe. Pakacaalabo paniini naakwiinga wakalila palya peenka, aboobo wakaya walila kucipinda cakwe.
31Ndyaakamana kusamba kumeenso, wakaboola akulicata. Mpeeke wakaamba ayi shakulya ashiletwe. 32Josefu wakabikilwa shakulya patebulu yomwi abalo bamakwabo paimwi. Bene Ijipiti bakalinga kulya kooko abalo bakabikilwa beenka ceebo bakalinga kuciyeeyela kutapa bulemu kulya abaEbulu. 33Bamukowa abo bakalinga kushiite kutebulu kabalangite kuli Josefu alimwi mumundando wa shiimo shabo kuswa kumunenebantu kushikila akumwanikebantu. Ndibakabona mbobakalinga kushiite, bakalanganalanganabo cakukankamana. 34Shakulya shakaabwa kuswa kutebulu yakwe Josefu alimwi Benjameni wakaabilwa shiinji cakwiinda sha bamwi boonse mankanda osanwe. Mpeeke bakalya akunwa cakusekelela aJosefu.
Currently Selected:
Matalikilo 43: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Matalikilo 43
43
Bamakwabo Josefu mbobakaboolela kuIjipiti aBenjameni
1Nsala yakeendaawo muKenani, 2mpeeke bamuŋanda yakwe Jakobo ndibakamanisha shakalinga shaswa kuIjipiti, Jakobo wakaambila bana bakwe basankwa ayi, “Amubooleleeko mukooleewo shakulya ashimwi shiniini.”
3Mpomunyaawo Juda wakamwaambila ayi, “Musankwa uyo wakatucenjeshelabo limwi ayi teshi akatusuminisheewo kushika muliimfwa lyakwe, sombibo Benjameni katuli akwe. 4Nkokwaamba ayi na mulisuminite kutuma mukwabesu andiswe, tutooya mukumuulila shakulya. 5Sombi na tamusuminite, teshi tukayeeko, mukwiinga musankwa uyo wakatulwiita ayi teshi akatusuminisheewo kushika muliimfwa lyakwe, sombibo mukwabesu katuli akwe.”
6Mpeeke Jakobo wakaamba ayi, “Ino ono mwanengelanshi buumba bunene bobulya mukumulwiita ayi mulicite mukwabanu aumwi?” 7Bakakumbula ayi, “Musankwa uyo wakeepusha shapali ndiswe abeshikamukowa besu. Wakatwiipusha ayi, ‘Sa baishiwanu bacili boomi? Sa muliciteewo mukwabanu aumwi?’ Twakalinga kweelete kukumbula miipusho yakwe. Ono naakwiinga tweshiba buyani ayi utootwaambila ayi, ‘Mukwabanu mukamuleete kuno?’ ”
8Juda wakaambila baishi ayi, “Mwanike amumubike mumaansaangu, mpeeke tutoonyamuka tunooya bulya onoono. Lyalo taaku pakati kesu eshi akafwe kunsala. 9Ntooshomesha buumi bwangu, aboobo inga mwalanga ndime na ndabula kumuboosha kaali kabotu, ndaakusumina kupekwa mulandu wamuyayaya. 10Ciindi ncetwamana bulya, naakwiinga tweendaako anyendo shobilo, katuya akuboola.”
11Baishiwabo bakabaambila ayi, “Na mboboobo mboceelete kuba, anu amubwese shiswa mucishi cino shibotu kwiindaawo mushifunta shanu, kwaamba ayi mutole cipo kumweendeleshi. Amubikeemo mashina ashisamu aniini, tubuuci, tununkila kabotu mubuyani, mule, nyemu sha pisitashiyo alimwi asha alimondi. 12Alimwi munyamune maali eendaawo aayo ngomwakatola pakutaanguna, ceebo mulyeelete kuboosha aayo ngomwakacana peculu mumasaka anu. Ndabona bakalubakobo. 13Mwanike kamuyaakwe alimwi inga mwanyamuka bulya bweenka, mubooleleeko kumusankwa uyo. 14Lesa Shinkusu shoonse aalengeshe mweendeleshi uyo kuba ankuumbu kwaamba ayi amuboosheshe Benjameni amukwabanu umwi. Ono kuli ndime, na citokwaamba kusowekelwa baana, akube mbweeke ubo.”
15Aboobo bamakwabo Josefu abo bakabwesa shipo amaali endilila, eelene angobakatola kataanshi, akunyamuka kuya kuIjipiti pantu pomwi aBenjameni. Kulya bakalishisha kuli Josefu. 16Josefu ndyaakabona ayi Benjameni bali akwe, wakaambila musebenshi wakalinga kulama ŋanda yakwe ayi, “Tola basankwa aba kuŋanda yangu batoolya anebo malumwi. Ono ucaye munyama akumuteleka.” 17Musebenshi wakacita kweelana ambwaakalwiitikwa akutola bamakwabo Josefu kuŋanda yakwe.
18Ndibakalinga kutolwa kuŋanda bakalinga kuloondete akuyeeya ayi, “Tutootolwa kuŋanda ceebo ca maali akapilushikwa mumasaka esu nditwakesa pakataanshi. Tutoobonabo ndyeshi batulwaane, babwese mbongolo shesu akutwaalula basha.” 19Paceebo ceeco pamulyaango waŋanda bakaambila musebenshi wakwe Josefu ayi, 20“Nkambo, twakesa kuno kataanshi mukuula shakulya. 21Nditwakaamba ayi toone pamwi pamusena, twakacalula mumasaka esu. Mpeeke womwi awomwi pakati kesu wakacanaamo maali akwe oonse mulisaka lyakwe. Ono maali ayo twaaleta. 22Alimwi twaleeta aamwi kwaamba ayi tuule ashimwi shakulya. Tatwishi wakabooshamo maali mumasaka esu.” 23Musebenshi wakaamba ayi, “Mutalisukami alimwi mutaloondi. Lesa wanu, uyo Lesa wa baishiwanu, ulyeelete ngowakabika maali mumasaka anu. Nebo ndakatambula nshemwakalipila.” Lyalo wakaleta Simyoni kuli mbabo.
24Musebenshi wakabatola muŋanda. Wakabapa maanshi akusamba kumyeendo alimwi mbongolo shabo wakashisanina. 25Shipo shabo bakashibambilabo limwi kupa Josefu, ceebo bakalwiitikwa ayi balyeelete kulya anguwe malumwi. 26Josefu ndyaakashika bakatola shipo muŋada kuli nguwe akufukama cakushisha ciwa panshi kunembo lyakwe. 27Wakabeepusheepusha mbobatoobuka akwaamba ayi, “Mwakandwiitaawo shabaishiwanu bacembele, abalo batoobuka buyani? Sa bacili boomi, alimwi sa bali kabotu?” 28Bakakumbula ayi, “Baishiwesu, musebenshi wanu mubombu ngumuumibo alimwi uli kabotu.” Mpeeke bakafukama kunembo lyakwe mukumulemeka.
29Josefu ndyaakabona mwanike wakwe swa nswe Benjameni, wakaamba ayi, “Nkokwaamba ayi uyu ngomwanike wanu shikeela uyo ngomwakandwiitaawo? Lesa aakupe coolwe omwanaangu!” 30Mpomunyaawo Josefu wakanyamukaawo lubilo mukwiinga nkumbu shakalinga shafula abuumbi pamwanike wakwe. Pakacaalabo paniini naakwiinga wakalila palya peenka, aboobo wakaya walila kucipinda cakwe.
31Ndyaakamana kusamba kumeenso, wakaboola akulicata. Mpeeke wakaamba ayi shakulya ashiletwe. 32Josefu wakabikilwa shakulya patebulu yomwi abalo bamakwabo paimwi. Bene Ijipiti bakalinga kulya kooko abalo bakabikilwa beenka ceebo bakalinga kuciyeeyela kutapa bulemu kulya abaEbulu. 33Bamukowa abo bakalinga kushiite kutebulu kabalangite kuli Josefu alimwi mumundando wa shiimo shabo kuswa kumunenebantu kushikila akumwanikebantu. Ndibakabona mbobakalinga kushiite, bakalanganalanganabo cakukankamana. 34Shakulya shakaabwa kuswa kutebulu yakwe Josefu alimwi Benjameni wakaabilwa shiinji cakwiinda sha bamwi boonse mankanda osanwe. Mpeeke bakalya akunwa cakusekelela aJosefu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.