Popular Bible Verses from 1 Pe 4

Share

Xb'een xb'een chiru chixjunil q'axal cherahaq eerib', xb'aan naq li rahok k'ajo' xk'ihal li maak naxtz'ap ru.

Chek'e chi k'anjelak leemaatan cherib'il eerib', a' yaal k'a' chi maatanil xk'ulum li junjunq, jo'qex li chaab'il aj k'anjelahom re li rusilal li Yos li chi k'iila paay nak'utunk wi'.

Ani wank xmaatan chi aatinak, chixyehaq Raatin li Yos; wi wank ani xk'ulum junaq k'anjel, chixb'aanuuq rik'in li xwankilal nak'ehe'k re xb'aan li Yos, re naq oxloq'oninb'ilaq li Yos rik'in chixjunil sa' xk'ab'a' li Jesukriist. A'an laj eechal re li loq'al ut li wankilal chi junelik q'e kutan. Jo'kan taxaq.

Ab'anan wi nekek'ul rahilal xb'aan xpaab'ankil li Kriist, mexxutaanak; chenimaaq b'an xloq'al li Yos rik'in naq nekek'ab'a'in “kristiyan”.

Li roso'jik chixjunil li k'a'aq re ru nach' chik wank. Chiwanq b'i' eena'leb' ut aj'ajaq eeru chi tijok.

Ex was wiitz'in raarookex inb'aan, misachk eech'ool rik'in li xam xlochmank sa' eeyanq re eeyalb'al, jo' ta raj wi' li maajun wa eerilom. Chexsaho'q b'an rik'in naq yookex chi tz'aqonk sa' li xrahilal li Kriist, re naq, sa' li xk'utb'esinkil rib' li xnimal xloq'al, k'ajo'aq ajwi' xsahil sa' eech'ool.

Chexk'ehoq ochochnaal cherib'il eerib' chi maak'a'aq wech'ink.

Jo'kan utan, eb' li yookeb' chi xk'ulb'al rahilal jo' chanru naraj li Yos, che'xb'aanuuq li us ut che'xq'axtesiiq li raanm sa' ruq' laj Yoob'tesinel tiik xch'ool.

Li Kriist kixk'ul rahilal sa' li xtz'ejwal; jo'kan utan kawaq ajwi' leech'ool laa'ex chirix li k'a'uxl a'in: ani xk'ulum li rahilal, ak xraqe'k chi maakob'k, re naq jo' najtil chik twanq sa' ruuchich'och' ink'a' chik taawanq jo' naxrahi li tz'ejwalej, jo' b'an chik naraj li Yos.

Us xaq eere wi nekexhob'e'k sa' xk'ab'a' li Kriist, xb'aan naq li xloq'laj Musiq' li Yos yo chi hilank sa' eeb'een.