Mateub 4
4
Jesub ge ǁgâuab* xa ra ǃâitsâhe
(Markub 1:12-13; Lukab 4:1-13)
1 #
Heb. 2:18; 4:15 Gagab ge Jesuba ǃgaroǃhūb ǃnâ ge ǂgaeǂguiǂgā, ǁgâuab xab nî ǃâitsâhese. 2Tsî hakadisi tsēdi tsî hakadisi tsuxugu tsînab ge ǂûtama* hâ, ob ge kaise ge ǃâ. 3Ob ge ǁgâuaba hā tsî ǁîb ǃoa ge mî: “Elob Ôats kao, nē ǀuide mîba, î di pere kai.”
4 #
Deu. 8:3
Ob ge Jesuba ge ǃeream: “Xoas ge ra mî:
“ ‘Khoe-i ge pere-e xu ǀgui ûi tama hâ,
xawe mâ mîs Elob amsa xu ra ǂoas hoasa xu.’ ”
5Ob ge ǁgâuaba Jesuba ǃAnu ǃĀs Jerusalems ǁga ǃgû-ū tsî ǀgapi ǃkhai-i Tempeli di-i ai sī mâ kai bi, 6#Psa. 91:11-12tsî ge mî: “Elob Ôats kao, uriǁgôa re! Xoahe hâ xui-ao:
“ ‘ǁÎb ge ǀhomǃgāgu âba sats ǃaroma nî mîmā;
ǁÎgu ge ǃomgu ai nî tani tsi,
ǂais âtsats ǀui-i ai ǃnom tidese.’ ”
7 #
Deu. 6:16
Ob ge Jesuba ǁîba ge ǃeream: “ǁKhātis ge Xoasa ra mî: ‘ǃKhūb sa Elobats ge ǃâitsâ tide.’ ”
8ǁKhawab ge ǁgâuaba kaise ǀgapi ǃhommi ǁga ūǃapa bi tsî ǃhūbaib di gaosigu hoaga, ǂkhaisib âgu ǀkha ǁgau bi tsî ge mî: 9“Nēn hoana ta ge nî mā tsi, ǃhonǁgoa tsîts ga tita ǀgoreǀîo.”
10 #
Deu. 6:13
Ob ge Jesuba ǁîb ǃoa ge mî: “Bēxū te, Satantse!* Nēti i ge xoahe hâ:
“ ‘ǃKhūb sa Eloba ǀgoreǀî,
î ǁîb ǀguiba ǃoaba.’ ”
11Ob ge ǁgâuaba ǁîba xu ge bē tsî gu ge ǀhomǃgāga hā tsî Jesuba ge ǃoaba.
Jesub ge ǁîb sîsengu ǀkha Galileab ǃnâ ra tsoatsoa
(Markub 1:14-15; Lukab 4:14-15)
12 #
Mat. 14:3; Mrk. 6:17; Luk. 3:19-20 Tsî Jesub ge Johaneb ge ǃkhōsis ǃnâ a ūhe ǃkhaisa ǁnâu, ob ge Judeaba xu ǂoa tsî Galileab ǃoa ge ǃgû. 13#Jhn. 2:12Tsî Nasarets ǃnâb nî ǁans ǃās ǃnâb ge Kapernaums hîa Galileahurirob tawa ǁgoes tawa sī ge ǁan, Sebulonni tsî Naftalib tsîkha di ǀkharib ǃnâ. 14Nēs ge kēbo-aob Jesajab xa ge mîhe mîs nî dīǀoaǀoahesesa:
15 #
Jes. 9:1-2
“Sa ǃhūts Sebulonni tsî Naftalib tsîkha dits,
hurirob daob tawa Jordanǃāb nauǃani ǁgoets,
Jodeǁî taman* di Galileatse!
16ǃKhaenab ǃnâ ǂnôa ǁaes
ge kai ǃnâba ge mû.
Tsî ǁnān, ǁōb di ǃhūb tsî sommi ǃnâ ǂnôan
ge ǃnâb xa ge ǁhaiǂamhe.”
17ǁNā ǁaeb aib ge Jesuba aoǁnâtsoatsoa tsî ge mî: “ǃHobasen du, Gaosib ǀHommi dib go ǀgū xuige.”#4:17 Go ǀgū xuige: Tamas ka io go ǀkhī tamas ka io ge ǃhaese nî ǀkhī.
ǂGuro ǁkhāǁkhāsabegu* di ǂgaihes
(Markub 1:16-20; Lukab 5:1-11)
18Galileahurirob di ǀnomammi aib garu hîab ge Jesuba ǀgam khoeǃgâgukha, ǁauǃkhō-aokha ge i kha Simonni, Petrub ti ǀon hâb tsî Andreab tsîkha, ǀûis ǀkha kha hurirob ǃnâ ra ǁauǃkhō hîa ge mû. 19Ob ge Jesuba ǁîkha ǃoa ge mî: “Sao te re, o ta ge khoeǃkhō-aose nî dī kho.” 20ǁNātimîsi kha ge ǁîkha ǀûide ǁgui tsî ǁîba ge sao.
21Tsî aiǃâb ǁgab ge ǃgû, ob ge ǀnî khoeǃgâgukha, Jakobub tsî Johaneb tsîkha, Sebedeub ôakha, ǂgaus ǃnâ kha ǁîkha îb ǀkha ǀûide ra ǂomse ge mû. Tsîb ge ǁîkha tsîna ge ǂgai. 22ǁNātimîsi kha ge ǂgaus tsî ǁîkha îb tsîna ǁnāxū tsî Jesuba ge sao.
Jesub ge ǁkhāǁkhā, aoǁnâ tsî ra ǂuruǂuru
(Lukab 6:17-19)
23 #
Mat. 9:35; Mrk. 1:39 Tsî hoaraga Galileab ǃnâb ge Jesuba ǃgû tsî sinagogegu* ǃnâ ǁkhāǁkhā tsî ǃGâiǂhôas Gaosib disa gere aoǁnâ. ǁÎb ge ǁkhāti hoa ǀaesenain tsî tsû-ain tsîna ǁaes ǃnâ gere ǂuruǂuru. 24ǁÎb xa hâ gommi ge Galileaba xu tsî hoaraga Siriab ǀkharib tsî ǂnamipeb ǃnâ ge ǁnâuhetsoatsoa, on ge hoa ǀaesenain tsî tsû-aina ūhân hoana ǁîb ǃoa ge hā-ūhe. ǀNîn ân ge ǁgâuagu xa ge hâǃnâhe i tsî ǁnāǁōba ge ūhâ i,#4:24 Tsî ǁnāǁōba ge ūhâ i: ǂÂihe rasa ǃoa ǃkhau hâ: Hugakam ǁaeb ǃnân ge khoen hîa ǁnāǁōba ūhâna ǂâihe rasa ǃoa ge ǃkhau hâ i. tsî ǀnîn ge ge ǃgû ǁoa i. Xaweb ge Jesuba hoana ge ǂuruǂuru.
25Kai ǂnubis khoen ge Jesuba Galileab tsî disi kai ǃādi, Dekapoliǀkharib tis tsîna ge ǂansa ib#4:25 Disi kai ǃādi…ǂansa ib: ǀHûpe hâ kai ǃādi Samariab* tsî Galileab hâkha aiǂoas ǃnâ, khoen ra Grike ûiǀgauba sao ǃkhaib ai. tsî ǁkhāti Jerusalems, Judeaǀkharib tsî Jordanǃāb di aiǂoas tsîna xu ge sao.
Currently Selected:
Mateub 4: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.