Yi wuɗ so na, anja ko amaka gar, mizli mizilehey madiram dibiɗ gar na, a zuɓaka haŋ manja dili paɗ nga muŋ, a diram dibiɗ manja himaˀ, manja tiri. Anja ngwasaya kwana, a juwaka zana ti jiviɗnaŋ kaslsla, anja a ɗiyam vu weˀe, ti wuya ta. Anja a ɗiyam vu ti slupa hirnga mutuwaˀ haɗi ta, malla ko ti gwat ngi wuya ngi ɓiri tapasl tapasl ta, ti virzle hirpatu ta, malla zana ngi slimiɗey ta. Amma anja a ɗiyam vu ti gwat ngi gi taŋ mezle jaka, i gwat mizlir le avu ngwasay mazluwunam ti Buymisemuŋ.