Baluku 5
5
1Webo Jelusalemu, fuula cakufwala
cako camalilo abuumba.
Ufwale shabulemu bwa Lesa lyoonse alyoonse.
2Lifweke mwiinjila wabululami uswa kuli Lesa.
Fwala fuse ya bulemu bwakwe
Lesa walyoonse alyoonse.
3Pakwiinga Lesa ulisuni
kubonesha bulemu bwako
kubantu boonse bekala pacishi capaanshi.
4Lesa ulakwiita liina
lyeshi likabe lya muyayaya
“Luumuno lwabululami,”
alimwi “Bulemu bwa bupailishi.”
5Buka, webo oJelusalemu,
imikana pamulundu apo, ulange kucwe.
Bona banabako balya,
usalitwe wababunganya
kuswa kucwe kuya mukushika kumbo.
Balikondetwe ceebo Lesa wabebaluka.
6Bakakushiya koyeenda paanshi,
balwanibabo ndibakabatola.
Sombi Lesa ulakubaboosha kuli ndiwe,
akubanyamuna mubulemu
bweenka mbuli baana ba mwaami.
7Mukwiinga Lesa wakalasha ayi
tulundu tulaamfu amitunta
itamaani ulakwifwiimpya,
alimwi makuti ulaakwafukila
kwaamba ayi mbasu shoonse sheelane.
Lyalo bene Isilaeli balakweenda muluumuno
mubulemu bwakwe Lesa.
8Pakukonkela mulawo wakwe Lesa
luundu ashisamu shoonse shinunkila kabotu
shilakupa shimfule bene Isilaeli.
9Ncakwiila Lesa ulakutanjilila
bene Isilaeli mukusangalala
akubala kwabulemu bwakwe, nkumbu abululami.
Currently Selected:
Baluku 5: BBBLI
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.