BI NGI ISRAYELEY 25
25
Gwat Israyeley muvulaka ngi ɗiya hay ngi Buymisemuŋ
1Bumbulvuŋ a ɓa Moyise na: 2«Ɓa Israyeley a cikilikiy gwat ngi migidaŋ taŋ, kisa, cikiloko di avu mizli masa vulaka ti mevel purla. 3Gwat kum masa cikiloko di anihĩ: Ɓiri tapasl tapasl, ɓiri baraŋ, ɓiri gaza, 4ngwic ngi tumuŋ munduva naŋ wit wit, gagaza, mindezze, gugumay mufucu fucu, ngwic ngi ˀaway, 5garak ngi zlengerek, munduva naŋ gagaza, garak ngi kilif madiɗahay, dum ngi widis ngalalay, 6mal ngi lampe, urdi ngi pi ar mal ngi vula slra, waɗ urdi ngi zlum ti zlum, 7ɗugur mupuɗaw gagaza ndez, waɗ ɗugur ngi tupuˀ avu jampa waɗ avu jiiba ngi masay madiɗa. 8Israyeley a sa ɗiyikiy hay da ya Bumbulvuŋ, ɓa yi ndir a wuzla taŋ. 9Ki sa ɗiyaka guɗuk ati gwat ngi huroˀhoyo, heˀ kaɓa ya mawuɗ i buguw di ani na.»
Akoti ngi jumoˀay
10«Ki sa ɗiyam akoti ti dum ngi ngalalay, jek naŋ, metir pal ti saŋtimetir kukur cuw nga zlum, sliprik naŋ, saŋtimetir kukur tarnaˀ nga zlum, waɗ gil naŋ, saŋtimetir kukur tarnaˀ nga zlum. 11Ki sa kuroŋ ɓiri tapasl tapasl pal naŋ, sirit wãˀ, ti vra ti huroˀo gar, waɗ kisakaŋ di gilaɗɗa avu mi naŋ. 12Ki sa pi ɓalaŋhay mufaɗ ti ɓiri tapasl tapasl, kisa ngbaˀa taŋ: cuw ti ka, cuw ti ka. 13Ki ɗiyi ɓeɓele ti dum ngi ngalalay, kisa kuro taŋ ɓiri tapasl tapasl. 14Ki sa ca taŋ ar ɓalaŋhay misi avu akoti tuwa ti ka ti ka, ɓa ngi jijir naŋ. 15Da a caka ɓeɓeleheye le ar ɓalaŋ ngi akoti na, a muɗaka taŋ mata. 16Ki sa ka ɗerewol ngi jumoˀay, ya masa vuluw di na ɓaˀ ar akoti tuwa. 17Dar ki ɗiya mi naŋ ti ɓiri tapasl tapasl pal naŋ, jek naŋ metir pal ti saŋtimetir kukur cuw nga zlum, sliprik naŋ saŋtimetir kukur tarnaˀ nga zlum. 18Ki sa ɗiyi kerubeŋhey cuw ti ɓiri tapasl tapasl, kisa ngbaˀa taŋ a mivay ngi mi naŋ, deŋ ti ka deŋ ti ka. 19Kerubeŋ mucuw tayna, taŋ surlum ati mi naŋ, pal a mivay vay ka, pal a mivay vay ka. 20Ki sa ngbaˀa taŋ, hiri pulaˀ ng'ar cala ng'ar cala, hiri tataˀ avu akoti, ara jiginakaŋ, kirpasl nga muŋ nga muŋ. 21Ki sa ka ɗerewol ngi jumoˀay, ya masa vuluw di na ɓaˀ le nga hur akoti ɗagay, a dirba nah kisa tiɗa mi naŋ. 22I sa buguw vu a hirnga akoti, a wuzla kerubeŋhey mucuw na. Mingiɓi ɗu vur Israyeley gar na, i sa vuluw di a diga.»
Tabul misi ɗaf muvula da Buymisemuŋ
23«A dirba nah, kisa ɗiyi tabul ti dum ngi ngalalay, jek naŋ metir pal, sliprik naŋ reta metir, gil naŋ saŋtimetir kukur tarnaˀ ti zlum. 24Ki sa kuroŋ ɓiri tapasl tapasl pal naŋ, yo kisakaŋ di gilaɗɗa avu mi naŋ ma. 25Wuɗ dum misi sliprik naŋ, saŋtimetir dangafaɗ, kisakaŋ di ar cakay naŋhaya gun, waɗ ki kaŋ ɓiri tapasl tapasl tuwa gilaɗɗa avu mi naŋhaya ma. 26Ki sa paŋ ɓalaŋhay mufaɗ ti ɓiri tapasl tapasl, dar ki ngbaˀa taŋ a cikisaraya mufaɗ taŋ. 27Ɓalaŋhaya taŋ gweˀ gweˀ avu dum miɓaˀa ngir cakay naŋhay tuwa, a sa caka ɓeɓele ngi zuɓ naŋ araŋ. 28Ki sa ɗiyi ɓeɓele ngi dum ngi ngalalayay, ki kuro taŋ ɓiri tapasl tapasl, ɓa a sa zuɓaka akoti ti naŋ. 29Ki sa ɗiyi taasa mupuɗaˀa puɗaˀahay ti ɓiri tapasl tapasl pal naŋ: taasa ngi ɗafay, kopoy, gwat memeɗehey waɗ taasa ngi yamay ngi sa pusla mbaazla. 30Peŋ hay le muvula da ya na, kisa pa taŋ ar tabul hana ndrehhe mbak le ta.»
Li ɗuva lampe misi ti haŋ tarnaˀ ava
31«A dirba nah, kisa vuɗ li ɗuva lampe ti ɓiri tapasl tapasl pal naŋ, sar naŋ, ganday naŋ, taasa naŋ, li wus naŋ waɗ mufuyuk naŋhay gar na, i muvuɗa sumburlum ar li purla. 32Haŋ ava ɓaˀ ɓaˀ merkeɗ, a zla avu ganday naŋ ngi wuzla tuwa, ɓaˀ ɓaˀ makir ti ka, makir ti ka. 33Angi haŋ purla gar na, sikiɗ mipitikay pitikay makir, ti li wus naŋhay waɗ mufuyukoy. 34Ar ganday naŋ ngi wuzlaˀa, sikiɗ mipitikay pitikay mufaɗa, ti li wus naŋhay ati mufuyukoy. 35Haŋ naŋhay mujumom cuw cuw makir ng'avi ganday ngi wuzla na, asi virzi taŋ, li wus naŋ ada gara ma. 36Li wus naŋhay ati haŋ naŋhay gar na, i muvuɗa ti ɓiri tapasl tapasl pal naŋ, simbirlim arleˀe ati mekelemeye. 37Ki sa ɗiyaŋ lampehey tarnaˀ, ɓa a ɗuvaka vu avu taŋ, ɓa a pusluɗaka li ngir tumbuŋ. 38Gwat mekelemey, kaɓa megec ati gwat ngi tiɓa fucu naŋ kwana, i muvuɗa taŋ ti ɓiri tapasl tapasl pal naŋ. 39A sa tikam kilo ngi ɓiri tapasl tapasl kukur makir ngi ɗiya li ɗuva lampe ati gwat mekelemeye. 40Ka Moyise, kisa pura slra, ɓa a gi heˀ kaɓa ya mubuguw di a muwã aka.»
Currently Selected:
BI NGI ISRAYELEY 25: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
BI NGI ISRAYELEY 25
25
Gwat Israyeley muvulaka ngi ɗiya hay ngi Buymisemuŋ
1Bumbulvuŋ a ɓa Moyise na: 2«Ɓa Israyeley a cikilikiy gwat ngi migidaŋ taŋ, kisa, cikiloko di avu mizli masa vulaka ti mevel purla. 3Gwat kum masa cikiloko di anihĩ: Ɓiri tapasl tapasl, ɓiri baraŋ, ɓiri gaza, 4ngwic ngi tumuŋ munduva naŋ wit wit, gagaza, mindezze, gugumay mufucu fucu, ngwic ngi ˀaway, 5garak ngi zlengerek, munduva naŋ gagaza, garak ngi kilif madiɗahay, dum ngi widis ngalalay, 6mal ngi lampe, urdi ngi pi ar mal ngi vula slra, waɗ urdi ngi zlum ti zlum, 7ɗugur mupuɗaw gagaza ndez, waɗ ɗugur ngi tupuˀ avu jampa waɗ avu jiiba ngi masay madiɗa. 8Israyeley a sa ɗiyikiy hay da ya Bumbulvuŋ, ɓa yi ndir a wuzla taŋ. 9Ki sa ɗiyaka guɗuk ati gwat ngi huroˀhoyo, heˀ kaɓa ya mawuɗ i buguw di ani na.»
Akoti ngi jumoˀay
10«Ki sa ɗiyam akoti ti dum ngi ngalalay, jek naŋ, metir pal ti saŋtimetir kukur cuw nga zlum, sliprik naŋ, saŋtimetir kukur tarnaˀ nga zlum, waɗ gil naŋ, saŋtimetir kukur tarnaˀ nga zlum. 11Ki sa kuroŋ ɓiri tapasl tapasl pal naŋ, sirit wãˀ, ti vra ti huroˀo gar, waɗ kisakaŋ di gilaɗɗa avu mi naŋ. 12Ki sa pi ɓalaŋhay mufaɗ ti ɓiri tapasl tapasl, kisa ngbaˀa taŋ: cuw ti ka, cuw ti ka. 13Ki ɗiyi ɓeɓele ti dum ngi ngalalay, kisa kuro taŋ ɓiri tapasl tapasl. 14Ki sa ca taŋ ar ɓalaŋhay misi avu akoti tuwa ti ka ti ka, ɓa ngi jijir naŋ. 15Da a caka ɓeɓeleheye le ar ɓalaŋ ngi akoti na, a muɗaka taŋ mata. 16Ki sa ka ɗerewol ngi jumoˀay, ya masa vuluw di na ɓaˀ ar akoti tuwa. 17Dar ki ɗiya mi naŋ ti ɓiri tapasl tapasl pal naŋ, jek naŋ metir pal ti saŋtimetir kukur cuw nga zlum, sliprik naŋ saŋtimetir kukur tarnaˀ nga zlum. 18Ki sa ɗiyi kerubeŋhey cuw ti ɓiri tapasl tapasl, kisa ngbaˀa taŋ a mivay ngi mi naŋ, deŋ ti ka deŋ ti ka. 19Kerubeŋ mucuw tayna, taŋ surlum ati mi naŋ, pal a mivay vay ka, pal a mivay vay ka. 20Ki sa ngbaˀa taŋ, hiri pulaˀ ng'ar cala ng'ar cala, hiri tataˀ avu akoti, ara jiginakaŋ, kirpasl nga muŋ nga muŋ. 21Ki sa ka ɗerewol ngi jumoˀay, ya masa vuluw di na ɓaˀ le nga hur akoti ɗagay, a dirba nah kisa tiɗa mi naŋ. 22I sa buguw vu a hirnga akoti, a wuzla kerubeŋhey mucuw na. Mingiɓi ɗu vur Israyeley gar na, i sa vuluw di a diga.»
Tabul misi ɗaf muvula da Buymisemuŋ
23«A dirba nah, kisa ɗiyi tabul ti dum ngi ngalalay, jek naŋ metir pal, sliprik naŋ reta metir, gil naŋ saŋtimetir kukur tarnaˀ ti zlum. 24Ki sa kuroŋ ɓiri tapasl tapasl pal naŋ, yo kisakaŋ di gilaɗɗa avu mi naŋ ma. 25Wuɗ dum misi sliprik naŋ, saŋtimetir dangafaɗ, kisakaŋ di ar cakay naŋhaya gun, waɗ ki kaŋ ɓiri tapasl tapasl tuwa gilaɗɗa avu mi naŋhaya ma. 26Ki sa paŋ ɓalaŋhay mufaɗ ti ɓiri tapasl tapasl, dar ki ngbaˀa taŋ a cikisaraya mufaɗ taŋ. 27Ɓalaŋhaya taŋ gweˀ gweˀ avu dum miɓaˀa ngir cakay naŋhay tuwa, a sa caka ɓeɓele ngi zuɓ naŋ araŋ. 28Ki sa ɗiyi ɓeɓele ngi dum ngi ngalalayay, ki kuro taŋ ɓiri tapasl tapasl, ɓa a sa zuɓaka akoti ti naŋ. 29Ki sa ɗiyi taasa mupuɗaˀa puɗaˀahay ti ɓiri tapasl tapasl pal naŋ: taasa ngi ɗafay, kopoy, gwat memeɗehey waɗ taasa ngi yamay ngi sa pusla mbaazla. 30Peŋ hay le muvula da ya na, kisa pa taŋ ar tabul hana ndrehhe mbak le ta.»
Li ɗuva lampe misi ti haŋ tarnaˀ ava
31«A dirba nah, kisa vuɗ li ɗuva lampe ti ɓiri tapasl tapasl pal naŋ, sar naŋ, ganday naŋ, taasa naŋ, li wus naŋ waɗ mufuyuk naŋhay gar na, i muvuɗa sumburlum ar li purla. 32Haŋ ava ɓaˀ ɓaˀ merkeɗ, a zla avu ganday naŋ ngi wuzla tuwa, ɓaˀ ɓaˀ makir ti ka, makir ti ka. 33Angi haŋ purla gar na, sikiɗ mipitikay pitikay makir, ti li wus naŋhay waɗ mufuyukoy. 34Ar ganday naŋ ngi wuzlaˀa, sikiɗ mipitikay pitikay mufaɗa, ti li wus naŋhay ati mufuyukoy. 35Haŋ naŋhay mujumom cuw cuw makir ng'avi ganday ngi wuzla na, asi virzi taŋ, li wus naŋ ada gara ma. 36Li wus naŋhay ati haŋ naŋhay gar na, i muvuɗa ti ɓiri tapasl tapasl pal naŋ, simbirlim arleˀe ati mekelemeye. 37Ki sa ɗiyaŋ lampehey tarnaˀ, ɓa a ɗuvaka vu avu taŋ, ɓa a pusluɗaka li ngir tumbuŋ. 38Gwat mekelemey, kaɓa megec ati gwat ngi tiɓa fucu naŋ kwana, i muvuɗa taŋ ti ɓiri tapasl tapasl pal naŋ. 39A sa tikam kilo ngi ɓiri tapasl tapasl kukur makir ngi ɗiya li ɗuva lampe ati gwat mekelemeye. 40Ka Moyise, kisa pura slra, ɓa a gi heˀ kaɓa ya mubuguw di a muwã aka.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.