NAHUM Ɓi madiɗa madiɗa ngi raˀa
Ɓi madiɗa madiɗa ngi raˀa
Ɗerewol Nahum a ɓi di i ɓi ngi Niniv, walahay hirnga ngi Israyeley, daf dumbuŋ ar naŋ misa diɗi, yo Asirihey miwakaŋ. A tohoko ɗerewol Nahumo ar vi 663 dumbuŋ ar yi ngi Y. K, Asirihey mitiɓaka ruwuy Tebes ati Babiloŋhoy mingizlaka Niniv na, ar vi 612 dumbuŋ ar yi ngi Y. K.
Ɗerewol hana, ɓi ara taˀ taˀ makir:
-Mudumbuŋ naŋ ar (1.2-8) na, i ɓi madiɗa ngi hirnga naŋ taˀ wãˀ, waɗ a ɓi ɓi ngi gidaŋ ngi Bumbulvuŋ ar gwat ngi duniya gar ati naŋ masa ga kiita da duniya gar.
-Mucuw naŋ, ar (1.9 —2.3 ) na, i Bumbulvuŋ masa biga gidaŋ naŋ avu miji ruwuyoy, hirak ar vi ngi Nahum: A sa biga ti waha walahay Niniv, vurˀe, a sa laha mizli Zudahaya.
-Mumakir naŋ, ar (2.4 —3.1 9) na, a biga gwatay migam a Ninive taŋ kahana kahana, a ga muguzlum ngi taŋ muwahaka Niniv waɗ gidaŋ naŋ ngi wi mizli, a ga muguzlum naŋ.
Mingiɓi ngi mijiviɗ Nahum, a kiɗ mi ti tila mi ti ɓi ngi waha Niniv tew ta. Naŋ kine, Nahum a biga waha Ninive, kaɓa i Bumbulvuŋ magaŋ kiita. Ninive, i walahay mahuhum vu, migi malambaˀ madiɗaŋ, yo i sulome. Niniv a bigi i walahay mipi ti gidaŋ ngi mburu, a ndiraka ar ɗuva virzi naŋ Bumbulvuŋ mawuɗ na ta. Wurenna, ɗerewol Nahum a ndir ti tila mi ti ɓi ngi wi mizli, gidaŋ ngi wi mizli misi kanah na, i ngi kiɗ avra.
Currently Selected:
NAHUM Ɓi madiɗa madiɗa ngi raˀa: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.