Hab 2
2
1Owak'alh tä ot'uye,
mälhyej hin'o tä ihi let'äsawet
tä iyahinche n'äyij.
Tek otekm'ahatlhi,
yämlek ohanej m'ak tä Lhawuk ifwen n'oho
lhäy'e chik ichulh n'oho häp m'ak tä olhak'ale.
Lhawuk ichulho Habacuc
2Häp Lhawuk ichulh n'oho tä yok:
“Lesayen häp m'ak tä opäynhila ame.
Tihi hal'ä lhip alesaynek,
yämlek kalelhäj chik iche elh tä iyahyen.
3Kamaj tek ichäte lewhäy tä lhayäm matche
m'ak tä opäynhila ame.
Mat ichäthiyela, nihihlä tanej chik pajlä,
tsi mathichela wet nämla.
4Lesayen täjna: Häp wichi tä ni'isahen
häpe iyhäj tä lhaichäjthä.
Mat wichi tä isen iläyhenla,
isiyeja lechayaj tä itiyej Dios.”#Rom 1.17; Gál 3.11; Heb 10.38
Häp lewit'äy ihihla wichi tä ni'isahen
5Häp hin'ol tä lhaichäjthä wet kantses,
ts'ilak len'ohyaj tä iwatlä,
wet y'isej lhip tä iwatlä len'ohyaj.
Ayhthatses lhamel,
hätet iwoye tseyekw'et,
wet naj lepesa m'ak tä iwatlä,
hätet iwoye õt'ilek.
Häp tä tumenej tä ichäj lhamehen
ilhokej wichi tä ihi honhatil
wet yen lhäytshaya.
6Mat ilhokhiyeja wichitso tä õ'kalhiche
tä lhamel iläkwlalhi iyhäj tä ikalhi,
wet iwohla lechosa tä yok:
“¡Äytajichela m'ak tä itay amehen
tä lehut amehen m'ak tä ka'alewuka!
¿Atsihila lewhäy tä leleyej tä leskon amehen
m'ayhay tä lesoyej wichi iyhäj?”
7Häp ichäthiyela lewhäy tä kanihiyahlä
tä nämhenla lhamel tä tujlha amehen.
Mat lhamel lhaikhajyenhenla
wet isohla amejen ilhokej m'ayhay,
häpkhilek wuj tä lenowaye.
8Häp ilhokhiyeja wichi tä imälhehiche
tä ihiche honhatil tä lhamel tefwayej lewit'äy,
lhamel lhaihutlawek tä itay ahilähen,
wet lhamel aisohlathä
mälhnhiyejat tä amel lesolhinaj lhamel.
Wet letiskanla'pe ilhokej wichi tä lelänhen,
lhäy'e ilhokej m'ak tä ni'isa tä lewoyeje
wichi iyhäj lhäy'e laka honhates.
9¡Äytajichela m'ak tä itay amehen
tä lehanej hat'etantes awukwey
tä lhäm isis wet toschephä
yämlek alefwayhtej awit'äy!
10Tä lewoynejetso m'ak tä lewoye,
wet häp tä len'äfwlhatlhi haw'et lheley.
Wet tä letäyhthen wujpe wichi
lhäy'e laka honhates,
amel t'at tä leton amehen awit'äy.
11Häp tä tumenej tä tuntey
tä lhenejthä aka hupuy,
lhäy'e hal'ä lhipey,
tä lhamel iwohla lechosa tä iti amejen ates.
12¡Äytajichela m'ak tä itay amehen
tä lhenlhi aka hupuy tä aisej
wichi lew'oyis tä letsäy
lhäy'e m'ak tä ni'isa tä lewoye!
13Häp olhamel Owuk Dios tä naj letumfwaya
lham tek iwohla haya achumyaj lhäy'e hat'elak.
Wet ilhokhiyeja m'ayhay tä wichi yen chumyaja,
lham iwunhiyeja tä ithathiyela itäj.
14Mat hätehlat iwoye awalak,
waj poyej tä ihi,
mälhnhiyejattso honhat poyejej wichi
tä itäfwelej Owuk Dios lhäy'e lewujyaj tä isi.
15¡Äytajichela m'ak tä itay amehen
tä letiyayej afwitseyaj wichi
tä ihiche honhates tä ¡i'awhäyehen!
Hätet iwoyek leyäynej lhamel hat'es,
wet tä w'oknhasej len'äfwlhatthä
wet lhen w'et m'ayeka.
16Tä mälhyejtso, nemla han'ohyaj ihi,
nech'e wujla han'äfwlhi tä i'amhiche.
Häp olhamel Owuk Dios
tä iyäyenla amejen ät tä häpe lewäkw
yämlek hin'äfwlhat amejen
wet hätehlat iwoyek ats'ilakchehen.
Nofwila t'at han'ohyaj,
nech'ehilak aw'et m'ayhay t'at.
17Tä amel lekänchi tayhi tä ihi Líbano
wet lhisthen hal'äy tä ihi,
wet mälhnhiyejattso tä õ'aikänchihla.
Wet tä amel lelänhen
tshätäy tä fwitses tä ihi,
wet mälhnhiyejattso tä nämla amehen
tshätäy tä fwitses wet aistunhenla.
Wet letiskanla'pe ilhokej wichi tä lelänhen,
lhäy'e ilhokej m'ak tä ni'isa tä lewoyeje
wichi iyhäj lhäy'e laka honhates.
18-19¡Äytajichela m'ak tä itaye
elh chik tahuyej lecheyä tä hal'ä
chik yok, “An'omhatlhi”,
wet tahuyej tunte tä nitahuya tä yok, “Nephä”!
¿Hät iwoye chik lhamel iwo lechufwenyaja?
¡Kha, iwohiyet'a, tsi tek iläyhen,
tanej chik õhp'oyejpe oro lhäy'e plata,
tsi lehusey ihihit'a!
¿Atsi m'ak tä hin'o isej tä yenlhi lecheyä?
Oyok, niwohit m'ak chik isej
tsi lakwey lhenek t'at,
wet ts'ilak tä iwetahat hin'o.
¿Wet atsi m'ak tä hin'o isej
tä itiyej lechayaj häp m'ak tä lhenek?
Oyok, niwohit m'ak chik isej,
tsi õcheyä iwohiyet'a chik tahuy.
20Mat olhamel Owuk Dios ihi Lew'et tä T'amajchet.
Is chik ilhokej wichi tä i'pe honhat
yok tem tä ihi tä lham itayche.#Sal 11.4
Currently Selected:
Hab 2: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.