Col 2
2
1Wet häp tä ot'uhläk amel lehanej tä lhäy'e lhip tä olhaikhajyen atapehen, lhäy'e wichi tä ihi Laodicea,#Apoc 3.14-22 lhäy'e nilhokej wichi tä niw'ena o'pe wet nitäfwela n'oyej. 2Owoye täjtso häpkhilek nilhokej Dios leles lehusey isej wet takhajayhen, wet lhaip'ajtejwek lehumnhayaj, yämthilek isakanej mälhewek lehanyaj tä wuj tä laha ihi, wet äp ihanej m'ak tä Dios pajche nin'älita tä häpe lham Cristo. 3Tsi nilhokej n'ohanyaj lhäy'e n'otäfwnhayaj tä wuj tä laha ihi, häp tä ihi t'at Cristo. 4Ofwel amhohen täjtso häpkhilek newache elh che ikänitchehen lhämtes tä fwetaj ikan amejen. 5Tej tä n'am ne amejen, mat otichunhayaj i'amejen, wet okäjlhi tä oläte tä lewoyayepej m'ak tä t'uhawetej, lhäy'e tä kaleyayej tä let'ekhayaye Cristo.
Dios tapo amejen tä lep'akayej Cristo
6Wet häp tä oyok, Mälhyej tä letachumayhlä Cristo Jesús Lhawuk, is chik lenuyaykwe len'äyij. 7Wo afwettsilahi lham, wet achihelthen tä lhe'pe. At'untejiche achayaj, mälhyej tä pajche õ'chufwen amejen, wet äm wuj tä lew'enhopej aka gracias häp Lhawuk.
8Lhek tetshan, yej tach'anlhaye chik elh chik häpe chik fwetaj ahantsaj ikan amejen wet letichunhayajay tä najit lahaya ayen kwenkaya. Häp lehanyaj tä iyej tälhiyet'a Cristo, mat tälhe m'ak tä hin'ol yen lakeyesa tä tälhe letetsel, wet äp tälhe n'okhajyhayajay tä nin'äla tä iche.#Gál 4.3,9 9Tsi nilhok m'ak tä häpe Dios, imälhewek tä yen lew'eta Cristo tä hin'o, 10wet tapo amejen tsi lep'akayej Cristo tä niyatej nilhokej n'okhajyhayajaytso.
11Häte tä lep'akayej lham, itiyej kanhi anech'ethayajay lhäy'e akeyes tä ni'isachehen, wet m'ak tä iwoyetso inu'pe n'otetnek tä hin'ol lhenek tä Judío lhayis itiyej leles tä hin'ol. Tsi häpe lhamel t'isan lhip tä õyisit wet õ'wom, mat tä amel lewom akeyestso, häpe t'at ahusey tä isej.#Fil 3.3 12Tä lekatayej bautismo, hätet iwoyek õtjän hach'oyehen tä lep'akayej Cristo, wet äp hätet iwoyek õ'ainuhatphä tä letälho n'op'itseyhay tä lep'akayej lham tä inuphä.#Rom 6.4 Tsi lechaye t'at Dios lakhajyhayaj tä inuhatphä häp lham.
13Häp lewhäy tä pajche ahäpehen lep'itseyhay t'at tä lheyayhi hach'isukyajay, wet ahäpehen wichi tä nitäfwelayej Dios tä matche lhäy'e Ley p'ante tälhe Moisés. Mat athana Dios hiw'en amhohen haw'atshancheyaj tä lep'akayej Cristo,#Ef 2.1-5 häp lham tä itäyhat n'amejen nilhokej lhach'isukyajay. 14Dios itäyhat n'olesaynek tä yäme tä lhates ihihlä lham, wet itiyej kanhi tä lhaitumtejlä n'amel. Hätet iwoye tä ikäjejo clavos wet hip'ajtej häp cruz. 15Tä Cristo ihi cruz, ikalhi wet noj lakhajyhayaj tä iyej n'okhajyhayajay tä iche tä nin'äla. Wet hin'älit tä ikalhi t'at lhamel, häp tä yen w'et m'ayhaya tä ihi tä nilhokej wichi tatache.
16Tä mälhyejtso, isit'ak elh yen kalelhthayaja amejen häp m'ak tä letuj wok m'ak tä leyäyej, wet wujit'a tä lewujyen fwalas tä n'okäjyaj, wok fwala tä n'ot'elakw'et, wok häp tä wel'a nech'e n'äle.#Rom 14.1-6 17Oyok, nilhokej tähestso m'ak tä õ'toyenlä lehupel t'at, mat tä lhamya häpe t'at Cristo. 18Tä mälhyejtso, yej tach'anlhaye chik yäm amehen tä ates ihi lhamel tä fwetaj lhayene iyhäj tä lhay'ayhatchä, wet n'okwiyej ángeles, wet fwetaj hiw'en lew'enhay. Hin'oltso lhaichäjejwethä lhamel letichunhayajay, 19nemhit hip'akej Cristo tä häpe Dios leles lhetek. Cristo häp tä ichunhanhen leles wet hip'ajtitwek yämthilek elh tefwajpejni lhaichihelit, mälhyej m'ak tä Dios lenech'ethayaj.#Ef 1.22; 4.15-16
Enpej atichunhayaja m'ayhay tä ipuleye, häp m'ayhay tä isen tä iyej Dios
20Amel pajche let'inhen tä lep'akayej Cristo tä y'il, tsi nemhit lheyayhi n'okhajyhayajay tä nin'äla. Tä mälhyejtso, ¿chipte tä hätet iwoye chik kamaj ahäpehen t'at honhat leles tä letach'ahuyayepej n'olhämtes tä yok, 21“Yej tsok täja, yej tuj täjtsi, yej chuma täja”? 22N'olhämtesna yäme m'ayhay tä nit'una. Häpehen hin'ol lechufwenyajay t'at, wet tajlhame. 23Hätet iwoyek isen, häp tä inityen n'oyej chik on'okwiyej Dios, wet olhay'ayhatchä, wet owo leteläythayaja ot'isan. Mat oyok, Tähestso tumhit'ahlä häp onech'ethayajay tä ohin'ol.
Currently Selected:
Col 2: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.