Heb 6

Q'axonqo chi xk'oxlankil li tz'aqal re ru

1Jo'kan utan, qakanab'aq xk'oxlankil li xb'een tzolok chirix li Kriist, ut q'axonqo chi xk'oxlankil li tz'aqal re ru. Miqak'e chik li rub'elankil li qapaab'aal, a' li yot'b'ach'oolej jalb'ak'a'uxl chirix li kamenaqil k'anjel jo'wi' chirix li xpaab'ankil li Yos; 2miqak'e chik li tzolok chirixeb' li kub'iha',#6,2 Eb' li kub'iha' li naxye arin li Hu reheb' laj Hebreo a'an li qakub'iha' jo' wi' li xkub'iha' laj Jwan ut chixjunil li ch'ajob'resink ib' na'uxmank sa' xyanqeb' laj Judiiy. li xk'eeb'al li uq'ej sa' xb'een jolomej, li xwaklijikeb' wi' chik eb' li kamenaq ut li raqb'a aatin sa' roso'jikeb' li kutan. 3Nim li Qaawa' sa' qab'een: jo'kan tqab'aanu wi li Yos naxk'e qe.

4Xb'aan naq eb' li ke'kutanob'resiik jun sutaq, ke'xyal xsahil li choxahil maatan ut ke'tz'aqonk rik'in li Santil Musiq'ej, 5ke'reek'a xsahil li xChaab'il Esil li Yos ut ke'xyal xwankil li ruuchich'och' toj chaalel, 6wi neke't'ane'k wi' chik, ramro chiruheb' naq te'ak'ob'resiiq wi' chik rik'in yot'b'ach'oolej jalb'ak'a'uxl,#6,6 Heb 10,26-31; Mt 12,32; 1 Jn 5,16. xb'aan naq neke'xchirib' wi' chik chiru krus li Ralal Li Yos ut neke'xk'e sa' xutaan chiruheb' li tenamit.

7Li ch'och' li naxk'ul li hab' chi kok'aq xsa' ut chaab'il li awimq naxk'e cho'q reheb' laj k'alom, yo chi tz'aqonk rik'in li rosob'tesihom li Yos. 8Ab'an li ch'och' na'elk wi' junes k'ix ut pajl, a'an maak'a' na'ok wi'; tz'eqtaananb'il, ut k'atk tox'oso'q wi'.

Xwaklesinkil xch'ooleb' laj paab'anel

9Ex was wiitz'in raarookex qab'aan, us ta xqaye eere chi jo'kan, ab'an k'ojk'o qach'ool naq wankex sa' li chaab'il b'e, a' li xb'ehil li kolb'a ib'. 10Xb'aan naq tiik xch'ool li Yos, moko hoon ta nasachk sa' xch'ool leechaab'il k'anjel ut chanru xetenq'aheb' chaq laj santil paab'anel, ut toj yookex chi xtenq'ankileb' anaqwan, sa' xk'ab'a' li Qaawa'.

11Ab'anan naqaj naq li junjunq sa' eeyanq chixyalaq ajwi' xq'e toj sa' roso'jik, toj reetal taatz'aqloq ru li qoyb'enihom, 12re naq ink'a' chiq'olo'q eerix, chek'am b'an eere rik'ineb' li yookeb' reechaninkil li xyeechi'om li Yos rik'in li xpaab'aaleb' jo'wi' rik'in li xnimal xkuyumeb'.

13Maa'ani junaq nim xwankil chiru li Yos. Jo'kan naq sa' li kutan naq li Yos kixyeechi'i rosob'tesinkil laj Abrahán, kixpatz' xk'ab'a' xjunes rib', 14naq kixye: “Relik chi yaal naq q'axal tatwosob'tesi ut tatink'ihob'resi chi yo'oon”.#6,13-14 Gn 22,16-17. 15Ut sa' xk'ab'a' li xnimal xkuyum, laj Abrahán koxtaw li kiyeechi'iik re.

16Xb'aan naq, jo'q'e na'uxmank jurament sa' xyanqeb' li winq, napatz'mank xk'ab'a' junaq li nim xwankil chiruheb', ut rik'in li jurament nak'ojlaak xch'ooleb' ut nach'olaak ru chixjunil li wech'ij ib'. 17Li Yos kiraj xk'utb'al chi tz'aqal yaal chiruheb' li te'eechaninq re li xyeechi'om, naq ink'a' taach'inanq xch'ool chirix li k'aru kixk'uub' chaq. Jo'kan naq ki'aatinak rik'in jurament, 18re naq, sa' xk'ab'a' li raatin jo'wi' li xjurament li ink'a' naru xjalb'al ru chi moko naru natik'ti'ik wi' li Yos, chiwanq xnimal xkawub' qach'ool chi reechaninkil li qamaatan naqoyb'eni laa'o, a'an li qayo'oon rik'in li Yos.

19Li qoyb'enihom, a'an kama' jun li ankla#6,19 Li ankla a'an jun nimla ch'iich' li nakub'simank sa' xchamal li ha' re xchapb'al li nimla jukub' re naq ink'a' chik taab'eeq chiru li ha'. cho'q re li qaanm, kaw rib' ut ink'a' na'eek'ank sa' xna'aj; na'ok toj junpak'al li t'ikr#6,19 Chirix li t'ikr re li Loq'laj Muheb'aal li kiwank chaq sa' li chaqich'och': cf. Heb 9,3; Ex 26,33; Lv 16,2.12. Chixjunil a'in a'an reetalil li santil choxa, b'arwi' kox'okaq xb'enwa li Jesus jo' aj k'amol b'e. 20b'arwi' kox'okaq xb'enwa li Jesus jo' aj k'amol b'e sa' qak'ab'a' laa'o, xb'aan naq kixaqab'aak cho'q xyuwa'il aj tij chi junajwa, jo' chanru xk'anjel laj Melkisedek.

Currently Selected:

Heb 6: QQC

Highlight

Copy

Compare