BI NGI ISRAYELEY 26
26
Guɗuk ngi Buymisemuŋ
1«Guɗuk ngi Buymisemuŋ, kisa wuɗ godohoy kufulah kufulah kuruˀ, mija ti gugumay misira mislirkeɗ, lahaɗ ti ngwic ngi tumuŋ munduva naŋ wit wit, gagaza cihhe waɗ gagaza ndezze. Ki sa gaŋ wuya ti kerubeŋhey miɗiya dingal dingal kuy kuy. 2Godo mikifilih kifilih tayna, taŋ rak rak, gil ngi godo gar na metir kuruˀ nga mufaɗ, sliprik naŋ metir cuw. 3Ki sa juɓo muzlumoy na kifilih arleˀe, waɗ muzlum mekelemeye kifilih arleˀe ma. 4A mivay ngi gabaga mujuɓo mudumbuŋ, kisa caŋ lawarje mija ti ngwic ngi tumuŋ munduva naŋ wit wit, kisa ca da mujuɓo ngi dirba wãˀ, yo kisa ga a mivay ngi godo mujuɓo mucuw naŋ kanah ma. 5Godo mujuɓo mudumbuŋ, kisa caŋ lawarje kukur zlum, waɗ a mivay ngi godo mujuɓo mucuw naŋ, lawarje kukur zlumo ma, lawarje misi purlahay. 6Ki sa ɗiyi gwat ngi kilik naŋ kukur zlum ti ɓiri tapasl tapasl, kisa kilika godo mujuɓohoy tuwa, cuw taŋ arleˀe ti gwat ngi kilik naŋ, ka miɗiya tuwa, joˀ guɗuk ngi Buymisemuŋ tuwa, a tiri kiɓiŋ kiɓiŋ arleˀeŋ. 7Yo ki ji godo mikifilih kifilih kuruˀ ngaŋ kaˀ, ti ngwic ngi ˀaway, ɓa ki ɗiyi guɗuk mekelem ti muŋ, ngi sirta guɗuko. 8Ki sa ja taŋ rak rak, gil taŋ metir kuruˀ nga zlum zlum, yo sliprik taŋ, metir cuw cuw. 9Ki sa juɓo godo muzlumoyo kifilih arleˀe, waɗ merkeɗ mekelemeye kifilih arleˀe ma, joˀ kisa muslo gabaga mujuɓo mimerkeɗ naŋ na, cap ngir tumbuŋ guɗuko. 10Ki sa ji lawarje kukur zlum ngi ci a mivay ngi gabaga mujuɓo mudumbuŋ, kisa ca avu mujuɓo ngi dirba wãˀ, waɗ kukur zlum ngi ci da gabaga mujuɓo mucuw naŋ ma. 11Ki sa ɗiyi gwat ngi kilik naŋ kukur zlum ti ɓiri gaza, kisa kilika lawarjeheye kilak kilak avu ɓiri gaza tuwa, ɓa guɗuk a tiri purla. 12Gabaga ngi ɗiya guɗuk mucuw naŋ, sliprik naŋ a sa ndir cirip, reta ngi mi naŋ micirip tuwa, kisa musla cap ngir ti dirba guɗuko. 13Yo tir jek ngi godo kwana, mi naŋhay a sa ndiram cirip cirip, metir pal pal ti ciki guɗuko, ɓa ngi sirta guɗuko. 14Ki sa sirita ti garak ngi zlengerek, munduva naŋ gagaza, waɗ garak ngi kilif madiɗahay, sirit a hirnga guɗuko. 15Ki sa ɗiyi ɓamtal ngi dum ngi ngalalay, kisa cica taŋ deŋ deŋ ngi jaha guɗuko. 16Ɓamtal gar na, jek naŋ metir zlum, ɓiɓir naŋ saŋtimetir kukur tarnaˀ nga zlum. 17Sar avu taŋ cuw cuw, gweˀ avu cala avu cala, 18kisa ɗiyi kanah kanah kukur cuw, tir vay ruwuy ngi guɗuko. 19Ki ɗiyi li ngi naŋhay kukur mufaɗ, ti ɓiri gaza, ngi ɓamtalay mizli ngir cuw tuwa. Asi virzi ngi ɓamtalay gar na, li ngi naŋ cuw, vur sar naŋhay mucuw tuwa. 20Tir vay muŋ ngi guɗuko, ɓamtal kukur cuwo ma, 21waɗ li ngi naŋhay kukur mufaɗa, i ɓiri gazahay. Asi virzi ngi ɓamtal gar na, li ngi naŋhaya cuw. 22Ng'asi hay, tisi pas madiɗe, ɓamtalaya merkeɗ. 23Ki sa wuɗ ɓamtalay cuw ngi jaha mivay ngisi haya ti ka ti ka. 24Sivirzi taŋ faw, amma hirnga taŋ jom arleˀeŋ avu ɓalaŋ mudumbuŋ: a sa gam cuw taŋ rak rak, i taŋ masa jahaka mivayaya. 25Vay dirba ngi guɗuko, ɓamtalay dangafaɗ, waɗ li ngi naŋhaya kuruˀ nga merkeɗ ti ɓiri baraŋ, asi virzi ngi ɓamtal gar na, li ngi naŋhaya cuw cuw. 26Yo kisa ɗiyi ɓeɓele ngi ngalalay: ɓeɓele zlum ngi cica ɓamtal mudumbuŋhoy ngi guɗuko, 27zlum ngi cica ɓamtal ngi mivay mucuw naŋ, zlum ngi cica ɓamtalay vay ngisi hay mikini ti vu mubuliye. 28Ki sa ki mbal a wuzlaˀa, giw ti didak ngi ɓamtalay, zle a mivay hã sesẽŋ a mivay mekelem. 29Ɓamtalay ati ɓeɓelehey gar na, kisa kuro taŋ ɓiri tapasl tapasl, waɗ ɓalaŋ ngi ɓiri tapasl tapaslngi ca ɓeɓelehey anga. 30Moyise, a dirba nah, kisa ɗiya guɗuko, heˀ kaɓa ya mabuguw di a hirnga muwã ani na. 31Ki sa tuf zana ngi njir a mihiri, ti gabaga ngi gugumay mislirkeɗ lahaɗ ti ngwic ngi tumuŋ munduva, gagaza wit wit, micihhe waɗ gagaza ndezze, yo wuya geˀ geˀ ava ti kerubeŋ miɗiyahay le kuy kuy. 32Ki sa luwa avu ponti ngi ɓiri tapasl tapasl, kaˀ kaˀ avu ɓamtal ngi ngalalayay mumufaɗ, mupuyaka taŋ ɓiri tapasl tapasl, ming'aka taŋ a hirnga ɓiri gazahay mufaɗ tuwa. 33Ki sa luwa zana asi ponti, kisa ka akoti ngi jumoˀaya ɓaˀ a duba zana minjar tuwa. Yo masa wunka li mipal ati li mipal wãˀa i zana minjar na. 34A dirba nah, kisa tiɗa mi ngi akoti miɓaˀ ar li mipal wãˀa tiɗeˀ. 35Ki sa ɗuva tabulo taˀ ar li mipala, yo li ɗuva lampe kwana, taˀ tir vay ruwuy ngi guɗuko, sek duba cakay ati tabul tuwaŋ. 36Akẽh na, midiraˀay ngi zanahay a sa tufam zana mekelem midirahay gijaw gijaw ngi njir avu miviŋ ngi guɗuko, gabaga ngi gugumay mislirkeɗ, gagaza miwitwit, micihhe, waɗ gagaza ndezze. 37Ki sa ɗiyi ɓamtalay zlum ngi njira zana, ɓamtal ngi dum ngi ngalalay. Ki sa kuro taŋ ɓiri tapasl tapasl, ponti ngi luw naŋhaya i ɓiri tapasl tapasl, yo virzi ngi ɓamtalay i mipa ti ɓiri gaza.»
Currently Selected:
BI NGI ISRAYELEY 26: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
BI NGI ISRAYELEY 26
26
Guɗuk ngi Buymisemuŋ
1«Guɗuk ngi Buymisemuŋ, kisa wuɗ godohoy kufulah kufulah kuruˀ, mija ti gugumay misira mislirkeɗ, lahaɗ ti ngwic ngi tumuŋ munduva naŋ wit wit, gagaza cihhe waɗ gagaza ndezze. Ki sa gaŋ wuya ti kerubeŋhey miɗiya dingal dingal kuy kuy. 2Godo mikifilih kifilih tayna, taŋ rak rak, gil ngi godo gar na metir kuruˀ nga mufaɗ, sliprik naŋ metir cuw. 3Ki sa juɓo muzlumoy na kifilih arleˀe, waɗ muzlum mekelemeye kifilih arleˀe ma. 4A mivay ngi gabaga mujuɓo mudumbuŋ, kisa caŋ lawarje mija ti ngwic ngi tumuŋ munduva naŋ wit wit, kisa ca da mujuɓo ngi dirba wãˀ, yo kisa ga a mivay ngi godo mujuɓo mucuw naŋ kanah ma. 5Godo mujuɓo mudumbuŋ, kisa caŋ lawarje kukur zlum, waɗ a mivay ngi godo mujuɓo mucuw naŋ, lawarje kukur zlumo ma, lawarje misi purlahay. 6Ki sa ɗiyi gwat ngi kilik naŋ kukur zlum ti ɓiri tapasl tapasl, kisa kilika godo mujuɓohoy tuwa, cuw taŋ arleˀe ti gwat ngi kilik naŋ, ka miɗiya tuwa, joˀ guɗuk ngi Buymisemuŋ tuwa, a tiri kiɓiŋ kiɓiŋ arleˀeŋ. 7Yo ki ji godo mikifilih kifilih kuruˀ ngaŋ kaˀ, ti ngwic ngi ˀaway, ɓa ki ɗiyi guɗuk mekelem ti muŋ, ngi sirta guɗuko. 8Ki sa ja taŋ rak rak, gil taŋ metir kuruˀ nga zlum zlum, yo sliprik taŋ, metir cuw cuw. 9Ki sa juɓo godo muzlumoyo kifilih arleˀe, waɗ merkeɗ mekelemeye kifilih arleˀe ma, joˀ kisa muslo gabaga mujuɓo mimerkeɗ naŋ na, cap ngir tumbuŋ guɗuko. 10Ki sa ji lawarje kukur zlum ngi ci a mivay ngi gabaga mujuɓo mudumbuŋ, kisa ca avu mujuɓo ngi dirba wãˀ, waɗ kukur zlum ngi ci da gabaga mujuɓo mucuw naŋ ma. 11Ki sa ɗiyi gwat ngi kilik naŋ kukur zlum ti ɓiri gaza, kisa kilika lawarjeheye kilak kilak avu ɓiri gaza tuwa, ɓa guɗuk a tiri purla. 12Gabaga ngi ɗiya guɗuk mucuw naŋ, sliprik naŋ a sa ndir cirip, reta ngi mi naŋ micirip tuwa, kisa musla cap ngir ti dirba guɗuko. 13Yo tir jek ngi godo kwana, mi naŋhay a sa ndiram cirip cirip, metir pal pal ti ciki guɗuko, ɓa ngi sirta guɗuko. 14Ki sa sirita ti garak ngi zlengerek, munduva naŋ gagaza, waɗ garak ngi kilif madiɗahay, sirit a hirnga guɗuko. 15Ki sa ɗiyi ɓamtal ngi dum ngi ngalalay, kisa cica taŋ deŋ deŋ ngi jaha guɗuko. 16Ɓamtal gar na, jek naŋ metir zlum, ɓiɓir naŋ saŋtimetir kukur tarnaˀ nga zlum. 17Sar avu taŋ cuw cuw, gweˀ avu cala avu cala, 18kisa ɗiyi kanah kanah kukur cuw, tir vay ruwuy ngi guɗuko. 19Ki ɗiyi li ngi naŋhay kukur mufaɗ, ti ɓiri gaza, ngi ɓamtalay mizli ngir cuw tuwa. Asi virzi ngi ɓamtalay gar na, li ngi naŋ cuw, vur sar naŋhay mucuw tuwa. 20Tir vay muŋ ngi guɗuko, ɓamtal kukur cuwo ma, 21waɗ li ngi naŋhay kukur mufaɗa, i ɓiri gazahay. Asi virzi ngi ɓamtal gar na, li ngi naŋhaya cuw. 22Ng'asi hay, tisi pas madiɗe, ɓamtalaya merkeɗ. 23Ki sa wuɗ ɓamtalay cuw ngi jaha mivay ngisi haya ti ka ti ka. 24Sivirzi taŋ faw, amma hirnga taŋ jom arleˀeŋ avu ɓalaŋ mudumbuŋ: a sa gam cuw taŋ rak rak, i taŋ masa jahaka mivayaya. 25Vay dirba ngi guɗuko, ɓamtalay dangafaɗ, waɗ li ngi naŋhaya kuruˀ nga merkeɗ ti ɓiri baraŋ, asi virzi ngi ɓamtal gar na, li ngi naŋhaya cuw cuw. 26Yo kisa ɗiyi ɓeɓele ngi ngalalay: ɓeɓele zlum ngi cica ɓamtal mudumbuŋhoy ngi guɗuko, 27zlum ngi cica ɓamtal ngi mivay mucuw naŋ, zlum ngi cica ɓamtalay vay ngisi hay mikini ti vu mubuliye. 28Ki sa ki mbal a wuzlaˀa, giw ti didak ngi ɓamtalay, zle a mivay hã sesẽŋ a mivay mekelem. 29Ɓamtalay ati ɓeɓelehey gar na, kisa kuro taŋ ɓiri tapasl tapasl, waɗ ɓalaŋ ngi ɓiri tapasl tapaslngi ca ɓeɓelehey anga. 30Moyise, a dirba nah, kisa ɗiya guɗuko, heˀ kaɓa ya mabuguw di a hirnga muwã ani na. 31Ki sa tuf zana ngi njir a mihiri, ti gabaga ngi gugumay mislirkeɗ lahaɗ ti ngwic ngi tumuŋ munduva, gagaza wit wit, micihhe waɗ gagaza ndezze, yo wuya geˀ geˀ ava ti kerubeŋ miɗiyahay le kuy kuy. 32Ki sa luwa avu ponti ngi ɓiri tapasl tapasl, kaˀ kaˀ avu ɓamtal ngi ngalalayay mumufaɗ, mupuyaka taŋ ɓiri tapasl tapasl, ming'aka taŋ a hirnga ɓiri gazahay mufaɗ tuwa. 33Ki sa luwa zana asi ponti, kisa ka akoti ngi jumoˀaya ɓaˀ a duba zana minjar tuwa. Yo masa wunka li mipal ati li mipal wãˀa i zana minjar na. 34A dirba nah, kisa tiɗa mi ngi akoti miɓaˀ ar li mipal wãˀa tiɗeˀ. 35Ki sa ɗuva tabulo taˀ ar li mipala, yo li ɗuva lampe kwana, taˀ tir vay ruwuy ngi guɗuko, sek duba cakay ati tabul tuwaŋ. 36Akẽh na, midiraˀay ngi zanahay a sa tufam zana mekelem midirahay gijaw gijaw ngi njir avu miviŋ ngi guɗuko, gabaga ngi gugumay mislirkeɗ, gagaza miwitwit, micihhe, waɗ gagaza ndezze. 37Ki sa ɗiyi ɓamtalay zlum ngi njira zana, ɓamtal ngi dum ngi ngalalay. Ki sa kuro taŋ ɓiri tapasl tapasl, ponti ngi luw naŋhaya i ɓiri tapasl tapasl, yo virzi ngi ɓamtalay i mipa ti ɓiri gaza.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.