Popular Bible Verses from Ap 9

Share

Ab'an li junch'ol chik, eb' li winq li ink'a' ke'kamsiik xb'aaneb' li rahilal a'an, ink'a' ke'yot'e'k xch'ool ink'a' ke'xjal xk'a'uxl chirixeb' li xb'aanuhom; ink'a' ke'xkanab' xloq'oninkileb' ru laj tza chi moko li xyoseb' yiib'anb'ileb' rik'in oor, plaat, q'anch'iich', pek ut che'. Ink'a' ke'xkanab' xloq'oninkil eb' li yos li ink'a' neke'ruhank chi ilok, chi moko ab'ink ut b'eek. Ink'a' ajwi' ke'yot'e'k xch'ool chirix li kamsink, tuulak, muxuk ib' ut elq'ak nalaje'xb'aanu.

Sa' li sib' ke'elk chaq aj saak' sa' xb'een li ruuchich'och', ut ke'k'ehe'k xwankil jo' xwankileb' laj xook' sa' ruuchich'och'. Ke'yehe'k chaq reheb' naq maak'a' te'xb'aanu re li che'k'aam sa' ruuchich'och', chi moko re chixjunil li rax rax ru pim malaj re junaq che', ka'ajeb' b'an wi' li winq li maak'a'eb' li xkaaxtil li Yos chi xpeekemeb'.

Li ro' ánjel kixyaab'asi li xtronpeet, ut kiwil jun li chahim kit'ane'k chaq sa' choxa toj sa' ruuchich'och'. Kik'ehe'k re li xlaawil li xchamal li Siwan

Ab'an ink'a' ke'k'ehe'k xwankil re xkamsinkileb', ka'aj b'an wi' xrahob'tesinkileb' chiru oob' po; ut li rahilal neke'xk'e a'an kama' naq natiwe'k junaq xb'aan laj xook'.

Li xjolomileb' a'in a'an li x'ánjel li Siwan, a' li naxk'ab'a'in Abadón sa' hebreo ut Apolión sa' griego (naraj naxye: “aj Sachonel”).