Misee 2
2
Dɔmoŋ ko̰ɓee gə́ ra karee al dɔ loo lé
1Meeko̰ a koso dɔ deḛ gə́ la̰ji tor néra gə́ kori-kori meḛ dee’g
D’wa dɔ gɔlee jəb dɔ tira-to dee’g!
Loo gə́ loo àr yərərə ndá d’aw ra née
Loo gə́ d’ɔm siŋgamoŋ rəa lé ji dee’g tɔ.
2Deḛ ra kəmkəḭ dɔ ndɔje’g ndá
Deḛ taa dɔ buguru’g ləm,
Gə dɔ kəije’g ndá
D’odo néje gə́ keneŋ dɔ buguru’g ləm tɔ.
Deḛ ra né gə́ kərm-kərm gə dəw gə njemeekəije ləa ləm,
Buguree gə nénduba ləa na̰’d ləm tɔ.
3Gelee gə́ nee ɓa Njesigənea̰ pa ne togə́bè pana:
Aa ooje, neḛ n’la̰ji mee neḛ’g
Gə mba kar meeko̰ oso dɔ ginkoji dəwje’g neelé.
Seḭ a kasje kəm kɔrje gwɔs sí keneŋ el ləm,
Seḭ a kasje kəm kundaje dɔ sí tar keneŋ el ləm tɔ
Mbata ndəaje neelé a to ndɔ némeeko̰ ya.
4Mee ndəaje’g neelé d’a pata gə goso taji sí ne ləm,
D’a kɔr ndu dee gə́ tar wəl no̰ ne sii ne mbigi-mbigi ləm tɔ.
D’a pana: Jeḛ lai n’tujije pugudu ya!
Yeḛ kai né lə koso-dəwje lə neḛ ar njé gə́ raŋg!
Ɗi togə́bè wa. Yeḛ ɔr né neelé ji neḛ’g.
Yeḛ kai loo-ndɔje lə sí ar njeba̰ lé.
5Gelee gə́ nee ɓa dəw kára kara gə́
Mbuna koso-dəwje’g lə Njesigənea̰ lé
A kwɔji dɔ naŋg lé gə kúla el.
6Deḛ pana: A tegginta el.
Maji kam m’tegginta mwɔji ne dɔ néje gə́ bèe lé el!
Ta rɔkul gə́ m’pa lé a teḛ dɔ neḛje’g el!
7Seḭ ŋgaka Jakob,
See seḭ a paje ta gə́ togə́bè wa.
See Njesigənea̰ to njekḭ kalaŋ
Kar mée ḭ səa jugugu wa.
See yee gə́ bèe ɓa gə́ nérea wa.
See taje ləm lé maji lə dee to keneŋ
Mbata lə yeḛ gə́ njaa danasur el wa.
8Mee ndɔje gə́ kédé lé
Seḭ telje rɔ sí gə́ njéba̰je lə koso-dəwje lə neḛ bèe:
Seḭ ɔrje kubu gə́ boi yul gə́ dɔ maree’g
Rɔ deḛ gə́ d’ḭ loo-rɔ’g ree dəs gə meekulɔm lé.
9Seḭ tubaje denéje lə dəwje lə neḛ
Gə́ n’unda dee dan kəm neḛ’g mee kəije’g lə dee ləm,
Seḭ ɔrje rɔnduba lə neḛ
Gə́ to gə no̰ gə́ n’ula dɔ ŋgan deeje’g lé ləm tɔ.
10Ḭje tar awje!
Mbata loo neelé ɓa to gə́ loo-kwa-rɔ el.
Mbata mina̰ lə loo lé
Seḭ a kiŋgaje némeekonje keneŋ,
To némeekonje gə́ kədərə yaa̰ tɔ.
11Ɓó lé dəw aiŋgwɔd goo lel’g ləm,
Un kudu pa taŋgɔmje ləm tɔ pana:
Neḛ ndigi tegginta gə́ wɔji dɔ mán-nduú ləm,
Gə nékaije gə́ mḭ yaa̰ ləm tɔ!
Ndá koso-dəwje d’a koo debee neelé gə́ njetegginta ya.
12Ǝi Jakobje! M’a mbo̰ sí dɔ na̰’d gə gin sí lai ya.
M’a mbo̰ ges Israɛlje dɔ na̰’d
To gə́ mbo̰ ne badje loo-kaar dee’g bèe ləm,
To gə́ koso-nékulje loo-ko̰-mu’g lə dee bèe ləm tɔ,
Bèe ɓa ndu dəwje a ɓar wəl-wəl keneŋ.
13Yeḛ gə́ a kɔs kəm loo mbudu teḛ lé
A kaw no̰ dee’g.
D’a kɔs kəm loo mbudu ləm,
D’a dəs tarəwkɔg’d ləma,
D’a teḛ kaw ləm tɔ.
Mbai lə dee a njaa no̰ dee’g ləm,
Njesigənea̰ a to njekɔrno̰ dee ya ləm tɔ.
Currently Selected:
Misee 2: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.