OZE 6
6
1Dar kumo ki ɓam:
«Soko, i mam ng'avu Bumbulvuŋ.
Miga ndra waˀa i naŋ, yo masa mbulo ndra i naŋ vuna ma,
a kiɗa ndra le, a sa mbuza ndra waˀahaya.
2Ar kiɗa mi ngi hin cuw na, a sa vula ndra siifa,
ar hin mimakir naŋ na, a saslikiɗa ndra deŋ deŋ a muŋ,
yo i sa vula ndra siifa a muŋ.
3Tumukum vu ngi si na Bumbulvuŋ,
so naŋ na, i gisiŋ kaɓa pas mabo ti miprik priki,
a sa so ng'avi ndra kaɓa vuŋ masawa,
yo kaɓa vuŋ ngi dirba wãˀ magujaˀa li.»
4Amma Bumbulvuŋ a sa mbuɗukum di:
«Sukwi Efrayim, i sa guw mike?
Sukwi Zuda, i sa guw mike?
Wuɗa vu, kum mawuɗikiy na, naŋ bawwakaɓa gazlavay macuh ti mipriki,
naŋ bawwakaɓa wulngar ngi mipriki masufu.
5Vurˀe yi tukukum ˀay le ti mingiɓi ngi mijiviɗey,
i ngizlukum kuɗup ti mingiɓi ngi balam ɗu.
Joˀ kiita ɗu a bun ndazl kaɓa li mupusluɗa.
6Asi maciriy hiri i mikuli ta, i wuɗa vu jaka,
yo i hĩyã si na Bumbulvuŋ, fineˀ mikuli mizlam zlama.
Gwat mukuyta wãˀ asi ruwuy Israyel
7Taŋ, a ngilaka jumoˀaya le, kaɓa Adam na ya.
kum minjikikiy na, ti ɓi hana:
8Galaˀata i walahay ngi migi malambaˀay,
li ngi pumbus tulzõh tulzõh ɓaˀ li.
9Gwat malambaˀ miwãˀ taŋ magaka n'ani:
masayay ndac,
a wam vu le ɗum ɗum,
ara ngizlaka mizli ar jiviɗ ngi Sikem.
10I pur gwat malambaˀ miwãˀ le
ar sukwi Israyeleye,
hana, i sulome ngi Efrayimey,
a ci ti Israyele le ar dili aya.
11Zuda, da ka kwana, i ra ɗiyuw gwat ngi sifihey.
Hirya ɓi miwãˀ ati mendere masa gi tumbuŋ
«A sa gi tapas ya masa mo ti mizli ɗuwoy ng'ar li taŋ a muŋ.
Currently Selected:
OZE 6: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
OZE 6
6
1Dar kumo ki ɓam:
«Soko, i mam ng'avu Bumbulvuŋ.
Miga ndra waˀa i naŋ, yo masa mbulo ndra i naŋ vuna ma,
a kiɗa ndra le, a sa mbuza ndra waˀahaya.
2Ar kiɗa mi ngi hin cuw na, a sa vula ndra siifa,
ar hin mimakir naŋ na, a saslikiɗa ndra deŋ deŋ a muŋ,
yo i sa vula ndra siifa a muŋ.
3Tumukum vu ngi si na Bumbulvuŋ,
so naŋ na, i gisiŋ kaɓa pas mabo ti miprik priki,
a sa so ng'avi ndra kaɓa vuŋ masawa,
yo kaɓa vuŋ ngi dirba wãˀ magujaˀa li.»
4Amma Bumbulvuŋ a sa mbuɗukum di:
«Sukwi Efrayim, i sa guw mike?
Sukwi Zuda, i sa guw mike?
Wuɗa vu, kum mawuɗikiy na, naŋ bawwakaɓa gazlavay macuh ti mipriki,
naŋ bawwakaɓa wulngar ngi mipriki masufu.
5Vurˀe yi tukukum ˀay le ti mingiɓi ngi mijiviɗey,
i ngizlukum kuɗup ti mingiɓi ngi balam ɗu.
Joˀ kiita ɗu a bun ndazl kaɓa li mupusluɗa.
6Asi maciriy hiri i mikuli ta, i wuɗa vu jaka,
yo i hĩyã si na Bumbulvuŋ, fineˀ mikuli mizlam zlama.
Gwat mukuyta wãˀ asi ruwuy Israyel
7Taŋ, a ngilaka jumoˀaya le, kaɓa Adam na ya.
kum minjikikiy na, ti ɓi hana:
8Galaˀata i walahay ngi migi malambaˀay,
li ngi pumbus tulzõh tulzõh ɓaˀ li.
9Gwat malambaˀ miwãˀ taŋ magaka n'ani:
masayay ndac,
a wam vu le ɗum ɗum,
ara ngizlaka mizli ar jiviɗ ngi Sikem.
10I pur gwat malambaˀ miwãˀ le
ar sukwi Israyeleye,
hana, i sulome ngi Efrayimey,
a ci ti Israyele le ar dili aya.
11Zuda, da ka kwana, i ra ɗiyuw gwat ngi sifihey.
Hirya ɓi miwãˀ ati mendere masa gi tumbuŋ
«A sa gi tapas ya masa mo ti mizli ɗuwoy ng'ar li taŋ a muŋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.