Jonás 2
2
Jonás lhaip'altsene Dios wet tafwayej lewit'äy
1Tä ihi w'ahat lets'e, Jonás iwo let'alhyaja tä t'alhe Lhawuk tä häpe laka Dios. 2Wet yok:
“Tä owit'äy ihi, ot'än ame, Iwuk,
wet lechulh n'oho.
Ot'än ame tä oihi tseyhay lew'et lechowej,
wet lelät n'oye.
3Tsi lethatnaj n'oye häp awalak lechowej
tä lhäy'e lhip tä pitoj,
wet inät ilunlhi n'oyej,
iwo lhetheya wet inu n'o'pe.
4Ofwitaj lele n'oyej
wet nemhit letetshann'o.
Mat tej tä mälhyejtso thayej,
elat oyachajo chik oyahinpe
Haw'et tä Amajchet.
5Häp inät ilunlhi n'oyej
tä ochätho lechowej tä pitoj.
Hip'o n'o'pe yäk ichäte opänhi,
wet us lhaikäfwelhej olhetek.
6Ochäte chenhas lefwetes,
häp honhat tä tojchä.
Ofwitaj hip'o n'o'pe
yämlek tiyäj'attsiy.
Mat am, Iwuk Dios,
lefwayhat n'oyej ot'ilek.
7Tä nemhit okhajyhayaj ihi,
oläte tä ohusek yik och'oya,
wet nech'e ohusek ahilä, Iwuk.
Owo ot'alhyaja wet lelät n'oye
tä lhehi Haw'et tä Amajchet.
8Häp wichi tä ile amej
wet hich'ahuye dios lhayis tä kamatachehen,
isit'a m'ak tä iwoye.
9Mat olham ow'enla amho awayhat
tä tshäwet tä õ'län,
oaiwujyenla tä on'okwi amej.
Olhämet tä pajche ofwen amho,
owohiyela t'at.
¡Häp ofwayhyaj tälhe t'at Lhawuk!”
10Wet Lhawuk nech'e tahuyej p'ante häp w'ahat, wet inachajphä Jonás, wet ihänpe honhat tä tamchäy.
Currently Selected:
Jonás 2: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.