TIMOTE MUDUMBUŊ NAŊ 2
2
Ɓi ngi diradibiɗ
1Dumbuŋ na, i ɓi so na: anja misikristuhoy a cufuɗam gwat avu Buymisemuŋ, a diram dibiɗ, a tumbulokoŋ, yo a gakaŋ sise vur mizli gar. 2A diram dibiɗ vur buy madiɗahay ati mizli miwi hirwuyoy gar, ɓa i cifam zuy zuy, setette, i sipam jiviɗ ngi Buymisemuŋ, yo i gam gwat mezle. 3Hana i gwat mukuy macira hiri da Buymisemuŋ, Milih ndra. 4Buymisemuŋ a wuɗ ɓa mizli gar a laham, yo ɓa a sinaka ɓi mikaslsla. 5Asi Buymisemuŋ, naŋ purla tewle, yo mbur misi ar wala ngi mizli ati Buymisemuŋ kwana, naŋ purla ma, i Yesu Kristu. 6Naŋ, a vula hirnga naŋ le, ɓa ngi mbuɗo hirnga ngi mizli gar. Naŋ kine, Buymisemuŋ a wuɗ ɓa mizli gar a laham. A biga tisi Yesu Kristu muvula hirnga naŋ angi hin Buymisemuŋ misla na. 7Buymisemuŋ mitiri ti ya bugawla, yo mislin naŋ na vurˀe. A sliniy ng'avi mizli Yudehey ta na, ɓa i dubuna taŋ tiɓi waɗ ɓi mikaslsla. Ya maɓa na, i gisiŋ gisiŋ, i gi di i slir ta.
8Yi wuɗ so na, anja ko amaka gar, mizli mizilehey madiram dibiɗ gar na, a zuɓaka haŋ manja dili paɗ nga muŋ, a diram dibiɗ manja himaˀ, manja tiri. 9Anja ngwasaya kwana, a juwaka zana ti jiviɗnaŋ kaslsla, anja a ɗiyam vu weˀe, ti wuya ta. Anja a ɗiyam vu ti slupa hirnga mutuwaˀ haɗi ta, malla ko ti gwat ngi wuya ngi ɓiri tapasl tapasl ta, ti virzle hirpatu ta, malla zana ngi slimiɗey ta. 10Amma anja a ɗiyam vu ti gwat ngi gi taŋ mezle jaka, i gwat mizlir le avu ngwasay mazluwunam ti Buymisemuŋ. 11Anja ngwasay a dubunaka gwata ti mi teˀteˀe, a hinam hirnga wãˀ. 12Ɓa ngwas a dubun gwat da ziley, malla ɓa a wa taŋ na, yi pula jiviɗ nah ta. Anja a cifi teˀteˀe. 13Asi Buymisemuŋ a ndir dumbuŋ i Adamu. A dirba nah kwana i Hawwa. 14Kaw mitikin na, i Adamu ta, amma a tikin di i ngwasa, a ngila ɓi ngi Buymisemuŋ. 15Amma ngwas a sa lih tisi naŋ mayi ziri na, na sey da ara hurdum ti tiɓi, a wuɗ vu, a ndir naŋ pal, yo a wuɗ wuya ta.
Currently Selected:
TIMOTE MUDUMBUŊ NAŊ 2: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.