Mateub 3
3
Johaneb ǁĀǁnâ-aob di aoǁnâs
(Markub 1:1-8; Lukab 3:1-18; Johaneb 1:19-28)
1Tsî ǁnā tsēdi ǃnâb ge Johaneb ǁĀǁnâ-aoba, Judeaǀkharib di ǃgaroǃhūb ǃnâ aoǁnâtsoatsoa tsî ge mî: 2“ǃHobasen du, Gaosib ǀHommi dib ǀgūse hâ xuige.” 3#Jes. 40:3Johanneb ge ǁnāb, kēbo-aob Jesajab ǁîb xa ǃhoa tsî nēti gere mîba:
“Dom-i ge ǃgaroǃhūb ǃnâ ra ǂgai:
‘ǂHomi du re ǃKhūb di daoba,
î du ǁîb di ǂgaroga ǂhanuǂhanu!’ ”
4 #
2Gao. 1:8
Johaneb di sarab ge ǃnaiǀûn ǀkha ge kurusa i. ǁÎb ge khōǃgaesenna kamanab âb ai ǃgae tsî ǂhomn tsî ǃgarodani-i tsîna gere ǂû.
5On ge khoena Jerusalems, hoaraga Judeab tsî hoaraga ǀkharib Jordanǃāb di ǂnamipe ǁgoeba xu Johaneb ǃoa ge hā. 6Tsîb ge ǁîna Jordanǃāb ǃnâ ge ǁāǁnâ, ǁoren ânan ge ǁguiǁnâo.
7 #
Mat. 12:34; 23:33 Tsî Johaneb ge ǂgui Farisegu* tsî Sadusega mûǃgoaxa ǁāǁnâhe nîse, ob ge ǁîn ǃoa ge mî: “Sa ǀaogo! Tari-e sago ge ǁgau, ǃgoaxa ǁaiba go nî ǁhaixū ǃkhaisa? 8Sago ûiǀgaub ǀkha ǁgauǂui ǃhobasen go hâ ǃkhaisa. 9#Jhn. 8:33Î tā gāsen ǃKhūb ǀgoraǃgâsa ǁhaini tsî ‘Sida kom Abrahamma aboxase ūhâo’ ti ra mîse. Mîba du ta ge ra Elob a ǁkhā tsîb nē ǀuina Abrahammi ôan ǃnâ a ǀkharaǀkhara ǁkhā ǃkhaisa. 10#Mat. 7:19ǃŌs ge ǀnai ǂhomisase hâ, haidi ǃnomab tawa ǁhāǁnâs ǃaroma. Mâ hai-i hîa ǃgâi ǂû-e tani tama-i hoa-i ge ǁhāǂuihe tsî ǀaes ǃnâ nî aoǂgāhe.
11“Tita ge ǁgam-i ǀkha ra ǁāǁnâ, ǃhobasen du go ǃkhais di ǁgauǁgaus ase.#3:11 ǃHobasen du go ǃkhais di ǁgauǁgaus ase: Tamas ka io ǃhobasen du nîga. Xawe ti khaoǃgâ ra hāb ge ti ǃgâ-ai a ǀgaisa, ǀkhapudi âba tanis tsîna ta anu tamaba. ǁÎb ge ǃAnu Gagab tsî ǀaes tsîra ǀkha nî ǁāǁnâ. 12ǁÎb ge ǀnupiǃoreb âba ǃomǁae ge ū, dāǃnâǃkhaib ǃnâ ǃhoroba ǀhōba xu ǀgora tsîb ǃhoroba ǃhorosâuǃnâ-ommi ǃnâ nî ǀhaoǀhaoga, tsîb ge ǀhōba khauhâhâ ra ǀaeb ǃnâ nî ǂhubiǂui.”
Jesub di ǁāǁnâhes
(Markub 1:9-11; Lukab 3:21-22)
13ǁNā ǁaeb ǃnâb ge Jesuba Johaneb xa nî ǁāǁnâhese Galileaǀkhariba xu Jordanǃāb tawa ge sī. 14Xaweb ge Johaneba Jesuba mâǃoa tsî ge mî: “Sats kom tita nî ǁāǁnâse ītsao. Mâtits satsa tita xa nî ǁāǁnâhese tita ǃoa ra hā?”
15Ob ge Jesuba ge ǃeream: “A i ǁnāti ī, î khom ǃKhūb di ǂhanu-aisib hoaba dīǀoaǀoa.” Ob ge Johaneba Jesuba ge ǃkhō-am.
16Tsîb ge Jesuba ge ǁāǁnâhe. Tsî Jesub ge ǁnātimîsi ǁgamma xu ǂoa, ob ge ǀhomma ge ǁkhowa-amsen tsîb ge Elob Gagaba ǂnabus xase ǁîb ai ge ǁgôaxa. 17#Gen. 22:2; Psa. 2:7; Jes. 42:1; Mat. 12:18; 17:5; Mrk. 1:11; Luk. 9:35ǁNātimîsi i ge dom-e ǀhomma xu ge mî: “Nēb ge ti ǀnamǀnamsa ǀGôab, ǃgâiǃgâibasensa ta ūǃnâ hâba. ǁÎba ǃgâ re!”
Currently Selected:
Mateub 3: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.