Popular Bible Verses from Ap 13

Share

Arin a' li chaab'il k'a'uxl na'ajmank ru. Ani wank xna'leb', chirajla li rajlil li josq' aj xul, xb'aan naq a'an rajlil jun li winq. Li rajlil a'an waqib' xkaalajuk'aal xkab' o'q'ob' (666).

Ut chixjunileb' li wankatqeb' sa' ruuchich'och' ke'xloq'oni ru, eb' li ink'a' tz'iib'anb'ileb' xk'ab'a' sa' xhuhil li yu'am, chalen chaq sa' xk'ojlajik li ruuchich'och'. Li hu a'in wank rik'in li Karneer kikamsiik.

Ut chixjunileb', jo' kok' jo' ninq, b'ihom ut neb'a', aj loq'b'il k'anjel ut ach'ab'anb'ileb', naxk'e chi k'ehe'k reetalileb' sa'eb' li xnim uq' malaj chi xpeekemeb', re naq maa'ani taaruhanq chi loq'ok malaj k'ayink chi maak'a'aq li eetalil a'an, a' li xk'ab'a' li josq' aj xul malaj li rajlil li xk'ab'a'.

“Ani tento taaxik sa' tz'alam, sa' tz'alam taaxik; ani tento taakamsiiq rik'in ch'iich', rik'in ch'iich' taakamsiiq”. Jo'ka'in neke'kuyuk ut neke'paab'ank eb' li sant.

Kiwil naq ki'elk chaq sa' li palaw jun li josq' aj xul wank lajeeb' xxukub' ut wuqub' xjolom. Chiruheb' li xxukub' wank lajeeb' lemtz'il koroon, ut sa' xb'eeneb' li xjolom junjunq tz'iib'anb'ileb' k'ab'a'ej re majewank.

Kik'ehe'k xwankil chi yalok rik'ineb' li sant ut xq'axb'al ruheb', jo' ajwi' kik'ehe'k xwankil sa' xb'een chixjunileb' li xteepal ut li xtenamit li ruuchich'och', yalaq chanru neke'ilok ut neke'aatinak.

ut naxb'alaq'iheb' li wankeb' sa' ruuchich'och' rik'ineb' li eetalil k'eeb'ileb' re xb'aanunkil chiru li josq' aj xul, rik'in xyeeb'al reheb' li wankeb' sa' ruuchich'och' naq te'xyiib' jun xjalam u li josq' aj xul, a' li tiq'b'il chi ch'iich' ut moko kikamk ta. Kik'ehe'k xwankil chi xk'eeb'al xyu'am li xjalam u li josq' aj xul re naq taa'aatinaq ut tixk'eheb' chi kamk jo'k'ihaleb' li ink'a' te'loq'oninq re li xul.

Li josq' aj xul kiwil chanchan junaq hix, eb' li roq chanchan roq li tz'uqtz'un ut li xxolol kama' xxolol li kaqkoj. Ut kik'ehe'k re xb'aan li nimla k'anti' li xkawilal, li xk'ojarib'aal ut li xnimal xwankil.

Kik'ehe'k ajwi' xwankil li josq' aj xul chi xyeeb'al q'etq'etil aatin ut majewank, jo' ajwi' chi k'anjelak chiru wiib' roxk'aal po.

Kiwil ajwi' naq jun reheb' li xjolom wank xyok'olal ut kamk raj xb'aan; ab'an li xnimal xtiq'ilal kik'iraak. Toja' naq chixjunil li ruuchich'och' ke'sachk xch'ool, ke'ok chi xtaaqenkil li josq' aj xul

Chirix chik a'an kiwil jun chik josq' aj xul yo chaq chi taqe'q sa' ch'och', wank wiib' xxukub' kama' xxukub' li karneer, ab'an kaw naxjap re kama' junaq mama' xul. Wank rik'in chixjunil li xwankil li xb'een xul naq yo chi k'anjelak chiru, ut naxb'aanu naq chixjunileb' li wankatqeb' sa' ruuchich'och' te'xloq'oni li xb'een xul, a' li kik'iraak li xyok'olal li kikamk raj wi'.