Sal 92
92
SAALM 92 (91)
Xb'ich li tiik xch'ool
1Saalm ut b'ich re li kutan sábado.
2Q'axal us b'anyoxink chawu, at Qaawa',
ut xb'ichankil laak'ab'a', at Nimajwal Yos;
3xpuktesinkil resil laachaab'ilal eq'la
ut xjultikankil li xtiikilal laach'ool rajlal q'oqyink,
4rik'in li aarp lajeeb' ru
ut rik'in xyaab' li loq'laj kitaar.
5At Qaawa', laa'at xak'ojob' linch'ool rik'in laab'aanuhom;
k'ajo' naq nasaho'k li waanm chi rilb'al chixjunil li xab'aanu.
6Makach'in xloq'al laak'anjel, at Qaawa',
k'ajo' xchamal naxik wi' laak'a'uxl!
7Li maak'a' xna'leb' ink'a' naxk'e reetal a'an
ut li jip aj winq ink'a' naru xtawb'al xyaalal.
8Us ta wanqeb' li ink'a' useb' xch'ool kama' li rax pim
ut te'k'ihanq li neke'b'aanunk maa'usilal,
ab'anan te'sache'q chi junajwa.
9Ka'ajwi' laa'at, at Qaawa', nakat-awab'ejink sa' choxa chi junelik.
10Eb' li xik' neke'ilok aawe te'sache'q ru,
ut eb' li neke'b'aanunk maa'usilal
te'cha'cha'iiq ruheb'.
11Ab'an laa'at xak'e inmetz'ew jo' xmetz'ew li toor,
xahoy li sununkil b'an sa' xb'een linjolom.
12Laa'in xwil naq sachsookeb' chik eb' li xik' neke'ilok we;
xwab'i naq yookeb' chi yaab'ak
eb' li xe'raj raj numtaak sa' inb'een.
13Li tiikeb' xch'ool neke'k'iik jo' li kala'
ut neke'nimank jo' li yaw wank aran Líbano:
14awb'ileb' chire rochoch li Qaawa',
neke'atz'umak chiru xneb'aalil rochoch li qaYos.
15Te'uuchinq ajwi' sa' xtiixilaleb',
toj kawaqeb' ut ninqaqeb' chi junelik.
16Te'xpuktesi resil naq tiik xch'ool li Qaawa':
a'an linsaqoonak ut maak'a' b'alaq'ik sa' xch'ool.
Currently Selected:
Sal 92: QQC
Highlight
Share
Compare
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
