Ap 9

Li ro' tronpeet

1Li ro' ánjel kixyaab'asi li xtronpeet, ut kiwil jun li chahim kit'ane'k chaq sa' choxa toj sa' ruuchich'och'. Kik'ehe'k re li xlaawil li xchamal li Siwan,#9,1 Jun li ánjel kirach'ab' eb' li ánjel ke'maakob'k; a'aneb' chanchaneb' aj saak' (cf. Ex 10,1-20; Jl 1-2). 2ut kixte li xchamal li Siwan. K'ajo' li sib' kitaqe'k chaq sa' li jul, kama' xsib'el junaq nimla xam,#9,2 Ex 19,18. ut kiq'oqyino'k ru li saq'e jo'wi' li iq' xb'aan xsib'el li jul. 3Sa' li sib' ke'elk chaq aj saak' sa' xb'een li ruuchich'och', ut ke'k'ehe'k xwankil jo' xwankileb' laj xook' sa' ruuchich'och'. 4Ke'yehe'k chaq reheb' naq maak'a' te'xb'aanu re li che'k'aam sa' ruuchich'och', chi moko re chixjunil li rax rax ru pim malaj re junaq che', ka'ajeb' b'an wi' li winq li maak'a'eb' li xkaaxtil li Yos chi xpeekemeb'. 5Ab'an ink'a' ke'k'ehe'k xwankil re xkamsinkileb', ka'aj b'an wi' xrahob'tesinkileb' chiru oob' po; ut li rahilal neke'xk'e a'an kama' naq natiwe'k junaq xb'aan laj xook'.

6Sa'eb' li kutan a'an eb' li winq te'xsik' xkamikeb' ut ink'a' te'xtaw; te'rataw kamk, ab'an li kamk taa'eleliq chiruheb'.#9,6 Job 3,21; Jr 8,3.

7Eb' laj saak' chanchan rilb'aleb' li kawaay kawresinb'ileb' cho'q re sachok; sa' xjolomeb' wankeb' chanchan koroon yiib'anb'il rik'in oor, ut li xnaq' ruheb' jo' xnaq' ru winq. 8Li rismaleb' kama' rismal ixq ut eb' li ruuch reheb' kama' ruuch re kaqkoj. 9Wankeb' xkolb'al li re xch'ooleb' yiib'anb'il jo' rik'in ch'iich', ut li xxik'eb' neke'eek'ank jo' xyaab'eb' li b'eleb'aal ch'iich' kelonb'ileb' xb'aan k'iila kawaay yookeb' chi aanilak re sachok. 10Wankeb' xye chanchan xye laj xook', ut wankeb' li neke'tiwok wi'; ut li xyeheb' wankeb' xwankil chi xrahob'tesinkileb' li tenamit chiru oob' po. 11Li xjolomileb' a'in a'an li x'ánjel li Siwan, a' li naxk'ab'a'in Abadón sa' hebreo ut Apolión sa' griego (naraj naxye: “aj Sachonel”).

12Li xb'een rahilal ak xnume'k; chak'e reetal, toj wank wiib' chik chalkeb' re chirix a'an.

Li xwaq tronpeet

13Li xwaq ánjel kixyaab'asi li xtronpeet. Toja' naq kiwab'i jun xyaab' kuxej ki'elk chaq sa'eb' li kaahib' chi xxukub' li artal ooro li wank chiru li Yos, 14ut kixye re li xwaq ánjel li wank xtronpeet: “K'ixeb' li kaahib' chi ánjel li jit'jookeb' chire li nima' Éwfrates”. 15Ut ke'k'ixe'k li kaahib' chi ánjel li yo'oon wankeb' cho'q re li honal, re li kutan, li po ut li chihab', re xkamsinkileb' li rox jachal chixjunileb' li winq. 16Li xk'ihaleb' laj puub' li wankeb' chirix kawaay, kiwab'i naq lajeek'aal mil chi k'iila mil.

17Ut jo'ka'in naq ke'xk'ut rib' chiwu eb' li kawaay ut eb' li wankeb' chirixeb': wankeb' xkolb'al li re xch'ooleb' kama' li xam, li jasinto ut li asuupr na'ilok; li xjolomeb' li kawaay kama' xjolomeb' li kaqkoj, ut sa' reheb' na'elk chaq xam, sib' ut asuupr. 18Ke'kamsiik li rox jachal chixjunileb' li winq xb'aaneb' li oxib' chi rahilal a'in: xb'aan li xam, li sib' ut li asuupr li na'elk chaq sa' reheb'. 19Xb'aan naq li xwankileb' li kawaay wank sa' reheb' ut sa' xyeheb'; li xyeheb' chanchaneb' k'anti', wankeb' xjolom ut rik'in a'an neke'rahob'tesink.

20Ab'an li junch'ol chik, eb' li winq li ink'a' ke'kamsiik xb'aaneb' li rahilal a'an, ink'a' ke'yot'e'k xch'ool ink'a' ke'xjal xk'a'uxl chirixeb' li xb'aanuhom; ink'a' ke'xkanab' xloq'oninkileb' ru laj tza chi moko li xyoseb' yiib'anb'ileb' rik'in oor, plaat, q'anch'iich', pek ut che'. Ink'a' ke'xkanab' xloq'oninkil eb' li yos li ink'a' neke'ruhank chi ilok, chi moko ab'ink ut b'eek.#9,20 Sal 115,4-8; 135,15-18; Sab 15,14-15. Cf. Is 44,9-20; Dn 5,23. 21Ink'a' ajwi' ke'yot'e'k xch'ool chirix li kamsink, tuulak, muxuk ib' ut elq'ak nalaje'xb'aanu.

Currently Selected:

Ap 9: QQC

Highlight

Copy

Compare