OZE 5
5
Mizli madiɗahay masirkaka gi malambaˀ da Israyeley
1Kum masayay, cinaka ɓi ani,
kum mizli Israyeley, cinam kuy kuy,
yo kum ngi mamay buyoy, jikam slimiɗe:
kiita mijeŋŋe, anja magaka i kum zleˀe,
na a Mispa, ki tiram le kaɓa kwar ngi ji mizli,
yo ar muwã Taboro, ki tiram kaɓa zuva ming'aka le,
2mizli miteŋteŋ tahaya, a lam vigiɗ mijileŋ le.
Na ya, i ra juw vu ɓa ngi kuta taŋ ti bonoy gar taŋ.
3Sukwi Efrayime, yi si na le,
yo Israyeleye, i muɗumohoy avu ya ta.
Kum mihizigiɗaka Efrayimey ɓa a gam madama na,
vurˀe, Israyeley gar a tiram le taŋ ti dili.
4Gwat ngi gi ngi Israyeley na, ngi mo ng'avu Buymisemuŋ taŋ ta,
asi wuluk ngi sulome a ro a hur taŋ,
yo a sinaka Bumbulvuŋ ta.
5Huhumo vu ngi Israyeley vuna tehhe, ara ga sedewo taŋ.
Israyeley ati Efrayimeye, ara ram tiɗam tiɗam ar malambaˀ taŋ tehhe,
Zudahay kwana, ara ram tiɗam tiɗam asi taŋ ya.
6A soko ti tumuŋ ati ˀaw waɗ sla taŋhaya, a soko
nga sipa Bumbulvuŋ, amma t'anta sa lumaka ta,
asi Bumbulvuŋ a kirih le kileŋ avu taŋ.
7A njikaka Bumbulvuŋ le, asi a yam di i ziri ngi madamahay,
wurenna, madama a sa zuma taŋ jom ati zlili taŋ milumaka.
Vurum ar wala ngi Efrayim ati Zuda
8Fam tulum a Gibeya,
yo fam zara a Rama.
A Bet-Aveŋ, wudam widi ngi zli vurum.
Sukwi Benjameŋ, a wuɗam a zlukuw ngi kiɗe ti dirba!
9Ar hin ngi kuta vu ti bonoyo hirwuy Efrayime, a sa tiri diŋ.
I ra ɓi ɓi minjah a wuzla sukwi Israyele.
10Buy ngi Zudahaya, i mizli migirjaha maakwayay,
I sa vunaha himaˀ ɗu na, fuyõ fuyõ ng'ar taŋ.
11Efrayim i muguzuvura le, ar kiita, anta purakaŋ ka mbur ta
asi naŋ muhurdum hirdam ngi sipa gwat ngatara lambaˀa.
12Amma vur Efrayime, yi sa tiri kaɓa movroko,
yo vur hay ngi Zuda, i sa tiri kaɓa gweh gweh.
13Efrayimey a puraka jiji taŋ le,
yo Zudahay a puraka gwehgweh taŋ le.
Joˀ Efrayimey a ram ng'avi Asirihey,
dar a slinam mbur ng'avu buy madiɗa,
amma buyo naŋ anta mbulukum gu ta,
naŋ anta kufukum gwehgweh kumoy na gu ta.
14Ya jak na, i sa gi avu Efrayimeye kaɓa mobor,
avu Zudahaya, i sa zli kiɗa vu kaɓa gawla mobor.
Masa puw vu meɗ meɗe, i ya,
i sa cuh ti gwat ya mija,
ko mbur masa tiɓiy di anta.
Zuwen mi ng'avu Buymisemuŋ kwa?
15I sa cuh, i sa mi ngi hay ɗu,
hã da taŋ misa ɓam le a zluɓaka le,
yo ara ram ti sipikiy.
Taŋ misi ar bonoy na, a sa ram ti sipi ɗu.
Currently Selected:
OZE 5: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
OZE 5
5
Mizli madiɗahay masirkaka gi malambaˀ da Israyeley
1Kum masayay, cinaka ɓi ani,
kum mizli Israyeley, cinam kuy kuy,
yo kum ngi mamay buyoy, jikam slimiɗe:
kiita mijeŋŋe, anja magaka i kum zleˀe,
na a Mispa, ki tiram le kaɓa kwar ngi ji mizli,
yo ar muwã Taboro, ki tiram kaɓa zuva ming'aka le,
2mizli miteŋteŋ tahaya, a lam vigiɗ mijileŋ le.
Na ya, i ra juw vu ɓa ngi kuta taŋ ti bonoy gar taŋ.
3Sukwi Efrayime, yi si na le,
yo Israyeleye, i muɗumohoy avu ya ta.
Kum mihizigiɗaka Efrayimey ɓa a gam madama na,
vurˀe, Israyeley gar a tiram le taŋ ti dili.
4Gwat ngi gi ngi Israyeley na, ngi mo ng'avu Buymisemuŋ taŋ ta,
asi wuluk ngi sulome a ro a hur taŋ,
yo a sinaka Bumbulvuŋ ta.
5Huhumo vu ngi Israyeley vuna tehhe, ara ga sedewo taŋ.
Israyeley ati Efrayimeye, ara ram tiɗam tiɗam ar malambaˀ taŋ tehhe,
Zudahay kwana, ara ram tiɗam tiɗam asi taŋ ya.
6A soko ti tumuŋ ati ˀaw waɗ sla taŋhaya, a soko
nga sipa Bumbulvuŋ, amma t'anta sa lumaka ta,
asi Bumbulvuŋ a kirih le kileŋ avu taŋ.
7A njikaka Bumbulvuŋ le, asi a yam di i ziri ngi madamahay,
wurenna, madama a sa zuma taŋ jom ati zlili taŋ milumaka.
Vurum ar wala ngi Efrayim ati Zuda
8Fam tulum a Gibeya,
yo fam zara a Rama.
A Bet-Aveŋ, wudam widi ngi zli vurum.
Sukwi Benjameŋ, a wuɗam a zlukuw ngi kiɗe ti dirba!
9Ar hin ngi kuta vu ti bonoyo hirwuy Efrayime, a sa tiri diŋ.
I ra ɓi ɓi minjah a wuzla sukwi Israyele.
10Buy ngi Zudahaya, i mizli migirjaha maakwayay,
I sa vunaha himaˀ ɗu na, fuyõ fuyõ ng'ar taŋ.
11Efrayim i muguzuvura le, ar kiita, anta purakaŋ ka mbur ta
asi naŋ muhurdum hirdam ngi sipa gwat ngatara lambaˀa.
12Amma vur Efrayime, yi sa tiri kaɓa movroko,
yo vur hay ngi Zuda, i sa tiri kaɓa gweh gweh.
13Efrayimey a puraka jiji taŋ le,
yo Zudahay a puraka gwehgweh taŋ le.
Joˀ Efrayimey a ram ng'avi Asirihey,
dar a slinam mbur ng'avu buy madiɗa,
amma buyo naŋ anta mbulukum gu ta,
naŋ anta kufukum gwehgweh kumoy na gu ta.
14Ya jak na, i sa gi avu Efrayimeye kaɓa mobor,
avu Zudahaya, i sa zli kiɗa vu kaɓa gawla mobor.
Masa puw vu meɗ meɗe, i ya,
i sa cuh ti gwat ya mija,
ko mbur masa tiɓiy di anta.
Zuwen mi ng'avu Buymisemuŋ kwa?
15I sa cuh, i sa mi ngi hay ɗu,
hã da taŋ misa ɓam le a zluɓaka le,
yo ara ram ti sipikiy.
Taŋ misi ar bonoy na, a sa ram ti sipi ɗu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.