OZE 7
7
1Rak ti ya mawuɗ mbulo Israyele na,
malambaˀ ngi Efrayim ati malambaˀ madiɗa ngi Samari,
a njikoko vu.
Haˀaw, ara tikinam vu gisiŋ,
muhuloy ara cam ng'ar viŋhey,
mivi vuhoy a roko kirnini avra.
2Gwat malambaˀ taŋ magaka na,
ya Buymisemuŋ i ra si nah na,
ko mbur loŋ maɓi kanah ti kwacay naŋ anta.
Wurenna gwat ngi gi taŋ a sirta taŋ le,
t'ani a mihiri ɗu ani.
3A ra gam jalaɓi ti buy madiɗa, ti ɓi ngi moˀore taŋ na,
yo ara gam jalaɓi ti buyoyo ti ɓi ngi gi gilaw taŋ na.
4Taŋ gar i migi madamahay.
Taŋ kaɓa li di ɗaf munjulili, midi ɗaf mupula ɗiya vu naŋ le,
zle ti naŋ mufukuɗa hapa le, hã hapa a slikiɗi.
5Ti muguzlum ngi buy ndra madiɗa na,
buyoy a kam jiji ɓaˀ ɓaˀ ti mbaazla maja taŋ vu,
joˀ buy madiɗa, a ja haŋ da misingir ar mizli,
6Asi a kirohoko le, taŋ kaɓa vu munjulili ng'ir li di ɗaf,
Mevel taŋ ndus ndus ti ɓi ngi tikina vu.
Kap ti duvuɗu, himaˀ taŋ a ro lek leke,
ti miprike, a tiɓi giw giw kaɓa li mawur.
7Taŋ njulili gar, kaɓa li di ɗaf,
a ngizlaka madiɗa taŋhaya le pay,
buy taŋhay a ndilam le cek,
ani, a wuzla taŋ, ko mbur pal ngi hizigo widi ng'avi ya anta.
8Sukwi Efrayim ara pula mizli mekelemey a jumom ng'avi taŋ,
naŋ kaɓa sukwi ngi helelem mikefer kefer ngi humbuɗ, mususulo vay pal.
9Mulakay ara zumaka gidaŋ naŋ,
amma ko naŋ a si na ta,
yo mana, hol a bo galaŋ galaŋ a hirnga,
amma ko naŋ a si na ta.
10Huhumo vu ngi mizli Israyeley,
ara ga sedewo ngi hirnga taŋ tehhe a muŋ,
amma ko a moko ng'avi ya Bumbulvuŋ Buymisemuŋ taŋ ta.
gar ti nah kwana, a sipikiy ya Buymisemuŋ ta na si.
11Efrayim a gi cunuˀ cunuˀ, yo i manja lesl kaɓa gonok.
A zila Eziptehey ng'ava ma na,
naŋ a kil nga Asiri.
12Ti taŋ makilam nga Asiri na, yi hiziga zuva ɗu ng'ar taŋ,
i ja taŋ kaɓa majam ɗiyuwoy.
I cine le, a kusom le si na, i hila taŋ slaɓaɓ.
13Taŋ makilam ti ya na, i bonoy avu taŋ!
Taŋ mislikiɗam ɓi avu ya na, a zizam le wãˀ!
Taŋ magam slir angi ya na,
ɓa yi mbuɗo hirnga taŋ sukwa?
14Taŋ mawudam ng'avi ya na, ti mevel taŋ wãˀ ta.
Taŋ tup tup ar li niˀici,
a ciraka vuhoyo ɓulot ɓuloto, amma a gaka ngi luuma alkamari nawaya ati mbaazla si.
Taŋ mabigaka cine mi taŋ na, da ya.
15Ya, yi sirka taŋ le, i vula taŋ gidaŋ le,
amma taŋ, ara wulkam wuluk malambaˀ ar ya.
16Da ara moko kwana, anta ng'avi ya ta,
taŋ kaɓa lek mukusluro le.
Taŋ miɓi mi ngi kuwoy na,
a sa ngizlaka buy taŋhayakap ti maslalam,
ar hirwuy Ezipte, mizli a sa singiram ar taŋ vurˀe.»
Currently Selected:
OZE 7: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
OZE 7
7
1Rak ti ya mawuɗ mbulo Israyele na,
malambaˀ ngi Efrayim ati malambaˀ madiɗa ngi Samari,
a njikoko vu.
Haˀaw, ara tikinam vu gisiŋ,
muhuloy ara cam ng'ar viŋhey,
mivi vuhoy a roko kirnini avra.
2Gwat malambaˀ taŋ magaka na,
ya Buymisemuŋ i ra si nah na,
ko mbur loŋ maɓi kanah ti kwacay naŋ anta.
Wurenna gwat ngi gi taŋ a sirta taŋ le,
t'ani a mihiri ɗu ani.
3A ra gam jalaɓi ti buy madiɗa, ti ɓi ngi moˀore taŋ na,
yo ara gam jalaɓi ti buyoyo ti ɓi ngi gi gilaw taŋ na.
4Taŋ gar i migi madamahay.
Taŋ kaɓa li di ɗaf munjulili, midi ɗaf mupula ɗiya vu naŋ le,
zle ti naŋ mufukuɗa hapa le, hã hapa a slikiɗi.
5Ti muguzlum ngi buy ndra madiɗa na,
buyoy a kam jiji ɓaˀ ɓaˀ ti mbaazla maja taŋ vu,
joˀ buy madiɗa, a ja haŋ da misingir ar mizli,
6Asi a kirohoko le, taŋ kaɓa vu munjulili ng'ir li di ɗaf,
Mevel taŋ ndus ndus ti ɓi ngi tikina vu.
Kap ti duvuɗu, himaˀ taŋ a ro lek leke,
ti miprike, a tiɓi giw giw kaɓa li mawur.
7Taŋ njulili gar, kaɓa li di ɗaf,
a ngizlaka madiɗa taŋhaya le pay,
buy taŋhay a ndilam le cek,
ani, a wuzla taŋ, ko mbur pal ngi hizigo widi ng'avi ya anta.
8Sukwi Efrayim ara pula mizli mekelemey a jumom ng'avi taŋ,
naŋ kaɓa sukwi ngi helelem mikefer kefer ngi humbuɗ, mususulo vay pal.
9Mulakay ara zumaka gidaŋ naŋ,
amma ko naŋ a si na ta,
yo mana, hol a bo galaŋ galaŋ a hirnga,
amma ko naŋ a si na ta.
10Huhumo vu ngi mizli Israyeley,
ara ga sedewo ngi hirnga taŋ tehhe a muŋ,
amma ko a moko ng'avi ya Bumbulvuŋ Buymisemuŋ taŋ ta.
gar ti nah kwana, a sipikiy ya Buymisemuŋ ta na si.
11Efrayim a gi cunuˀ cunuˀ, yo i manja lesl kaɓa gonok.
A zila Eziptehey ng'ava ma na,
naŋ a kil nga Asiri.
12Ti taŋ makilam nga Asiri na, yi hiziga zuva ɗu ng'ar taŋ,
i ja taŋ kaɓa majam ɗiyuwoy.
I cine le, a kusom le si na, i hila taŋ slaɓaɓ.
13Taŋ makilam ti ya na, i bonoy avu taŋ!
Taŋ mislikiɗam ɓi avu ya na, a zizam le wãˀ!
Taŋ magam slir angi ya na,
ɓa yi mbuɗo hirnga taŋ sukwa?
14Taŋ mawudam ng'avi ya na, ti mevel taŋ wãˀ ta.
Taŋ tup tup ar li niˀici,
a ciraka vuhoyo ɓulot ɓuloto, amma a gaka ngi luuma alkamari nawaya ati mbaazla si.
Taŋ mabigaka cine mi taŋ na, da ya.
15Ya, yi sirka taŋ le, i vula taŋ gidaŋ le,
amma taŋ, ara wulkam wuluk malambaˀ ar ya.
16Da ara moko kwana, anta ng'avi ya ta,
taŋ kaɓa lek mukusluro le.
Taŋ miɓi mi ngi kuwoy na,
a sa ngizlaka buy taŋhayakap ti maslalam,
ar hirwuy Ezipte, mizli a sa singiram ar taŋ vurˀe.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.