ZONAS 2
2
Dira dibiɗ ngi Zonas
1Akẽh na, Bumbulvuŋ a slino kilif madiɗa kutum, a so nda Zonasa suɗuk. Zonas a ndir a kwacay kilife, hiipas hiipas makir ati duvuɗ duvuɗ makir. 2Naŋ misi a kwacay kilife, a dir dibiɗ da Bumbulvuŋ, Buymisemuŋ naŋ.
3A ɓi:
«Angi bonoy mufuniy gidaŋ na, i tumbuluw ka Bumbulvuŋ le:
ki mbiɗiy di le.
ya misi ar li cifi ngi mizli mumucahaya, i ziluw ɓa ki kilo widi ɗu:
ki ciniy ˀay ɗu le. 4Ki hizigiy le ng'ar heleleŋ a wuzla mubuliy,
ya guzluv a diga a wuzla yam,
diɓel ngi yama gar, asi cala asi cala,
a mbizlo ng'ar ya.
5Hã yi ɓi: Yi muɓula le kileŋ a mihiri ɗike.
Dambalaka yi ra wuɗ pura hay ɗik mipal na ngbaŋ. 6Yam a ndiy sesẽŋ asi ˀay,
ya guzluv a wuzla yam mijileŋ,
giziŋ ngisi yamay gijaw gijaw hirnga ɗu.
7Yi pi sar le, hã sesẽŋ asi virzi ngi muwãhay,
miviŋ ngi ruwuy ngi mizli mumucahay a gicam le kiɗasl kiɗasl ngi wãˀ a hirnga ɗu.
Amma ka, yawwa Bumbulvuŋ, Buymisemuŋ ɗu!
Ki jiɗo ti ya le ti siifa tir vigiɗe.
8Naɓa yi ro fiɗek fiɗek zleˀe,
yi wuluk keŋ ar ka, joˀ yi ziluw: «Bumbulvuŋ ɗu»
Dar diradibiɗ ɗu a ndil sesẽŋ avu ka,
sesẽŋ ar hay ɗik mipal. 9Mizli mawuɗam huruk huruk a mbuŋ kulihey ngatara lambaˀhay haɗa na,
anja a pulaka sipi jiviɗ taŋ na!
10Amma ya, i zli dimis ngi guw sise,
i guw mikuli,
yo gwat ya mija mi ɗike ti naŋ na, i guw di.
Haˀaw, malih vu i ka Bumbulvuŋ.
11Akẽh na, Bumbulvuŋ a ɓa kilife ɗaˀ si na, a vunoho Zonasa pitikir a ruwuy.
Currently Selected:
ZONAS 2: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.