Ap 13

Li wiib' chi josq' aj xul

1Kiwil naq ki'elk chaq sa' li palaw jun li josq' aj xul#13,1 A'an li nimla tenamit Roma xk'ab'a', reetalil chixjunileb' li xik' neke'ilok re li Iklees, a'eb' li k'eeb'ileb' xwankil xb'aan laj tza (cf. Ap 12,3; 17,3.7-12; Jn 12,31; Lk 4,6; Dn 7,2-8; 11,36). wank lajeeb' xxukub' ut wuqub' xjolom. Chiruheb' li xxukub' wank lajeeb' lemtz'il koroon, ut sa' xb'eeneb' li xjolom junjunq tz'iib'anb'ileb' k'ab'a'ej re majewank. 2Li josq' aj xul kiwil chanchan junaq hix, eb' li roq chanchan roq li tz'uqtz'un ut li xxolol kama' xxolol li kaqkoj. Ut kik'ehe'k re xb'aan li nimla k'anti' li xkawilal, li xk'ojarib'aal ut li xnimal xwankil. 3Kiwil ajwi' naq jun reheb' li xjolom wank xyok'olal ut kamk raj xb'aan; ab'an li xnimal xtiq'ilal kik'iraak. Toja' naq chixjunil li ruuchich'och' ke'sachk xch'ool, ke'ok chi xtaaqenkil li josq' aj xul 4ut ke'xloq'oni li nimla k'anti', xb'aan naq kixk'e xwankil li josq' aj xul. Ke'xloq'oni ajwi' li josq' aj xul, yookeb' chi xyeeb'al: “Ani tawi' chanchan li josq' aj xul? Ani tawi' taaruhanq chi yalok rik'in?”.

5Kik'ehe'k ajwi' xwankil li josq' aj xul chi xyeeb'al q'etq'etil aatin ut majewank, jo' ajwi' chi k'anjelak chiru wiib' roxk'aal po. 6Ut a'an kixte li re chi xmajewankil li Yos: chi xmajewankil li xk'ab'a' ut li xmuheb'aal jo' ajwi' jo'k'ihaleb' li wankeb' sa' choxa. 7Kik'ehe'k xwankil chi yalok rik'ineb' li sant ut xq'axb'al ruheb', jo' ajwi' kik'ehe'k xwankil sa' xb'een chixjunileb' li xteepal ut li xtenamit li ruuchich'och', yalaq chanru neke'ilok ut neke'aatinak. 8Ut chixjunileb' li wankatqeb' sa' ruuchich'och' ke'xloq'oni ru, eb' li ink'a' tz'iib'anb'ileb' xk'ab'a' sa' xhuhil li yu'am, chalen chaq sa' xk'ojlajik li ruuchich'och'. Li hu a'in wank rik'in li Karneer kikamsiik.

9Ani wank xxik chirab'ihaq: 10“Ani tento taaxik sa' tz'alam, sa' tz'alam taaxik; ani tento taakamsiiq rik'in ch'iich', rik'in ch'iich' taakamsiiq”.#13,10 Jr 15,2; 43,11; Mt 26,52. Us ta ink'a' tixyal xq'e chi xkolb'al rib' chi anchal xmetz'ew, ab'an k'aak'alenb'ilaq chi us li Iklees.

Jo'ka'in neke'kuyuk ut neke'paab'ank eb' li sant.

Li josq' aj xul li kitaqe'k chaq sa' li ch'och'

11Chirix chik a'an kiwil jun chik josq' aj xul#13,11 Li josq' aj xul a'in li yo chi k'anjelak chiru li xb'een xul, a'an reetalil chixjunileb' li propeet aj b'alaq' (cf. Ap 16,13; 19,20; 20,10; Mt 7,15; 24,11-24). yo chaq chi taqe'q sa' ch'och', wank wiib' xxukub' kama' xxukub' li karneer, ab'an kaw naxjap re kama' junaq mama' xul. 12Wank rik'in chixjunil li xwankil li xb'een xul naq yo chi k'anjelak chiru, ut naxb'aanu naq chixjunileb' li wankatqeb' sa' ruuchich'och' te'xloq'oni li xb'een xul, a' li kik'iraak li xyok'olal li kikamk raj wi'. 13Naxb'aanu xninqal ru eetalil chiruheb' li tenamit, naxk'e ajwi' chi kub'eek chaq xam sa' choxa toj sa' ruuchich'och'; 14ut naxb'alaq'iheb' li wankeb' sa' ruuchich'och' rik'ineb' li eetalil k'eeb'ileb' re xb'aanunkil chiru li josq' aj xul, rik'in xyeeb'al reheb' li wankeb' sa' ruuchich'och' naq te'xyiib' jun xjalam u li josq' aj xul, a' li tiq'b'il chi ch'iich' ut moko kikamk ta.

15Kik'ehe'k xwankil chi xk'eeb'al xyu'am li xjalam u li josq' aj xul re naq taa'aatinaq ut tixk'eheb' chi kamk jo'k'ihaleb' li ink'a' te'loq'oninq re li xul.#13,15 Dn 3,5-7. 16Ut chixjunileb', jo' kok' jo' ninq, b'ihom ut neb'a', aj loq'b'il k'anjel ut ach'ab'anb'ileb', naxk'e chi k'ehe'k reetalileb' sa'eb' li xnim uq' malaj chi xpeekemeb', 17re naq maa'ani taaruhanq chi loq'ok malaj k'ayink chi maak'a'aq li eetalil a'an, a' li xk'ab'a' li josq' aj xul malaj li rajlil li xk'ab'a'.#13,17 Wank reetalil li Yos (cf. 7,4), ut wank ajwi' reetalil li josq' aj xul.

18Arin a' li chaab'il k'a'uxl na'ajmank ru. Ani wank xna'leb', chirajla li rajlil li josq' aj xul, xb'aan naq a'an rajlil jun li winq. Li rajlil a'an waqib' xkaalajuk'aal xkab' o'q'ob' (666).#13,18 Jalan jalanq xch'olob'ankil xyaalal li rajlil a'an. Wan neke'yehok naq a'an naraj naxye li awab'ej re Roma, laj Nerón xk'ab'a'.

Currently Selected:

Ap 13: QQC

Highlight

Copy

Compare