2 Timoteo 3
3
K'amarhuni jámani nósesi jánhaskorheati
1K'úanisïndi eskari mítetini jauaka eskaksï jurhiatekuecha enga k'amarhukuni jámaaka, nósesi jánhaskorheka; 2K'uiripu tumina kanhchaati ka sési xékorheati ka Diósïniksï no janhanharhiati, níjtuksï táte jémbechani kurhandirakuaua. 3Nóksï p'amojkpeati, ka nóksï tekatspentaati ka arhinhchpitiuatiksï ka sési jásï ambeksï no jaiapanhentaati. 4Nóteruksï mintsinharhikueuati ka nóksï eratseparini úati ambe ka Diósïnksï no kurhandirakuati ka néna uéjkiksï jámati. 5Diósï jákajkutinksï jámati, koru irekua jimboksï no jákajkutini jámaati, jarharea xárhati k'uiripuechani.
6Imajtuksï imecha jingunisti engaksï inchatspepujka ka uarhiti ísku jándichani tandojchaani, engaksï no újka p'íngukorheni. 7Méntku ísïksï jurhengorheni járhasïndi k'óruksï no úsïndi sési kurhanguni. 8Ísï eska Jánesi ka Jámbresi engaksï no uékempka Moisesini kurhajchani, xárhati k'uiripuechaksï nósesi eratsesïndi ka nóksï uékasïndi eska ambakiti aiangperakua mítekorheaka. 9Nómbemaksï úsïndi úni, jimboka sóntku mítekorheaka eskaksï tsîjtsïtixaka, ísï eskaksï na úkorhenchapka Jánesi ka Jámbresi.
Máteru arhistakuecha
10T'u k'óruri sési míteska jucheti jurhentperakuani ka jucheti irekua ka jucheti eratsekua ka jucheti jakajkukua ka jucheti tekantskuani. 11Mítetixakari nénasïni kómu jámapki engajtsïni jupikuekapka Antiokia ka Ikoni ka Listra, k'órurini Acha Jesukristu kúajchakuspti. 12Ka iámendu engaksï uékaaka ísï irekani eska Jesukristu, Diósïni marhuakuparini jupikakuekaatiksï. 13Ka no ambarhati k'uiripuecha ka tandojchpiricha sánderuksï no ambarhaati, ísï eskaksï na tandochpeaka imajtuksï májkueni tandojchanhaati.
14T'u sési úra imani engari jurhengorheka ka engari mintsikani jaka, ka ásï mirikurhi nékinisï jurhenda. 15Miántsï eskari sapichku míteska Diósïri karakatani, ima karakatakini mímixetaraati ka p'ímutantatikini Jesukristuni jakajkuparini. 16Karakata Diósïri eratsekuesti ka jurhentpesïndi ka jánhastpesïndi ka sési irestpentasïndi, 17Ka ísï jámani Diósïri jántspiri iámendu ambe sési úati.
Currently Selected:
2 Timoteo 3: DKPJ
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.