Pakɔsje 8
8
Boo-ronduba lə Ala
1Pa lə Dabid gə́ ar bao-pa mba karee ɔs sə dee lé. D’ɔs gə kṵdu-ko̰déje gə́ ɓaree gitit.
2Njesigənea̰, Mbaidɔmbaije lə sí,
Maji kar rii ɓar mḭ dɔ naŋg nee gə loo mbidi-mbidi ya!
Boo-ronduba ləi aw saar tur dɔ dara.
3Ta gə́ teḛ ta ŋganje’g ləm,
Gə ta ŋganje gə́ nai ta mbà’g ləm tɔ lé
I tum ne gin siŋgamoŋ ləi keneŋ
Dum ne dɔ njéba̰je ləi
Mba tɔ ne ta njeba̰ ləi gə njedalba̰ lé ká#Mat 21.16.
4Loo gə́ m’aa loo gə́ dara gəl-gəl lé
M’oo kula gə́ i ra gə jii,
M’oo naḭ gə kéréméje gə́ i unda dee lé
5Am m’dəji ne rɔm m’pana:
See dəw to gə́ ɗi ɓa i ar məəi olé dəa’g bèe wa.
See ŋgon dəw lé to gə́ ɗi ɓa i tɔs kəmi bao-bao dəa’g bèe wa#Jɔb 7.17-18, Pak 144.3, Ǝbr 2.6-8.
6I undá aree nai lam bèe ndá a kas səi-i Ala ləm,
I ula dɔgugu rɔnduba gə riɓar dəa’g ləm tɔ.
7I aree dum dɔ nékundaje ləi gə́ i unda dee gə jii ləm,
I ɔm néje lai gin gɔlee’g ya#1Kɔr 15.27, Epe 1.22, Ǝbr 2.8 ,
8Ŋgan badje gə bɔ maŋgje
Gə daje gəmee wala’g ləm,
Gə yelje gə́ d’aw pə̰ dara’g ləm,
9Gə ka̰jije gə́ dan baa-boo-kad’g ləma,
Gə néje lai gə́ d’aw kəmba kəm-rəw-mán baa-boo-kad’g ləm tɔ.
10Ǝi, Njesigənea̰, Mbaidɔmbaije lə sí,
Maji kar rii ɓar mḭ dɔ naŋg nee gə loo mbidi-mbidi ya.
Currently Selected:
Pakɔsje 8: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
