Jujé 16
16
Dɔ naŋg gə́ ginkoji Eprayimje d’iŋga lé
1Dɔ naŋg gə́ ŋgalə Jisəb d’iŋga gə goo nékwɔji lée gə́ to asəna gə téḛ bèe lé un kudee baa gə́ Jurdɛ̰ mbɔr Jeriko’g par gə́ mán gə́ Jeriko par gə́ bər. Rəw-nimee un goo dɔdilaloo gə́ ḭ Jeriko saar teḛ Betel par gə́ kaar mbal’g tɔ. 2Yee ḭ Betel aw teḛ Luj ndá dəs par gə́ rəw-nim-ɓee’g lə Arkije par gə́ Atarot. 3Tɔɓəi yee rəm gə́ dɔ-gó par gə́ rəw-nim-ɓee’g lə Japetje saar rəw-nim-ɓee’g lə Bet-Oron gə́ to gel mbal gə́ bər aw saar teḛ Gejer mba kunda ŋgaŋgee ta baa-boo-kad’g tɔ. 4Lée’g neelé ɓa to dɔ naŋg gə́ Manasə gə Eprayim, ŋgaka Jisepje d’iŋga gə́ né ka̰ dee-deḛ lé.
5Aa ooje, rəw-nim-ɓee lə Eprayimje gə goo gel-bɔje lə dee lə dee ɓa nee: Rəw-nim-ɓee gə́ to né ka̰ dee-deḛ par gə́ bər lé ḭ Atarot-Adar saar teḛ Bet-Oron gə́ tar. 6Yee aw kəmee gə́ kédé par gə́ dɔ-gó mbɔr Mikmetat’d gə́ to gə́ dɔgel ləm, tel gə́ bər mbɔr Taanat-Siloe’g ləm tɔ ndá dəs par gə́ bər mbɔr Janoa’g tɔ. 7Yee ḭ Janoa aw Atarot gə Naarata saar tibi mbɔr Jeriko, tɔɓəi aw kəmee gə́ kédé saar teḛ baa gə́ Jurdɛ̰’g. 8Yee ḭ Tapua aw par gə́ dɔ-gó teḛ ne baa gə́ Kana gə mba kunda ŋgaŋgee ta baa-boo-kad’g. Yee ɓa to dɔ naŋg gə́ ginkoji Eprayimje d’iŋga gə́ né ka̰ dee-deḛ gə goo gel-bɔje lə dee lə dee lé tɔ. 9Eprayimje lé d’iŋga ɓee-booje gə́ d’unda kəm dee ɓəd pən dɔ naŋgje’d gə́ ka̰ Manasə tɔ, ɓee-booje neelé lai gə ɓee-kogoje lə dee ya. 10Deḛ tuba Kana̰je gə́ d’isi Gejer el ndá d’ar Kana̰je d’isi mbuna Eprayimje’g saar teḛ ne mee ndɔ gə́ ɓogənè, nɛ deḛ d’ar dee d’uga dɔ rɔ dee ɓa d’isi ne ɓəi#NR 1.29.
Currently Selected:
Jujé 16: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
