ZONAS 3
3
Zonas mitil mi a Niniv
1Bumbulvuŋ a ɓa Zonasa sar mucuw naŋ ma: 2«Aru kutum nga Niniv, walahay madiɗaŋ, til mi ti ɓi ya maɓuw di na.» 3Dar Zonas a cin mi, aru kutum nga Ninive muduba, kaɓa Bumbulvuŋ miɓaŋ. Dambalaka Ninive, a tiri le i walahay madiɗa miwãˀ naŋ, ɓa mbur a ngira kããk hã a mivaya na, sey hin makir. 4Zonas a zla a til mi: «Heehey! A ndir hin kukur mufaɗa, ɓa hirwuy Niniv a ciɗisli.» Naŋ mivi hiipas purla ar li tila mi kahana vuna aruŋ si na, 5mizli ngi digahay ara tiɓaka ɓi ngi Buymisemuŋ. A tilam mi ɓa a gam dalyam, a kam zana ngi vagay, diga mizli madiɗahay hã avu ziri. 6Buy Niniv micina ɓi nah na, a slikiɗ tir janga naŋ ngi buyo, a cuko zana naŋ ngi buy avra, dar a ki zana ngi vagay, waɗ a cifi ar fucu. 7A slin mizli kutum, ɓa a tilam mi ar walahay Ninive, a ɓam: «Buy ati mizli ngi mbuŋ naŋhay, a cicaka ɓi ani: mizli ati gwat misãmihey, waɗ ginewey gar na, tikaka taŋ, ɓa a titilam gwat neˀ le ta, ko zum ti ginewey malla yam ngi si gar na, i mitika le. 8Mizli ati ginewey gar na, a sa kam zana ngi vagay, dar a sa zilaka Buymisemuŋ ti gidaŋ. Mbur gar na, a sa mbiɗa sipi jiviɗ malambaˀ naŋ waɗ gi moˀore naŋ mandir di ngek a haŋ na. 9Misina i waka! Asinta, Buymisemuŋ a sa mbiɗa wuluko, a sa pula ɓi naŋ mujuwa a mevel na, a sa muca mevele, kanah na, anta sa kiɗa ndra vagay vagay mata kwani?» 10Buymisemuŋ a pura gi gwat taŋ na: ara pulaka jiviɗ taŋ malambaˀa. Akẽh na, a pula ɓi naŋ mujuwa a mevel ngi ga taŋ malambaˀ na. A ga mata.
Currently Selected:
ZONAS 3: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.