2 Timoteub 3
3
ǀUni tsēdi di ǁkhōǁkhōsasib
1Timoteutse, ǁkhātits nî ǂans ge, ǀuni tsēdi ǃnâ gu kaise ǃgom ǁaega nî hâsa. 2Khoen ge ǁîǃgôasen tsî ǃkhūsib ân ai ǀgui nî ǂgāmâisen. ǁÎn ge ǁî-aitsama koasen tsî nî ǂnīsa, Eloba ǃkhāǃkhā, ǁgûn âna ǁnâuǀnamoǃnâ, ganganoǃnâ tsîn ge nî ǃanuoǃnâ. 3ǀNamoǃnâ tsîn ge nî ǀûbaoǃnâ; nauna mîǁgaiǁgai tsîn ge nî ǁkhaesen ǁoa; ǀapaǂgao tsîn ge ǃgâib hoaba nî mâǃoa. 4ǀHōsan ânan ge nî ǀapexū, ǁgauoǃnâse ûi, ǀgapiǂâixasib ǀkha khūkhūsen tsîn ge Eloba ǀnams ǃās ǃnâ ǁîn di ǃgâiǃgâisens ǀguisa nî ǀnam. 5Elob di ǃoaba-aon khamin ge nî dīsen, xawen ge ǁîba xu hâ ama ǀgaiba nî ǂhara. ǁNāti ī khoen ǀkha tā ǁaeǁaesen. 6ǀNîn ge ǂkhabusa taradi ǀnai ǂgui ǃnāde ǁîdi ǁoren di ǃgomsigu tsî turagu tsîn di ǃgomma tani hâdi omdi ǃnâ ǂgâ tsî ǁîde ra ǂgaeǂhapu. 7Nēti ī taradi ge hoaǁae ra dītsâ ǀasa xūna ǁkhāǁkhāsensa, xawe di tātsēs tsîna amaba ǁnâuǃā ǁoa hîa. 8#Eks. 7:11Tsî Janeb tsî Jambreb#3:8 Janeb tsî Jambreb: Nē ǀonra ge ǀOro Testamens ǃnâ hōhe tama hâ, xawen ge ǂgui khoena ra ǂgom Egipteb di ǃgaidī-aokha hîa Moseb nî Israelǁaesa Egipteba xu ǂgaeǂguiǂui ǃkhaisa gere mâǃoakha a ǃkhaisa. tsîkha, Moseba gere mâǃoakha khami gu ge nē ǁkhāǁkhā-aoga ǃGâiǂhôas di amaba ra mâǃoa. ǁÎgu ǂâidi ge ǀhôagao tsî ǂgoms âgu ge a ǁau. 9Xawe nē gâresib ǀkha gu ge gaxuse aiǃgû tide tsî Janeb tsî Jambreb ǀkha i ge hā khami khoen xa ǂhumib âga ǃhaese nî ǂanǃnâhe.
Paulub ra Timoteuba ǀuni ǁguiǂamde mā
10Xawe Timoteutse, sats ge ǃgâise ti ǁkhāǁkhās, ûiǂuib tsî ûib di ǀapeǁguib tsîna a ǂan. ǁKhātits ge ti ǂgoms, tsâb, ǀnammi, ǃnūǃnâxasib, 11#ǃNǃkh. 13:14-52; ǃNǃkh. 14:1-7; ǃNǃkh. 14:8-20ǃgôaǃgondi tsî tsâgu hîa ta ge a ǃkharuǃnâgu tsîna a ǂan. ǁKhāti mâti ta ge Antioxias, Ikoniums tsî Listras tsîn ǃnâ ǁkhōǁkhōsa ǃgôaǃgonde a mâǃkharuǃnâ ǃkhaisa. Nētib ge ǃKhūba hoana xu a huiǂui te. 12Xristub* Jesub ǃnâ ra ûi ǂgao khoe-i hoa-i ge ǃgomma nî tsâ. 13Tsî ǂkhaba tsî ǂgaeǂhapu-aogu ge ǃaruǀîǀgui nî ǀgai. ǁÎgu ge nau khoena ǂgaeǂhapu tsî ǁî-aitsamas tsîna nî ǂgaeǂhapusen. 14Xawe Timoteutse, satsa ǁkhāǁkhāhets ge amab ǃnâ hâhâ, î ǀams kōse ǂgomǂgomsa. Tari-i ge nē xūn hoana a ǁkhāǁkhā tsi ǃkhaisats a ǂan amaga. 15Tsî ǂants as ge ǀgôasisa xuts ge ǃAnu Xoasa a ǁkhāǁkhāhesa tsîts ge gā-aisiba a ǃkhōǃoa ǃkhaisa, Xristub Jesuba ǂgomǃgâs ǃnâts nî ǃgâiǃōsiba hōse. 16Hoaraga Xoas Elob xa ǃAnu Gagab ǀkha ǂgaeǂguihe hâ amagas ge a sîsenūhe ǁkhā, amaba ǁkhāǁkhās ǃaroma tsî tsū xūna da sada ûigu ǃnâ nî mûǂanse. ǁÎs ge ǂgōǀau tsî ǂhanu-aisiba dīs ǃaroma ra ǁkhāǁkhā da. 17ǁÎs ǃnâb ge Eloba mâ khoe-i hoa-i di daoba ra aiǂhomi tsî Elob ra ǂgaoǀkhā da, dī da nîse ī, ǃgâi xūn ǃaroma ǀoasase ra ǁâtani da.
Currently Selected:
2 Timoteub 3: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.