Matalikilo 44
44
Nkomeshi yakaluba
1Kuswawaawo Josefu wakalwiita basebenshi bakalinga kulama ŋanda yakwe ayi, “Susha masaka a basankwa aba ashakulya shifule kweelana ambobakonsha kunyamuna, alimwi ubike maali a muntu womwi awomwi peculu mulisaka lyakwe. 2Bika nkomeshi yangu ya silifa mulisaka lya mwanikebantu pantu pomwi amaali akwe akuula shakulya.” Musebenshi wakacita kweelana ambwaakaambilwa. 3Macuunsacuunsa bakashindikilwa ambongolo shabo. 4Ndibakeendakobo mushinso ufwaafwi kuswa mundabala inene, Josefu wakaambila musebenshi munene shikulama ŋanda yakwe ayi, “Endesha bacinshe basankwa balya. Na ubacaane, ubeepushe ayi, ‘Ino mwaboosheshaanshi bubi pabubotu? 5Ino mweepilanshi nkomeshi ya silifa ya mwaami wangu? Njaanwisha alimwi njaasebensesha kulotela shintu. Mwaciita mulandu unene abuumbi!’ ”
6Musebenshi uyo ndyaakabacana, wakeendaamo mweenka mumaswi ayo. 7Bakakumbula ayi, “Anu cilaambanshi kwaamba boobo nkambo? Tatukwe kucitaawo cintu ca mushobo uyo. Ubo twalumbila. 8Mwebo nobeene mulishi kabotu kwaamba ayi kuswa kucishi ca Kenani twakapilushaawo maali ngotwakacana peculu mumasaka. Ono inga tweepilanshi silifa nabi golodi muŋanda ya mwaami wako? 9Nkambo, na uli woonse pakati kesu wiicite, utoocaikwa alimwi swebo soonse tutooba basha banu.”
10Lyalo wakaamba ayi, “Ndaasumina ayo. Sombi ngooyobo wiicite weshi abe musha wangu, bamwi boonse inga baya kabaangulukite.” 11Mpeeke bakaselusha masaka abo cakufwambaana alimwi muntu womwi awomwi wakacalula lisaka lyakwe. 12Musebenshi wakwe Josefu wakalangoola cakukalika moyo, kutalikila kumunenebantu kushikila kumwanikebantu. Lyalo nkomeshi yakacanika mulisaka lyakwe Benjameni. 13Bamakwabo bakakwamoona shakufwala shabo kubuumba. Mpeeke bakatantika shifunta shabo pambongolo akuboolela kundabala inene.
14Juda abamakwabo ndibakashika kuŋanda yakwe Josefu, bakamucanaako. Mpomunyaawo bakaya bafukama kunembo lyakwe. 15Mpeeke Josefu wakaamba ayi, “Ino mwacitanshi? Sa temwalinga kwishi kwaamba ayi muntu uli mbuli ndime inga weshiba shintu kwiinda mukulotela?” 16Juda wakakumbula ayi, “Anu inga twaambanshi nkambo? Anu inga twapikisha amaanonshi? Anu inga twatondesha buyani ayi tatucite mulandu? Lesa wayubulula mulandu wesu, bulya swebo soonse tuli basha banu kuteshibo wooyo wacaninwa nkomeshi.” 17Mpeeke Josefu wakaamba ayi, “Ne, sobwe, nshikoonshi kucita boobo. Uyobo eenka wacaninwa nkomeshi ngweshi abe musha wangu. Nomwacaala inga mwaboolela kuli baishiwanu kamwaangulukite.”
Juda mbwaakalila Benjameni
18Mpomunyaawo Juda wakaya kuli Josefu akwaamba ayi, “Nkambo ndaseenga ayi munsuminishe kwaamba ayi mbandikaanu cakwaanguluka mutakalali. Mwebo cilyeelenebo amwaami mwiine. 19Nkambo, mwakatwiipushaawo ayi, ‘Sa muliciteewo baishiwanu nabi mukwabanu musankwa aumwi?’ 20Twakakumbula ayi, ‘Tulicite baishiwesu bacembele amwanike wesu musankwa ngobakashalila kubucembele. Mukwabo mwanike uyo ulifwite, aboobo ngowacaalawobo kuli banyina. Ono baishi balimusuni abuumbi.’ 21Nkambo, mwakatwaambila ayi tumulete kuno, mumuboone. 22Sombi twakakumbula ayi mwanike uyo taakoonshi kushiya baishi mukwiinga na wacita boobo inga bafwa. 23Lyalo mwakaamba ayi, ‘Teshi mukasuminishikwe kushika muliimfwa lyangu alimwi citobo mukese amwanike wanu.’
24“Ono nditwakaboolela kuli bata twakabalwiita mbomwakatwaambila. 25Kuswawaawo bakatwaambila ayi tuboolele mukuula shakulya ashimwi shiniini, 26mpeeke twakakumbula ayi, ‘Tatukoonshi kuya. Teshi tuye tusuminishikwe kushika muliimfwa lya banene abo citobo mwanike wesu tuyaakwe, aboobo teshi tuyeeko na mwanike wesu tubule kuyaakwe.’ 27Baishiwesu bakatwaambila ayi, ‘Mulishi kwaamba ayi muli Lakelo mukaangu, ndakashalilamobo baana basankwa bobilo. 28Womwi pakati kabo wakanshiya kale. Ulyeelete kwaamba ayi banyama ba muluundu bakamusansoola mutupanshapansha, mukwiinga mbwaakeeta, nshina kumubonaawo tubili. 29Ono bulya na mubwese awooyu, cimwi cicitike kuli nguwe, inga mwanengesha buumba bweshi bukancaaye kweelana ambondacembela bulya.’
30“Ono na mwanike wesu atanooli anebo ndaboolela kuli bata, musebenshi wanu, uyo ucatene abuumbi amwanike uyu, alimwi na bata 31babone ayi taapo, ncakwiila batoofwa. Swebo sobasha banu tutoolengesha bata abo bacembela kufwa kubuumba. 32Alimwi nebo, nemusebenshi wanu, ndakashomesha kuli bata ayi mwanike wesu ndaakumulama kabotu. Ndakaamba ayi, ‘Na nkabule kumuboosha mwanike uyu kuli ndimwe, mukape ndime mulandu wamuyayaya.’ 33Ono aboobo nobaami, amuleke nebo nemusebenshi wanu ncaale akuba musha wanu mumusena wa mwanike wesu. Lakwe aye abamakwabo. 34Anu inga ndaya buyani kuli bata na ndabula kuya amwanike uyu? Taakuuwo. Nshisuni kubona bata mbweshi bakoongumane abuumba bweshi bukashike pali mbabo.”
Currently Selected:
Matalikilo 44: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Matalikilo 44
44
Nkomeshi yakaluba
1Kuswawaawo Josefu wakalwiita basebenshi bakalinga kulama ŋanda yakwe ayi, “Susha masaka a basankwa aba ashakulya shifule kweelana ambobakonsha kunyamuna, alimwi ubike maali a muntu womwi awomwi peculu mulisaka lyakwe. 2Bika nkomeshi yangu ya silifa mulisaka lya mwanikebantu pantu pomwi amaali akwe akuula shakulya.” Musebenshi wakacita kweelana ambwaakaambilwa. 3Macuunsacuunsa bakashindikilwa ambongolo shabo. 4Ndibakeendakobo mushinso ufwaafwi kuswa mundabala inene, Josefu wakaambila musebenshi munene shikulama ŋanda yakwe ayi, “Endesha bacinshe basankwa balya. Na ubacaane, ubeepushe ayi, ‘Ino mwaboosheshaanshi bubi pabubotu? 5Ino mweepilanshi nkomeshi ya silifa ya mwaami wangu? Njaanwisha alimwi njaasebensesha kulotela shintu. Mwaciita mulandu unene abuumbi!’ ”
6Musebenshi uyo ndyaakabacana, wakeendaamo mweenka mumaswi ayo. 7Bakakumbula ayi, “Anu cilaambanshi kwaamba boobo nkambo? Tatukwe kucitaawo cintu ca mushobo uyo. Ubo twalumbila. 8Mwebo nobeene mulishi kabotu kwaamba ayi kuswa kucishi ca Kenani twakapilushaawo maali ngotwakacana peculu mumasaka. Ono inga tweepilanshi silifa nabi golodi muŋanda ya mwaami wako? 9Nkambo, na uli woonse pakati kesu wiicite, utoocaikwa alimwi swebo soonse tutooba basha banu.”
10Lyalo wakaamba ayi, “Ndaasumina ayo. Sombi ngooyobo wiicite weshi abe musha wangu, bamwi boonse inga baya kabaangulukite.” 11Mpeeke bakaselusha masaka abo cakufwambaana alimwi muntu womwi awomwi wakacalula lisaka lyakwe. 12Musebenshi wakwe Josefu wakalangoola cakukalika moyo, kutalikila kumunenebantu kushikila kumwanikebantu. Lyalo nkomeshi yakacanika mulisaka lyakwe Benjameni. 13Bamakwabo bakakwamoona shakufwala shabo kubuumba. Mpeeke bakatantika shifunta shabo pambongolo akuboolela kundabala inene.
14Juda abamakwabo ndibakashika kuŋanda yakwe Josefu, bakamucanaako. Mpomunyaawo bakaya bafukama kunembo lyakwe. 15Mpeeke Josefu wakaamba ayi, “Ino mwacitanshi? Sa temwalinga kwishi kwaamba ayi muntu uli mbuli ndime inga weshiba shintu kwiinda mukulotela?” 16Juda wakakumbula ayi, “Anu inga twaambanshi nkambo? Anu inga twapikisha amaanonshi? Anu inga twatondesha buyani ayi tatucite mulandu? Lesa wayubulula mulandu wesu, bulya swebo soonse tuli basha banu kuteshibo wooyo wacaninwa nkomeshi.” 17Mpeeke Josefu wakaamba ayi, “Ne, sobwe, nshikoonshi kucita boobo. Uyobo eenka wacaninwa nkomeshi ngweshi abe musha wangu. Nomwacaala inga mwaboolela kuli baishiwanu kamwaangulukite.”
Juda mbwaakalila Benjameni
18Mpomunyaawo Juda wakaya kuli Josefu akwaamba ayi, “Nkambo ndaseenga ayi munsuminishe kwaamba ayi mbandikaanu cakwaanguluka mutakalali. Mwebo cilyeelenebo amwaami mwiine. 19Nkambo, mwakatwiipushaawo ayi, ‘Sa muliciteewo baishiwanu nabi mukwabanu musankwa aumwi?’ 20Twakakumbula ayi, ‘Tulicite baishiwesu bacembele amwanike wesu musankwa ngobakashalila kubucembele. Mukwabo mwanike uyo ulifwite, aboobo ngowacaalawobo kuli banyina. Ono baishi balimusuni abuumbi.’ 21Nkambo, mwakatwaambila ayi tumulete kuno, mumuboone. 22Sombi twakakumbula ayi mwanike uyo taakoonshi kushiya baishi mukwiinga na wacita boobo inga bafwa. 23Lyalo mwakaamba ayi, ‘Teshi mukasuminishikwe kushika muliimfwa lyangu alimwi citobo mukese amwanike wanu.’
24“Ono nditwakaboolela kuli bata twakabalwiita mbomwakatwaambila. 25Kuswawaawo bakatwaambila ayi tuboolele mukuula shakulya ashimwi shiniini, 26mpeeke twakakumbula ayi, ‘Tatukoonshi kuya. Teshi tuye tusuminishikwe kushika muliimfwa lya banene abo citobo mwanike wesu tuyaakwe, aboobo teshi tuyeeko na mwanike wesu tubule kuyaakwe.’ 27Baishiwesu bakatwaambila ayi, ‘Mulishi kwaamba ayi muli Lakelo mukaangu, ndakashalilamobo baana basankwa bobilo. 28Womwi pakati kabo wakanshiya kale. Ulyeelete kwaamba ayi banyama ba muluundu bakamusansoola mutupanshapansha, mukwiinga mbwaakeeta, nshina kumubonaawo tubili. 29Ono bulya na mubwese awooyu, cimwi cicitike kuli nguwe, inga mwanengesha buumba bweshi bukancaaye kweelana ambondacembela bulya.’
30“Ono na mwanike wesu atanooli anebo ndaboolela kuli bata, musebenshi wanu, uyo ucatene abuumbi amwanike uyu, alimwi na bata 31babone ayi taapo, ncakwiila batoofwa. Swebo sobasha banu tutoolengesha bata abo bacembela kufwa kubuumba. 32Alimwi nebo, nemusebenshi wanu, ndakashomesha kuli bata ayi mwanike wesu ndaakumulama kabotu. Ndakaamba ayi, ‘Na nkabule kumuboosha mwanike uyu kuli ndimwe, mukape ndime mulandu wamuyayaya.’ 33Ono aboobo nobaami, amuleke nebo nemusebenshi wanu ncaale akuba musha wanu mumusena wa mwanike wesu. Lakwe aye abamakwabo. 34Anu inga ndaya buyani kuli bata na ndabula kuya amwanike uyu? Taakuuwo. Nshisuni kubona bata mbweshi bakoongumane abuumba bweshi bukashike pali mbabo.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.