1 Pe 4

Jun ak' yu'am

1Li Kriist kixk'ul rahilal sa' li xtz'ejwal; jo'kan utan kawaq ajwi' leech'ool laa'ex chirix li k'a'uxl a'in: ani xk'ulum li rahilal, ak xraqe'k chi maakob'k, 2re naq jo' najtil chik twanq sa' ruuchich'och' ink'a' chik taawanq jo' naxrahi li tz'ejwalej, jo' b'an chik naraj li Yos.

3Ak naab'al li kutan xenumsi chaq chi xb'aanunkil li nawulak chiruheb' li ink'a' neke'paab'ank: xexwank sa' li jo'maajo'il na'leb', jo' li naxrahi li tz'ejwalej, rik'in num uk'ak num wa'ak, rik'in kalaak ut xloq'oninkileb' ru li yal k'oxlanb'il yos:#4,3 Chirix li xloq'oninkil ru eb' li yal k'oxlanb'il yos: cf. Gal 5,20. a'an ink'a' naru xb'aanunkil. 4Jo'kan naq eb' a'an neke'sachk xch'ool chi rilb'al naq maawa'ex chik jun chi okenk chirixeb' sa' li xmaa'usilaleb', k'ajo' naq yookeb' chehob'b'al: 5toxe'xq'axtesi li xyehom xb'aanuhomeb' chiru Li yo'oon wan chaq chi raqok aatin sa' xb'eeneb' li yo'yookeb' ut kamenaqeb'. 6A'in xyaalal naq kipuktesimank li Chaab'il Esilal chiruheb' ajwi' li kamenaq, re naq, us ta kiraqmank aatin sa' xb'eeneb' jo' neke'xk'ul chixjunil, ab'an yo'yooqeb' sa' musiq'ej jo' naq yo'yo li Yos.

7Li roso'jik chixjunil li k'a'aq re ru nach' chik wank.#4,7 Cf. 1 P 1,5; 4,17; Fil 4,5; Stg 5,3-8. Chiwanq b'i' eena'leb' ut aj'ajaq eeru chi tijok. 8Xb'een xb'een chiru chixjunil q'axal cherahaq eerib', xb'aan naq li rahok k'ajo' xk'ihal li maak naxtz'ap ru.#4,8 Pr 10,12. 9Chexk'ehoq ochochnaal cherib'il eerib' chi maak'a'aq wech'ink.

10Chek'e chi k'anjelak leemaatan cherib'il eerib', a' yaal k'a' chi maatanil xk'ulum li junjunq, jo'qex li chaab'il aj k'anjelahom re li rusilal li Yos li chi k'iila paay nak'utunk wi'. 11Ani wank xmaatan chi aatinak, chixyehaq Raatin li Yos; wi wank ani xk'ulum junaq k'anjel, chixb'aanuuq rik'in li xwankilal nak'ehe'k re xb'aan li Yos, re naq oxloq'oninb'ilaq li Yos rik'in chixjunil sa' xk'ab'a' li Jesukriist. A'an laj eechal re li loq'al ut li wankilal chi junelik q'e kutan. Jo'kan taxaq.

Us xaq reheb' li rahob'tesinb'ileb' sa' xk'ab'a' li Kriist

12Ex was wiitz'in raarookex inb'aan, misachk eech'ool rik'in li xam#4,12 Li xam a'an reetalil jun nimla rahilal li nataqlaak chaq re xyalb'al rix li qapaab'aal (cf. 1 P 1,7). xlochmank sa' eeyanq re eeyalb'al, jo' ta raj wi' li maajun wa eerilom. 13Chexsaho'q b'an rik'in naq yookex chi tz'aqonk sa' li xrahilal li Kriist, re naq, sa' li xk'utb'esinkil rib' li xnimal xloq'al, k'ajo'aq ajwi' xsahil sa' eech'ool. 14Us xaq eere wi nekexhob'e'k sa' xk'ab'a' li Kriist, xb'aan naq li xloq'laj Musiq' li Yos yo chi hilank sa' eeb'een. 15Maajun taxaq eere chik'uluq rahilal xb'aan kamsink, elq'ak, raaxiik' malaj xb'aan xch'ikb'al rib' sa' ab'l aj b'aanuhom. 16Ab'anan wi nekek'ul rahilal xb'aan xpaab'ankil li Kriist, mexxutaanak; chenimaaq b'an xloq'al li Yos rik'in naq nekek'ab'a'in “kristiyan”.

17Xb'aan naq xwulak xq'ehil li raqb'a aatin, ut taatiklaaq sa' xjunkab'al li Yos. Ut wi qik'in taatiklaaq rik'in qarahob'tesinkil, k'aru te'oso'q wi' eb' li ink'a' neke'xpaab' li xChaab'il Esil li Yos? 18Wi chi ra chi sa taakole'q li tiik xch'ool, k'aru taakanaaq wi' li ink'a' napaab'ank jo'wi' laj maak?#4,18 Cf. Pr 11,21. 19Jo'kan utan, eb' li yookeb' chi xk'ulb'al rahilal jo' chanru naraj li Yos, che'xb'aanuuq li us ut che'xq'axtesiiq li raanm sa' ruq' laj Yoob'tesinel tiik xch'ool.

Currently Selected:

1 Pe 4: QQC

Highlight

Copy

Compare