Col 4
4
Häpet n'owuhuy
1Amel tä ahäpehen n'owuhuy, woyayeje akawos m'ak tä is lhäy'e tä is alhoho, tsi lehanej tä häte Awuk iche tä ipuleye.#Ef 5.22—6.9; 1~Ped 3.1,7
M'ak tä t'uhawetej chik nilhokej Dios leles iwoye
2Yej leyej tä lewopej alhyaja lhäy'e tä lewopej graciasayej Dios.#Ef 6.18-20; Fil 4.6 Tujlhache wet yej tekm'ahatwethä. 3Häte alhyenpej n'oyehen Dios yämlek ifwoyenlä Lesilätyaj tä oyen lhämeta Cristo. Häp Lesilätyajtso häpe lham leskalhek p'ante, mat athana hin'älit t'at, wet tä olham ohantejen wichi, häp tä tamenej tä õhp'o n'ohi. 4Alhyenn'o häpkhilek okalelhtho lhamel, mälhyej m'ak tä t'uhawetej chik owoye.
5Tetshan wet äm is m'ak tä lewoye tä lhehi tä wichi tä kachuhantses tatache, wet wo kotsayej lewhäytso.#Ef 5.15-16 6Chik lhämhoplhi wichi, äm isen ämtes, mälhyej olhäk chik othate nisoy. Wet is tä lehanej t'at m'ak chik lechulhejlä elhpej.
Pablo len'okhayajay tä lepes
7Häp lhapuhfwa Tíquico tä wuj tä y'ahumin, lham tä häpe och'otfwa tä afwtintsaj tä tach'otej n'oye Lhawuk lechumet, ihanthila amejen nilhokej m'ak tä in'oyej. 8Häp tä tamenej tä ochen amehen, häpkhilek ifwel amhohen wet lehanej olhamel wet häte aikhajyenhen.#Ef 6.21-22 9Elh tä yikche häpe Onésimo,#Film 10-12 aelh t'at wet äp lhapuhfwa tä afwtintsaj tä wuj tä y'ahumin. Lhamel ifwenla amhohen nilhokej m'ak tä ikana.
10Aristarco,#Ap.Lh 19.29; 27.2 lham tä otan'isfwa tä oihi n'op'onthi, ichen amehen len'okhayaj. Häte Marcos#Ap.Lh 12.12,25; 13.13; 15.37-39 tä Bernabé lewithok lhäs. Amel pajche lehanej m'ak tä one'tek lewoyayeje n'aelhna. Chik t'isiyakay amehen, chumlä. 11Häte lhapuhfwa Josué, tä äp õyen lheya Justo, ichen amehen len'okhayaj. Ihichet'a iyhäj Judío lhayis tä lhaip'ajtej Jesucristo wet tach'ot n'oye tä otch'ote Dios Niyatyaj, tajlhame t'at lhamelna. Wuj tä ikhajyen ohusek.
12Aelh Epafras,#Col 1.7; Film 23 häp Cristo Jesús lakawo, ichen amehen len'okhayaj. Lham wuj tä lhaikhajyenej tä y'alhyenpej amehen Dios, yämlek kaleyayej wet letujlhache wet alet'amkatej tä lewoye Dios lenech'ethayaj. 13Olham ow'en wet ofwel amhohen tä wuj m'ak tä iwoye yämlek amel aisej, lhäy'e Dios leles tä ihi hupuy iyhäj tä Laodicea lhäy'e Hierápolis.
14Lucas, médico tä olhamel ohumnek, lhäy'e Demas,#Film 24; 2~Tim 4.10-11 lhamel ichen amehen len'okhayaj.
15Fwenho on'okhayaj lhapuhfwas tä ihi Laodicea, häte Ninfa lhäy'e Dios leles tä lhaihuthipejwek lew'et.
16Chik amel leleyej tä leyahyen oka cartana, chenela Dios leles tä ihi Laodicea,#Apoc 3.14-22 häpkhilek häte lhamel yahyen. Häte amel is chik leyahyen oka carta chik tälhe lhamel chik ithat amehen.
17Fwenho olhämetna häp Arquipo, oyok, “En atichunhayaja tä lewoye nilhokej achumet tä Lhawuk yachaj ame tä ne'tek lewoye.”
18Olham Pablo olesayen olhämtes tä on'okhayajna tä ilepese. Enaypej atichunhayaja tä oihi n'op'onthi. Is chik Dios lep'altsenyaj i'amejen.
Currently Selected:
Col 4: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.