Éxodo 6
6
1Moisësëri napotohuachina, Yosëso tapon:
—Tëhuënchachin Iquipito copirno anaꞌintomiatërahuësoꞌ, niꞌsaran. Naporo co ahuantatonhuëꞌ: “¡Manóton pipico huachi!” itaponquëmaꞌ, itërin.
Yosëri naquëranchin Moisësë camaiantarinsoꞌ
2Naquëranchin Siniorori Moisësë nontaantarin:
—Caso Yosëco. 3Shimashonënpita iráca co nininëhuë chachin nohuitopihuëꞌ: “Sinioro,” co itërinacohuëꞌ: “Yosë yaꞌipi nanitaparinsoꞌ,” itërinaco topinan. 4Canaan noꞌpaꞌ quëtaꞌhuaso marëꞌ nani inapitaroꞌco anoyatërahuë. Inaquë yaꞌhuëpirinahuëꞌ, nisharoꞌsa pochin topinan yacapatopi. 5Iporaso nipirinhuëꞌ, iquipitoroꞌsari israiroꞌsa chiníquën aparisitapi. Ahuëatona tësharapi natanahuë. Ina niꞌsahuato, shimashonënpitaroꞌco anoyatërahuësoꞌ yonquirahuë.
6-8Napoaton piyapinëhuëpita iso pochin shaꞌhuitëquëꞌ: “Caso Sinioroco. Carinquëma Iquipito quëran ocoiaranquëmaꞌ. Iporasoꞌ chiníquën asacatopirënënquëmahuëꞌ, carinquëma chiníquën nanantato nichaꞌësaranquëmaꞌ. Chiníquën aparisitërinënquëma niꞌton, carinta noꞌtëquën iꞌhuërëtarahuë. Ocoirahuatënquëmaꞌ, piyapinëhuëpita pochin niꞌsaranquëmaꞌ. Canpitantaꞌ, casáchin chinotaramaco. Iporasoꞌ iquipitoroꞌsa chiníquën asacatatënquëma aparisitapirinënquëmahuëꞌ, ocoiaranquëmaꞌ. Ocoihuatënquëmaꞌ, Sinioroco ninahuësoꞌ nitotarama huachi. Iráca nani Apraan shaꞌhuitërahuë noꞌpaꞌ quëtaꞌhuasoꞌ. Isaco, Cacopo, inapitanta inachachin shaꞌhuitërahuë. Inaquë quëparahuatënquëma ina noꞌpa chachin ahuaꞌanëntaranquëmaꞌ. Caso Sinioroco, tënin,” itëquëꞌ, itërin.
9Yaꞌipi Yosëri shaꞌhuitërinsoꞌ Moisësëri israiroꞌsa shaꞌhuitërin. Inahuaso nipirinhuëꞌ, co napion ancantápatonaꞌ, co yanatëpihuëꞌ. 10Naporoꞌ Yosëri, Moisësë itaantapon:
11—Paantarahuaton, Iquipito copirno shaꞌhuitaantaquë israiroꞌsa aꞌpaꞌin, itërin.
12—Icotëmiachinco niꞌton, co israiroꞌsa tëranta natërinacohuëꞌ. Aquëtë huarëꞌ copirnosoꞌ, co natëponcohuëꞌ, itërin Moisësëri. 13Naporo Yosëri, Moisësë, Aaron, inapita camairin: “Israiroꞌsa shaꞌhuitocoꞌ: ‘Nani Yosë nanan quëtërincoi Iquipito quëran ocoicaꞌhuainquëmasoꞌ,’ itocoꞌ. Iquipito copirnontaꞌ, ina chachin shaꞌhuitocoꞌ,” itërin. 14-27(-)
Moisësë, Aaron, inapita Yosëri Iquipitoquë nontaantarinsoꞌ
28-29Iquipitoquë chachin Yosëri Moisësë nontaton itaantapon:
—Caso Yosëco niꞌto, camayaranquën: Paaton yaꞌipi shaꞌhuitaranquënsoꞌ, Iquipito copirno shaꞌhuitonquëꞌ, itërin.
30Moisësëso napoaponahuëꞌ:
—Caso Sinioro icotëmiachinco niꞌto, copirno co natëponcohuëꞌ, itërin.
Currently Selected:
Éxodo 6: cbt
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
