Jonás 3
3
Jonás nech'e iwoye Dios lhämet
1Lhawuk yachajo tä tahuyej Jonás tä yok:
2–Mäh hoye Nínive, hupuy tä wuj, wet wola silätayej wichi tä ihi häp m'ak tä olham ofwenla amho.
3Wet Jonás nech'e yik p'ante wet ihoye Nínive, mälhyej tä Lhawuk ne'tek iwoye. Nínive häpe p'ante hupuy tä wuj, tsajphä p'ante, w'awulhej õw'ekyaj fwalas tres. 4Wet Jonás tiyäjo hupuy, ilunche fwala weihalha wet iwo silätayej wichi tä yok:
–¡Chik ichäte cuarenta ifwalas, wet nofwila Nínive!
Nínive lheley iwo lehusey iyhäja
5Tä wichi p'ante ihi Nínive iläte Jonás lhämet, lhamel ichaye Dios. Wet lhamel lhaichuyhathen, wet tej chik häpe iyhäj tä len'ohyajay ihiche wok häp iyhäj tä w'et m'ayhayhas t'at, mat ilhokej lhamel hiw'uyhiche wesas tä yelaj tä letetnek tä yen tichunhayaja lakeyes tä iwoye.#Mat 12.41 6Tä Nínive laka niyat iläte, häte nephä, tälhpe leniyatyajw'et, wet ilanhi häp lew'uy tä niyat lew'uy wet hiw'uyhi wesaj tä yelaj, wet itayhiphä mok'otaj. 7Wet yenlhi lhämet tä ifwenho ilhokej wichi tä ihi Nínive tä yok:
“Olham tä ohäpe amel aka niyat, lhäy'e oniyatfwas, olhamel on'äyej amhohen chik letufway m'ak at chik häpe wok leyäyayej inät. Yej chunnhen aläy w'asetas lhäy'e tson'atas, wet yej yäynej inät lhamel. 8One'tek lew'uyayhi häp wesas tä yelaj tä häpe atetnek tä wuj tä lhenay atichunhayaja akeyes. Wet is chik let'änch'oye Dios ilhokej akhajyhayaj, wet elh weihalhapej iwo lehusek elha wet ileche m'ak tä ni'isa tä iwoye, lhäy'e laka'tshayaj. 9Elat Dios ileyej lewäkw wet iwo elha m'ak tä iwoye, häpkhilek newache lhawit'äy wet kamaj y'aläyhen.”
10Tä Dios hiw'en tä lhamel ileche lakeyes tä ni'isa, wet tek itiyejen lhamel häp letasnhayaj, mälhyej täjn'aj fwitaj iwoyeje lhamel.
Currently Selected:
Jonás 3: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.