LEVIHEY Ɓi mdiɗa madiɗa ngi raˀa
Ɓi mdiɗa madiɗa ngi raˀa
Verse mudumbuŋ ngi ɗerewol Levi a ɓa ndra di i ɓi ngi Buymisemuŋ mizila Moyis, zle ar guɗuk naŋ ngi zlir ati mizli. Angi ɗerewol Levi gar na, Buymisemuŋ a ɓi da Moyise, i ɓimujuwahay haɗa ati ɓi ngi sipihey hĩˀĩ da Israyeley, waɗ ɓi miɓa ɗaˀ le misi anihĩ, «mbur magi taŋ slra na, a sa ndir ti siifa vurˀeŋ.» (18.5 , Rom 10.5 a slufa ɓi nah le). Ɓi gar, a jum ani: gwatay matikaka jum ngi Israyeley ati Buymisemuŋ, yo ɓa guɗuk a ndir i li ngi zlir ati naŋ Buymisemuŋ gisiŋ na, Buymisemuŋ a bigi da Israyeley i jiviɗ ngi kiɗa ɓi tayna. Anja migi sedegehey a gaka sedege ti jiviɗ naŋ kasl kasla (sap 1-7), anja mizli a cinaka mi da migi sedegeheye, yo gwat ngi gi taŋ kwana, anja mizli a ɗuvaka taŋ hirnga ase’eŋ gu, (sap 8-10), waɗ ma na, anja mbur gar a wuzla mizli Israyeleye, a tika gwat macaŋ dumvu naŋ ar dili, (sap 11-16), yo a tika misi macaŋ ar wuluk ɓa a gi teŋteŋ ta malla ɓa a gi mezegweley ti gi teŋteŋ ta (sap 17-27). Buymisemuŋ mipal, muwuɗa vu, yo misi ti siifa, a wuɗ a ga ɓa mizli naŋhay a ndiram pal ka naŋ vuna ya (19.2 ), ɓa taŋ kwana, a sa tiram mizli ngi ru ti ɓi ngi siifa ati ngi wuɗa vu naŋ da mizli ya. «Sey mbur ngisi kum gar a wuɗ mbur cil naŋ, kaɓa naŋ mawuɗ hirnga naŋ vuna» (19.1 8; Mat 22.3 9). Yesu mimahiri ngi ɓa ɓimuɗuva hana ava ma na vurˀeŋ, i gwat mezle ngi gi, Buymisemuŋ muvula da Israyeley. Ɓimujuwa tayna, ara zumaka hirnga ndrehhe da musluf naŋhay ti dana, jum ati Buymisemuŋ i gwat mupuɗaw ngi vula siifa da mburu, mitiɓihey misi ko amaka gar ati misi ko ti vunaka gar na, ɓimujuwa tayna ara ma taŋ slufa hiri naŋ hirdam hirdam, ti ˀay ti sukwi wal wal gar, mbak le anta.
Currently Selected:
LEVIHEY Ɓi mdiɗa madiɗa ngi raˀa: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.