Matalikilo 42
42
Bamakwabo Josefu mbobakaya kuIjipiti
1Jakobo ndyaakeshiba ayi kuIjipiti nkoshili shakulya wakaambila bana bakwe basankwa ayi, “Sa inga tamucitiiwo cintu comwi? 2Ntoonyumfwa ayi shili anga ngamaila shakulya nkoshili kuIjipiti. Kamuya mukooleeko kwaamba ayi tutafwi kunsala.”#Mili 7:12 3Paceebo ceeco bamakwabo Josefu bali likumi bakanyamuka kuya kuIjipiti mukuula shakulya. 4Sombi Jakobo taakwe kuleka Benjameni mukwabo Josefu lifumo lyomwi ayi aye ambabo ceebo wakalinga kuloonda ayi cimwi cintu inga cacitika kuli nguwe.
5Bana bakwe Jakobo bakalitiba pamulongo wa bantubo bamwi bakalinga kuya mukuula shakulya mukwiinga nsala yakalingabo mucishi ca Kenani coonse. 6Josefu, uyo wakalinga ngomweendeleshi wa cishi ca Ijipiti, ngowakalinga kuulisha shakulya kubantu bakalinga kuswa kushishi shimwi shoonse. Aboobo bamakwabo bakesa bafukama kuli nguwe cakushisha shiwa panshi. 7Josefu ndyaakabona bamakwabo wakabeshiba, sombi wakalinga kucitabo anga taakalinga kubeshi. Wakabeepusha cabukali ayi, “Mulaswa kuli?” Bakakumbula ayi, “Twaswa kuKenani kwisa mukuula shakulya.”
8Nacibi kwaamba ayi Josefu wakeshiba bamakwabo, balo tabakwe kumwishiba. 9Mpeeke wakeebaluka shiloto nshaakalota pali mbabo akwaamba ayi, “Muli basenseshi mwebo, mwesa mukubonabo cishi cesu mpocitashupite kwinjilila.”#Mata 37:5-10 10Sombi bakakumbula ayi, “Sobwe nkambo. Twesa mbuli basha banu kwaamba iyi tuule cakulya. 11Soonse bulya pano tuli bamukowa. Tatubete basenseshi sobwe nkambo, tuli basankwa bashomeka.” 12Josefu wakaamba ayi, “Mutoobecabo! Mwesa mukubona cishi cesu mpocitashupite kwinjilila.”
13Bakaamba ayi, “Swebo nkambo, twakalinga likumi abobilo soonse pantu pomwi kuli baishiwesu bomwi mucishi ca Kenani. Womwi wakafwa, shikeela wesu wacaala abata kumisheesu.” 14Mpeeke Josefu wakakumbula ayi, “Bweenka mbondaambaawo kale, mwebo muli basenseshi. 15Ono mbweshi nshinishe mbulya. Ndalumbila paliina lyakwe Falawo ayi teshi mukayeewo citobo shikeela wanu akese kuno. 16Womwi pakati kanu ulyeelete kuya mukumuleta. Nobamwi mutoolamwa kuno abeshikulindilila kushikila nkeshibe lushinisho lwa makani ngomutokwaamba. Kwabula kuba boobo, bweenka mbocili lushinisho ayi mwaami ngumuumi, ncakwiila muli basenseshi.” 17Kuswawaawo wakababika muntolongo kwanshiku shotatwe.
18Pabushiku bwatatu Josefu wakabaambila ayi, “Nebo ndimuntu uloonda Lesa, ono teshi mucaaye na mucite cintu comwi. 19Ono kutondesha kwaamba ayi mulashomeka, womwi pakati kanu ulyeelete acaale muntolongo mweenka momwalinga, sombi nobamwi inga mwatola shakulya nshimoolaako kumikowa yanu mukwiinga inga baakufwa kunsala. 20Ono mukalete shikeela wanu. Ici cilaakutondesha ayi ishi nshemwaamba teshi shakubeca, alimwi teshi nkamucayeewo.”
Bakasumina kucita ubo, 21alimwi bakalifuyafuya ayi, “Ee, tutoopenshekwa ceebo ca ceeco ncetwakacita kumukwabesu Josefu. Twakabona mbwaakalinga mumapensho ndyaakalinga kulila lucafwo, sombi twakayumya myoyo. Mboobulya ono sunu caboola pali ndiswe.”
22Lyalo Lubeni wakaamba ayi, “Ndakamulwiita ayi mutaciti cimwi cintu cibiibi pamwanike, ono tamukwe kunyumfwila. Mwaboona ono tutoopengelaamo mulufu lwakwe.”#Mata 37:21-22 23Josefu wakanyumfwa nshebakalinga kwaamba, sombi balo tabakwe kwishiba mukwiinga bakalinga kwaambaakwe kwiinda mumuntu ushikupandulula. 24Josefu wakabashiya waya walila. Ndyaakabooshaamo moyo cakukonsha kwaamba, wakaboola, wesa wasalaawo Simyoni akumwaanga boonse kababweneeko.
Bamakwabo Josefu mbobakaboolela kukenani
25Mpeeke Josefu wakaambila bantu bakwe ayi masaka a bamakwabo asushikwe shakulya, kupilushamo maali mumasaka abo akubabambila shakulya munshila pakunooya. Shoonse isho shakacitwa. 26Bamakwabo abo bakabika shakulya nshibakoola pambongolo shabo, lyalo bakanyamuka. 27Pamusena mpobakoona, umwi wakacalula lisaka lyakwe ayi asanine mbongolo. Ndyaakacalula wakacanabo maali akwe peculu. 28Mpeeke wakoolobesha kubamakwabo ayi, “Maali angu ndabooshelwa. Anaaya mulisaka lyangu!” Bakatilimuka abuumbi, alimwi muboowa bakeepushanya ayi, “Anu Lesa wacitanshi kuli ndiswe?”
29Ndibakashika kuli ishiwabo Jakobo muKenani, bakamulwiita shoonse shakacitika kuli mbabo. 30Bakaamba ayi, “Mweendeleshi wa kuIjipiti wakatwiipusha cabukali akutubekesha ayi tuli basenseshi ba cishi cine mishaabo. 31Twakakumbula ayi, ‘Tatubete basenseshi, sobwe. Tulashomeka. 32Twakalinga likumi abobilo soonse pantu pomwi, baana ba muntu womwi muKenani. Mukwabesu womwi wakafwa, ono shikeela nkwaacili, wacaala abaishiwesu muKenani.’ 33Lakwe wakakumbula ayi, ‘Ono mbweshi nshibe lushinisho mbulya. Womwi pakati kanu utoocaala kuno, nobamwi mutole shakulya kumikowa yanu inga baakufwa kunsala. 34Shikeela wanu mukamuleete kuli ndime. Lyalo ndyeshi nkeshibe ayi tamubete basenseshi, sombi ayi muli bantu bashomeka. Kuswawaawo ndaakuboosha mukwabanu uyu kuli ndimwe alimwi inga mwekala kuno kamucita makwebo.’ ”
35Lyalo ndibakasukumuna masaka abo, boonse bakacana tufunta twabo twa maali. Mpeeke ndibakatubona balo aishiwabo bakaloonda abuumbi. 36Ishiwabo wakabaambila ayi, “Sa mulisuni kwaamba ayi bana bangu boonse bamane kuluba. Josefu pakoomunabo, Simyoni alakwe, ono mutooyanda kutola aBenjameni. Nebo ndime mpengelaamo!”
37Lubeni wakaambila baishi ayi, “Na nkabule kumuboosha Benjameni inga mwacaya bana bangu bobilo basankwa. Amumubikebo mumaansaangu, ndaakumuleta alimwi.” 38Sombi Jakobo wakaamba ayi, “Mwanaangu taakoonshi kuya awebo. Mukwabo ulifwite, ono ngowacaalabo eenka. Cimwi cintu inga cacitika munshila. Ndacembela, aboobo buumba mbweenga wandetela inga bwancaya.”
Currently Selected:
Matalikilo 42: BBBLI
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.
Matalikilo 42
42
Bamakwabo Josefu mbobakaya kuIjipiti
1Jakobo ndyaakeshiba ayi kuIjipiti nkoshili shakulya wakaambila bana bakwe basankwa ayi, “Sa inga tamucitiiwo cintu comwi? 2Ntoonyumfwa ayi shili anga ngamaila shakulya nkoshili kuIjipiti. Kamuya mukooleeko kwaamba ayi tutafwi kunsala.”#Mili 7:12 3Paceebo ceeco bamakwabo Josefu bali likumi bakanyamuka kuya kuIjipiti mukuula shakulya. 4Sombi Jakobo taakwe kuleka Benjameni mukwabo Josefu lifumo lyomwi ayi aye ambabo ceebo wakalinga kuloonda ayi cimwi cintu inga cacitika kuli nguwe.
5Bana bakwe Jakobo bakalitiba pamulongo wa bantubo bamwi bakalinga kuya mukuula shakulya mukwiinga nsala yakalingabo mucishi ca Kenani coonse. 6Josefu, uyo wakalinga ngomweendeleshi wa cishi ca Ijipiti, ngowakalinga kuulisha shakulya kubantu bakalinga kuswa kushishi shimwi shoonse. Aboobo bamakwabo bakesa bafukama kuli nguwe cakushisha shiwa panshi. 7Josefu ndyaakabona bamakwabo wakabeshiba, sombi wakalinga kucitabo anga taakalinga kubeshi. Wakabeepusha cabukali ayi, “Mulaswa kuli?” Bakakumbula ayi, “Twaswa kuKenani kwisa mukuula shakulya.”
8Nacibi kwaamba ayi Josefu wakeshiba bamakwabo, balo tabakwe kumwishiba. 9Mpeeke wakeebaluka shiloto nshaakalota pali mbabo akwaamba ayi, “Muli basenseshi mwebo, mwesa mukubonabo cishi cesu mpocitashupite kwinjilila.”#Mata 37:5-10 10Sombi bakakumbula ayi, “Sobwe nkambo. Twesa mbuli basha banu kwaamba iyi tuule cakulya. 11Soonse bulya pano tuli bamukowa. Tatubete basenseshi sobwe nkambo, tuli basankwa bashomeka.” 12Josefu wakaamba ayi, “Mutoobecabo! Mwesa mukubona cishi cesu mpocitashupite kwinjilila.”
13Bakaamba ayi, “Swebo nkambo, twakalinga likumi abobilo soonse pantu pomwi kuli baishiwesu bomwi mucishi ca Kenani. Womwi wakafwa, shikeela wesu wacaala abata kumisheesu.” 14Mpeeke Josefu wakakumbula ayi, “Bweenka mbondaambaawo kale, mwebo muli basenseshi. 15Ono mbweshi nshinishe mbulya. Ndalumbila paliina lyakwe Falawo ayi teshi mukayeewo citobo shikeela wanu akese kuno. 16Womwi pakati kanu ulyeelete kuya mukumuleta. Nobamwi mutoolamwa kuno abeshikulindilila kushikila nkeshibe lushinisho lwa makani ngomutokwaamba. Kwabula kuba boobo, bweenka mbocili lushinisho ayi mwaami ngumuumi, ncakwiila muli basenseshi.” 17Kuswawaawo wakababika muntolongo kwanshiku shotatwe.
18Pabushiku bwatatu Josefu wakabaambila ayi, “Nebo ndimuntu uloonda Lesa, ono teshi mucaaye na mucite cintu comwi. 19Ono kutondesha kwaamba ayi mulashomeka, womwi pakati kanu ulyeelete acaale muntolongo mweenka momwalinga, sombi nobamwi inga mwatola shakulya nshimoolaako kumikowa yanu mukwiinga inga baakufwa kunsala. 20Ono mukalete shikeela wanu. Ici cilaakutondesha ayi ishi nshemwaamba teshi shakubeca, alimwi teshi nkamucayeewo.”
Bakasumina kucita ubo, 21alimwi bakalifuyafuya ayi, “Ee, tutoopenshekwa ceebo ca ceeco ncetwakacita kumukwabesu Josefu. Twakabona mbwaakalinga mumapensho ndyaakalinga kulila lucafwo, sombi twakayumya myoyo. Mboobulya ono sunu caboola pali ndiswe.”
22Lyalo Lubeni wakaamba ayi, “Ndakamulwiita ayi mutaciti cimwi cintu cibiibi pamwanike, ono tamukwe kunyumfwila. Mwaboona ono tutoopengelaamo mulufu lwakwe.”#Mata 37:21-22 23Josefu wakanyumfwa nshebakalinga kwaamba, sombi balo tabakwe kwishiba mukwiinga bakalinga kwaambaakwe kwiinda mumuntu ushikupandulula. 24Josefu wakabashiya waya walila. Ndyaakabooshaamo moyo cakukonsha kwaamba, wakaboola, wesa wasalaawo Simyoni akumwaanga boonse kababweneeko.
Bamakwabo Josefu mbobakaboolela kukenani
25Mpeeke Josefu wakaambila bantu bakwe ayi masaka a bamakwabo asushikwe shakulya, kupilushamo maali mumasaka abo akubabambila shakulya munshila pakunooya. Shoonse isho shakacitwa. 26Bamakwabo abo bakabika shakulya nshibakoola pambongolo shabo, lyalo bakanyamuka. 27Pamusena mpobakoona, umwi wakacalula lisaka lyakwe ayi asanine mbongolo. Ndyaakacalula wakacanabo maali akwe peculu. 28Mpeeke wakoolobesha kubamakwabo ayi, “Maali angu ndabooshelwa. Anaaya mulisaka lyangu!” Bakatilimuka abuumbi, alimwi muboowa bakeepushanya ayi, “Anu Lesa wacitanshi kuli ndiswe?”
29Ndibakashika kuli ishiwabo Jakobo muKenani, bakamulwiita shoonse shakacitika kuli mbabo. 30Bakaamba ayi, “Mweendeleshi wa kuIjipiti wakatwiipusha cabukali akutubekesha ayi tuli basenseshi ba cishi cine mishaabo. 31Twakakumbula ayi, ‘Tatubete basenseshi, sobwe. Tulashomeka. 32Twakalinga likumi abobilo soonse pantu pomwi, baana ba muntu womwi muKenani. Mukwabesu womwi wakafwa, ono shikeela nkwaacili, wacaala abaishiwesu muKenani.’ 33Lakwe wakakumbula ayi, ‘Ono mbweshi nshibe lushinisho mbulya. Womwi pakati kanu utoocaala kuno, nobamwi mutole shakulya kumikowa yanu inga baakufwa kunsala. 34Shikeela wanu mukamuleete kuli ndime. Lyalo ndyeshi nkeshibe ayi tamubete basenseshi, sombi ayi muli bantu bashomeka. Kuswawaawo ndaakuboosha mukwabanu uyu kuli ndimwe alimwi inga mwekala kuno kamucita makwebo.’ ”
35Lyalo ndibakasukumuna masaka abo, boonse bakacana tufunta twabo twa maali. Mpeeke ndibakatubona balo aishiwabo bakaloonda abuumbi. 36Ishiwabo wakabaambila ayi, “Sa mulisuni kwaamba ayi bana bangu boonse bamane kuluba. Josefu pakoomunabo, Simyoni alakwe, ono mutooyanda kutola aBenjameni. Nebo ndime mpengelaamo!”
37Lubeni wakaambila baishi ayi, “Na nkabule kumuboosha Benjameni inga mwacaya bana bangu bobilo basankwa. Amumubikebo mumaansaangu, ndaakumuleta alimwi.” 38Sombi Jakobo wakaamba ayi, “Mwanaangu taakoonshi kuya awebo. Mukwabo ulifwite, ono ngowacaalabo eenka. Cimwi cintu inga cacitika munshila. Ndacembela, aboobo buumba mbweenga wandetela inga bwancaya.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.