Amos ǂGAEǂGUIǂGĀS
ǂGAEǂGUIǂGĀS
Amosi ge Judab ǃnâ ǂnôa ǃās Tekoasa (1:1) xu ge hā. ǁÎb ge ǃnāsase ǀgoaǂgāris tsî ǀnomaǃhanasa xu ge ûi hâ i (1:1; 7:14-15). ǁÎb ge buruxa ǂans ǃhoas dis tsî hoaǃnā-aixase ǃnaeǃkhaide ǂans di māsa ge ūhâ i. Judab hîa ǃkhawagas ǃnâ ǁgoeba xub hâ, xaweb ge Eloba ǀapas di gaosib ǃnâb Israeli di ǀgoraǃgâsa sī nî aoǁnâse ge sîǂui bi. Betels tawab ge ǃnāsa ǁaeba ǁîb di kēbosis sîsenna gere dī (7:10-13; 1Gao. 12:28-30 tawas tsî kō re). Nē ǂkhanis ge Amosi di kēbode ǃgupuse saogu di rase ra ǃkhōǀhao, ǀgui kēbos ase di nî khomaihese. Nē ǂkhanis ge ǁkhāti hoaraga Israelǁîn ǃoa a xoasa.
ǁÎs hîa ra ǁgoeǂam ǂâiǂamǃkhais ǂKhanis Amosi dis ǃnâs ge ǀhûhâsi ûiǁareb xa hâ ǂhanu-aisib ǀguib ǂhanu gagasi ûiba ūhâ ǃkhaisa (5:24) ǃgāsase ra ǁgâiǂui. ǁÎb ge ǀgaisa ǃhoa-aob Elob ǂhanu-aisib di ge iba, Hoseab Elob di ǀnammi, ǀkhommi, ǀkhomxaǂgaosib tsî ǀûbas xa gere ǁkhoase ǃhoa hîa. Amob ge ǂgomoǃnân, ǁnâuǀnamoǃnân tsî ǃgaeǀhaokhôa-aon nî Elob xa ǁkharahe ǃkhaisa ra mîmâi. ǁÎb ge ǀams ai mâtis ǁaesa ǁkhawa nî ǂnubikhâihe ǃkhaisa ra ǂanǂan.
ǃKhōǂgāb
ǁAnǁare-aoǁaedi tsî ǃgaeǀhaos ǁaes ǃoagu hâ ǀgoraǃgâdi 1:1—6:14
Koro ǁhapodi, ǁaeguǃâdi ǀkha 7:1—9:10
Israels di ǁkhawa ǂnubikhâihes 9:11-15
Currently Selected:
Amos ǂGAEǂGUIǂGĀS: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.