BI NGI ISRAYELEY 24
24
Buymisemuŋ mujumˀay ati Israyeley
1Bumbulvuŋ a ɓa Moyise na: «Jiɗoko ng'avi ya Bumbulvuŋ ati Aroŋ, Nadap, Abihu waɗ mizli micawwa ngi Israyeley kukur tarnaˀ mikileŋ aruŋ si na, kisa hurukom huruk huruk a ruwuy. 2I ka Moyis pal ɗik masa kiroho ng'avi ya, amma taŋ a kiroko ta ɓula, yo zigiduw anta sa jiɗoko nga muwã asi ka ta.» 3Moyis ara sipa ɓi ati jiviɗ ngi gwat ngi gi Bumbulvuŋ miɓaŋ taŋ na gar da Israyeleye. A mbiɗakaŋ di misi purla, a ɓakaŋ: «Mingiɓi Bumbulvuŋ miɓaŋ taŋ gar na, i sa gam taŋ slra.» 4Moyis a toho mingiɓi Bumbulvuŋ miɓaŋ taŋ na gar ti tuhu. Li naŋ muwun na, a slikiɗ cẽẽt, a ɗiyi li gi mikuli a sar muwã, a ngi ɗuguroy kuruˀ nga cuw, tiɗeˀe ar sukwi Israyel mukuruˀ nga cuw na ya. 5Dar a slina gawla Israyeley, ɓa a gam mikuli ti ginew zlam zlam, waɗ mikuli ti gusoŋhoy da Bumbulvuŋ ɓa ngi luuma zuy. 6Moyis a wuɗ reta ngi pumbus ngi gineweye, a pa taŋ ar sikiɗey, a kuca li gi mikuli ti is ngi pumbus tuwa. 7A zuɓa ɗerewol ngi jumoˀaya, a slufa ˀay paɗ a muŋ a mbuŋ mizli. Mizli Israyeley a ɓam: «Ɓi Bumbulvuŋ miɓa gar na, i sa cinakaŋ, i gam taŋ slra.» 8Akẽh na, Moyis a zuɓa pumbus ngir sikiɗey tuwa, a kuca da Israyeleye, a ɓa taŋ: «Hana i pumbus ngi jumoˀay Bumbulvuŋ mujumo ati kum, ti naŋ muvulukum ɓimuɗuva naŋhay na.» 9A dirba nah, Moyis a jiɗam nga muwã ati Aroŋ, Nadap, Abihu, waɗ mizli micawwa ngi Israyeley mizli ngir tarnaˀa. 10A puraka Buymisemuŋ ngi Israyele le. Li ɗigar midirka ti ɗugur mupuɗaw ngil ngil, cay asi sar naŋ, naŋ ngil ngil kaɓa birngiŋ. 11Buymisemuŋ a ga malambaˀ neˀ le da mizli mugop gop ngi wuzla Israyeleye ta. A singilaka Buymisemuŋ, a zumam, a sam gwata.
Moyis mizliram ati Buymisemuŋ a muwã
12Bumbulvuŋ a ɓa Moyise na: Jiɗo ng'avi ya a muwã aka, ndir aka. I wuɗ i vuluw beleler misliprak sliprakay, misi ɓimuɗuvahay toh toh ar taŋ, ɓa ki ra dubuna taŋ da Israyeley. 13Moyis a jiɗam nga muwã ngi Buymisemuŋ ati gawla naŋ Zozuwe. 14Naɓa Moyis a ɓa mizli micawwahaya le: «Kutukom ndra aka, sey da ndra mumoko le. Amma Aroŋ ati Hur a ndiram ati kum aka. Da ɓi a luuma mburo le na, aru ng'avi taŋ.» 15Moyis a jiɗ nga muwã tuwa, akẽh gazlavay a sirta muwã sirit wãˀ. 16Bumbulvuŋ a po sar nga muwã Sinaya ti dudok naŋ, yo gazlavay a ro sirit hã hin merkeɗ. Hin mitarnaˀ naŋ na, Bumbulvuŋ a zila Moyise ti wuzla gazlavaya. 17Bumbulvuŋ ti dudok naŋ a biga vu da Israyeley a hirnga muwã, kaɓa vu matiɓi njilim njilim. 18Moyis a ci ng'ar gazlavaya, a jiɗ nga muwã, a ndir a muwã a diga, papas papas kukur mufaɗ, duvuɗ duvuɗ kukur mufaɗa.
Currently Selected:
BI NGI ISRAYELEY 24: BEGDC
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
BI NGI ISRAYELEY 24
24
Buymisemuŋ mujumˀay ati Israyeley
1Bumbulvuŋ a ɓa Moyise na: «Jiɗoko ng'avi ya Bumbulvuŋ ati Aroŋ, Nadap, Abihu waɗ mizli micawwa ngi Israyeley kukur tarnaˀ mikileŋ aruŋ si na, kisa hurukom huruk huruk a ruwuy. 2I ka Moyis pal ɗik masa kiroho ng'avi ya, amma taŋ a kiroko ta ɓula, yo zigiduw anta sa jiɗoko nga muwã asi ka ta.» 3Moyis ara sipa ɓi ati jiviɗ ngi gwat ngi gi Bumbulvuŋ miɓaŋ taŋ na gar da Israyeleye. A mbiɗakaŋ di misi purla, a ɓakaŋ: «Mingiɓi Bumbulvuŋ miɓaŋ taŋ gar na, i sa gam taŋ slra.» 4Moyis a toho mingiɓi Bumbulvuŋ miɓaŋ taŋ na gar ti tuhu. Li naŋ muwun na, a slikiɗ cẽẽt, a ɗiyi li gi mikuli a sar muwã, a ngi ɗuguroy kuruˀ nga cuw, tiɗeˀe ar sukwi Israyel mukuruˀ nga cuw na ya. 5Dar a slina gawla Israyeley, ɓa a gam mikuli ti ginew zlam zlam, waɗ mikuli ti gusoŋhoy da Bumbulvuŋ ɓa ngi luuma zuy. 6Moyis a wuɗ reta ngi pumbus ngi gineweye, a pa taŋ ar sikiɗey, a kuca li gi mikuli ti is ngi pumbus tuwa. 7A zuɓa ɗerewol ngi jumoˀaya, a slufa ˀay paɗ a muŋ a mbuŋ mizli. Mizli Israyeley a ɓam: «Ɓi Bumbulvuŋ miɓa gar na, i sa cinakaŋ, i gam taŋ slra.» 8Akẽh na, Moyis a zuɓa pumbus ngir sikiɗey tuwa, a kuca da Israyeleye, a ɓa taŋ: «Hana i pumbus ngi jumoˀay Bumbulvuŋ mujumo ati kum, ti naŋ muvulukum ɓimuɗuva naŋhay na.» 9A dirba nah, Moyis a jiɗam nga muwã ati Aroŋ, Nadap, Abihu, waɗ mizli micawwa ngi Israyeley mizli ngir tarnaˀa. 10A puraka Buymisemuŋ ngi Israyele le. Li ɗigar midirka ti ɗugur mupuɗaw ngil ngil, cay asi sar naŋ, naŋ ngil ngil kaɓa birngiŋ. 11Buymisemuŋ a ga malambaˀ neˀ le da mizli mugop gop ngi wuzla Israyeleye ta. A singilaka Buymisemuŋ, a zumam, a sam gwata.
Moyis mizliram ati Buymisemuŋ a muwã
12Bumbulvuŋ a ɓa Moyise na: Jiɗo ng'avi ya a muwã aka, ndir aka. I wuɗ i vuluw beleler misliprak sliprakay, misi ɓimuɗuvahay toh toh ar taŋ, ɓa ki ra dubuna taŋ da Israyeley. 13Moyis a jiɗam nga muwã ngi Buymisemuŋ ati gawla naŋ Zozuwe. 14Naɓa Moyis a ɓa mizli micawwahaya le: «Kutukom ndra aka, sey da ndra mumoko le. Amma Aroŋ ati Hur a ndiram ati kum aka. Da ɓi a luuma mburo le na, aru ng'avi taŋ.» 15Moyis a jiɗ nga muwã tuwa, akẽh gazlavay a sirta muwã sirit wãˀ. 16Bumbulvuŋ a po sar nga muwã Sinaya ti dudok naŋ, yo gazlavay a ro sirit hã hin merkeɗ. Hin mitarnaˀ naŋ na, Bumbulvuŋ a zila Moyise ti wuzla gazlavaya. 17Bumbulvuŋ ti dudok naŋ a biga vu da Israyeley a hirnga muwã, kaɓa vu matiɓi njilim njilim. 18Moyis a ci ng'ar gazlavaya, a jiɗ nga muwã, a ndir a muwã a diga, papas papas kukur mufaɗ, duvuɗ duvuɗ kukur mufaɗa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.