1 Ts 4

Li yu'am li nawulak chiru li Yos

1Chirix chik a'in, ex qas qiitz'in, naqatz'aama naqelaji cheru sa' xk'ab'a' li Qaawa' Jesus naq chexwanq jo' nawulak chiru li Yos, jo' chanru tzolb'ilex wi' qab'aan. Ak yookex xb'aanunkil chi jo'kan, ab'anan q'axal wi' chik cheb'aanu.

2Laa'ex nekenaw leetaqlankil xqak'e eere sa' xk'ab'a' li Qaawa' Jesus. 3A'an a'in li rajom li Yos: naq chexwanq sa' santilal chi ink'a' tex'okenq chi ko'b'eetak yumb'eetak; 4li junjunq sa' eeyanq chixnaw wank rik'in li rixaqil#4,4 Wan ajwi' neke'yehok chi jo'ka'in: Li junjunq sa' eeyanq chixnaw xb'eresinkil li xtz'ejwal sa' santilal ut loq'al. sa' santilal ut loq'al, 5ut ink'a' k'amb'ilaq yal xb'aan ratawankil ru malaj xb'aan li yib' aj na'leb', jo' neke'xb'aanu eb' li junch'ol li ink'a' neke'xnaw ru li Yos. 6Maa'ani chimaakob'q chiru li ras riitz'in rik'in li na'leb' a'in chi moko chinumtaaq sa' xb'een, xb'aan naq li Yos aj eeqajunel re chixjunil a'in, jo' ak yeeb'il ut ch'olob'anb'il cheru qab'aan. 7Li Yos ink'a' xooxb'oq chi wank sa' tz'ajnij ib', sa' santilal b'an wanqo. 8Jo'kan naq li natz'eqtaanank re li chaq'rab' a'in, maawa' winq naxtz'eqtaana, a' b'an li Yos, li nak'ehok eere li xSantil Musiq'.

9Chirix li rahok ib' ink'a' na'ajmank ru naq tintz'iib'aq eerik'in xb'aan naq ak tzolb'ilex xb'aan li Yos chi xraab'al eerib' cherib'il eerib'. 10Ut a'an li yookex xb'aanunkil rik'in chixjunileb' laj paab'anel li wankatqeb' sa' xsutam chixjunil Macedonia. Ab'anan, ex qas qiitz'in, naqatz'aama cheru naq q'axal wi' chik chexrahoq. 11Yalyooq eeq'e chi wank sa' li tuqtuukilal; cheb'aanu li k'aru tento xb'aanunkil ut chexk'anjelaq rik'in eeruq'#4,11 Cf. 1 Ts 2,9; 2 Ts 3,6-12; Ef 4,28; Hch 18,3. jo' chanru chaq'rab'inb'ilex qab'aan, 12re naq chaab'ilaq leeyu'am chiruheb' li maawa'eb' kristiyan, ut maa'ani teech'i'ch'i'i.

Li xk'ulunik li Qaawa'

13Ex qas qiitz'in, ink'a' naqaj naq q'oqyinaq ru leena'leb' chirixeb' li kamenaq re naq ink'a' chiraho'q leech'ool jo'keb' li junch'ol li maak'a' neke'royb'eni. 14Ma ink'a' tab'i' naqapaab' naq li Jesus kikamk ut kiwakliik wi' chik chi yo'yo? Jo'kan naq li Yos tixk'ameb' rik'in li Jesus eb' li xe'kamk sa' xk'ab'a' A'an.

15A'in naqaye eere jo' raatin li Qaawa': laa'o li yo'yooqo, li wanqo toj reetal sa' xk'ulunik li Qaawa',#4,15 Laj Pablo naxk'oxla naq toj yo'yooq sa' li xnimal xk'ulunik li Jesus. moko laa'o ta xb'enwa li tooxoke'q chiruheb' li ak xe'kamk. 16A' ajwi' li Qaawa' taakub'eeq chaq sa' choxa sa' xq'ehil, naq jun li arkánjel taataqlanq rik'in xyaab' xkux ut taayaab'asiiq xtronpeet li Yos: toja' naq eb' li xe'kamk sa' xk'ab'a' li Kriist, xb'enwa te'wakliiq chaq chi yo'yo. 17Aka' chik laa'o li yo'yooqo, li toj wanqo, toosaapuuq sa'eb' li choql qochb'eeneb' a'an re xk'ulb'al li Qaawa' sa' iq'; ut chi jo'kan wanqo junelik rik'in li Qaawa'. 18Chek'ojob'aq b'i' eech'ool cherib'il eerib' rik'ineb' li aatin a'in.

Currently Selected:

1 Ts 4: QQC

Highlight

Copy

Compare