AMOS 6

Cifi setete migisiŋ ta

1Mizli muroko setette a Siyoŋ,

yo moroko pulam vu a muwã Samari na, kay, taŋ ar bonoy.

A waka kaɓa taŋ i mizli madiɗa ngi wuzla sukwi ngi mizli,

joˀ Israyeley ara ram ng'avu kum.

2«Inga a ram nga Kalne ɓa ki puraka ɗi,

bam ti kẽh nga Hamat, walahay madiɗa,

yo pam sar nga Gat, hirwuy Filisti.

Ki waka na, hirwuy kumo a funaka tayna le kwa?

Yo hirwuy taŋ i madiɗa fineˀ hirwuy kumo kwa?»

3Ki wuɗam girjaha hin ngi bonoyo le nga mbuŋ zleˀe,

dambalaka ki kuruhoko di i hin ngi gi moˀore jak.

4Ki roko tutup ar arngawo miɗiyahay ti sliŋ ngi begene,

ginasl ginasl ar gwat ngi hin kumoy,

ngi humbuɗa useˀ ngi zlengerekey,

waɗ ngi ziri sla muwunahay ti wini ar gezleŋ.

5Ki roko zlam dimis ngi gujuvur,

ˀay kaˀ a muŋ,

ki boko ti gwat ngi kiɗ ngi dunguroy, kaɓa Daviti.

6Ki sam mbaazla ti sikiɗ mikitimbiˀ kitimbiˀi,

mal mimezlehey pay pay avu vu.

Amma mendere muluma sukwi ngi Zozef#6.6 sukwi ngi Zozef, pura Amos 5.6 na, ko ki likaka neˀ le ta. 7Vurˀe, wurenna a sa jam dumbuŋ a wuzla mizli masa jaka taŋ na i kum,

joˀ kisa kiɗam mi so, kum masafayahay.

Masa ngizlaka walahay Samari

8Bumbulvuŋ a hudum ti slimiɗ naŋ tehhe muŋ, a ɓi:

Huhumo vu ngi Israyeley na, anta giy kuyta wãˀ,

hay taŋ mezleheye, i pura taŋ hiris le,

i sa vula walahay Samari taˀ gar asi haŋ ngi mesene taŋhay.

«I ya Bumbulvuŋ, Buymisemuŋ misi gidaŋ wãˀ maɓi.

9Da mizli a ndiram le kuruˀ ar hay purla na, a sa micam. 10Akẽh na, da muy ngi mizli mumucahaya muso le hila vagay taŋhaya nga dik na,

a sa ɓa mbur misi a hur haya:

«Mbur mekelem ada ati ka akẽh aruŋ makwa?» na,

mbur ngi hur hay tuwa a sa mbiɗaŋ di:

«Ĩˀĩˀ, ko mbur loŋ anta aka ta!» Muy ngi mizli vagayay tuwa a sa ɓaŋ: «Taˀa mi!»

Anja ki zila slimiɗ ngi Bumbulvuŋ mata!

11Naŋ kanah, da Bumbulvuŋ miɓi le ɗaˀ na,

hay madiɗahay a mbizlam,

ko hay meciɗek kwana, a cir puɗak.

Luma bugawla sar cuw kwana i ngatara

12Pilisey a kilam a muwã kwa?

Ada a huvam ti slahay a muwã kwa?

Na gi gwat mikaslsla,

yo gi gwat mijeŋŋe na,

ki tiram di ɓi miɗalak ka muwuŋ vur mike?

13Ki mumulom asi kum mulumam bugawla a Lodebar na, i walahay mupuɗaw ta ma kini,

joˀ ki ɓam:

Ndra mitiɓaka walahay Kornayim,

walahay migidaŋ na, ti gidaŋ ndra ta kwa?» 14Kum Israyeley, ani i wuɗ i pa mi da sukwi mekelem,

ɓa ara guzuvurukum, zle a Lebo-Hama, hã sesẽŋ a mizaw Araba.

I ya Bumbulvuŋ misi gidaŋ wãˀ maɓi.#6.14 Lebo-Hamat i maakway ngi ruwuy Israyel, vay muŋ naŋ (pura Zozuwe 13.5). Mizaw Araba i maakway ngi ruwuy Israyel ti ayzaw, tisi pas ngi miprik ngi mizaw Zurdeŋ, gweˀ avu mizaw mumuca.

Currently Selected:

AMOS 6: BEGDC

Highlight

Copy

Compare