OZE Ɓi madiɗa madiɗa ngi raˀa
Ɓi madiɗa madiɗa ngi raˀa
Gwat ngi vi kuru’ a dirba Amos na, Oze a tiri mijiviɗ ngi Bumbulvuŋ ar li Israyeley mazumam buy ara, hã a zik gwat ngi vi kukur cuw nga zlum a dirba, ar vi ngi Asirihey mitiɓaka Samari.
Ar vi tayna so na, li zumabuy ngi Israyeley ara wuɗuk. Sukwi, Bumbulvuŋ muwuna tuwa, tiɓi ngi mevel taŋ ara mi nga ruwuy, ara sipam jiviɗ ngi Asirihey.
Ose a zla tila mi ti naŋ muzuɓ ngwas sulome, a yi di ziri makir, a ca taŋ slimiɗe weˀe avu gi gwat ngi Israyeley waɗ migir taŋ masa lumam.
I wuɗkaka ɗerewol Oze wuzla cuwo gu:
(.) Mudumbuŋ naŋ (sapitir 1-3) na, a ɓi, Bumbulvuŋ da ko mizli naŋhay a pulakaŋ le kwana, naŋ anta pula taŋ ta na si.
(.) Mucuw naŋ (Sapitir 4.1 —14.1 ) na, a ɓi di i ɓi ngi wuɗa vu ngi Bumbulvuŋ vuna ma, amma ar nah na, Bumbulvuŋ anta wuɗ mizli naŋhay a gam lambaˀa ta.
(Sapitir 14.2-10) na, i juwa mi ngi ɗerewol Oze vuna.
Ɓi ngir wala ngi Bumbulvuŋ ati mizli naŋhay na, i ɓi ngi wuɗa vu. Bumbulvuŋ a wuɗ mizli naŋhaya, yo a mbiɗa taŋ hirnga ma. A ro hiri njah, yo ara kutuko mbiɗi mi ngi mizli naŋhaya. Mijiviɗ Oze a wuɗ a ɓa ndra na, wuɗa vu ngi Bumbulvuŋ naŋ manja maakway.
Currently Selected:
OZE Ɓi madiɗa madiɗa ngi raˀa: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.