Jujé 12

Ri mbaije gə́ Israɛlje dum dɔ dee lé

1Aa ooje, ri mbaije gə́ Israɛlje dum dɔ dee ləm, gə taa ɓee lə dee gə́ to kel tura-baa gə́ Jurdɛ̰ gə́ nu loo kuba gə́ lə kàr, un kudee baa gə́ Arno̰ saar teḛ ne mbal gə́ Hermo̰, gə ndag-loo gə́ to par gə́ bər bura ləm tɔ lé ɓa nee#BI 21.21-35, TtG 2.26–3.11: 2Siho̰, mbai lə Amɔrje gə́ si Esbon. Yeḛ neelé o̰ ɓee un kudee Aroer gə́ to ta baa’d gə́ Arno̰ ləm, un kudee loo gə́ dana bab lə baa neelé par gə́ dəb loo’d gə́ Galaad, saar teḛ ne baa gə́ Jabok gə́ to rəw-nim-ɓee’d lə Amo̰je ləm tɔ, 3mee ndag-loo’g saar teḛ baa-boo-kad gə́ Kineret par gə́ bər ləm, saar teḛ baa-boo-kad gə́ to ndag-loo’d gə́ to baa-boo-kad gə́ ria lə Baa-Kad par gə́ bər mbɔr Bet-Jesimot’g ləm tɔ, tɔɓəi loo gə́ par gə́ dɔkɔl mbɔr mbal’d gə́ Pisga tɔ. 4Ɔg, mbai gə́ Basan, yeḛ gə́ nai gə karee ba mbuna Repayimje’g ləm, yeḛ si Astarot gə Edrei ləm tɔ. 5Yeḛ o̰ ɓee un kudee dɔ mbal gə́ Hermo̰ ləm, gə Salka ləm, gə Basan’g lai saar teḛ ne rəw-nim-ɓee’g lə Gesurje gə Maakatje ləma, gə dəb loo gə́ Galaad gə́ to rəw-nim-ɓee’g lə Siho̰, mbai gə́ Esbon ləm tɔ. 6Moyis, kura lə Njesigənea̰ lé deḛ gə Israɛlje dum dɔ dee ya, ndá ɓeeje lə dee neelé, Moyis gə́ to kura lə Njesigənea̰ lé wa ar ginkoji Rubḛje, gə Gadje, gə ges ginkoji Manasə gə́ né ka̰ dee-deḛ ya#BI 32.33, TtG 3.12.

7Ri mbaije gə́ Juje gə Israɛlje dum dɔ dee kel tura-baa gə́ Jurdɛ̰ gə́ to par gə́ dɔ-gó, un kudee Baal-Gad gə́ to mee wəl-loo’d gə́ Liba̰ saar teḛ ne kaar mbal’d gə́ né uba keneŋ el gə́ ḭ par gə́ Seir lé ɓa nee: Ɓeeje lə dee lé Juje ar Israɛlje gə́ né ka̰ dee-deḛ, ar nana kara iŋga yee gə́ wɔji dəa-dəa 8kaar mbal’g ləm, mee wəl-loo’g ləm, ndag-loo’g ləma, dɔdərlooje’g ləm tɔ, ɓee lə Hetje ləm, gə Amɔrje ləm, gə Kana̰je ləm, gə Peresje ləm, gə Hebje ləma, gə Yebusje ləm tɔ. 9Mbaije gə́ deḛ dum dɔ dee lé to deḛ gə́ d’isi mee ɓee-boo gə́ Jeriko ləm, gə ɓee-boo gə́ Ai gə́ to mbɔr Betel’g ləm, 10ɓee-boo gə́ Jerusalem ləm, gə ɓee-boo gə́ Ebro̰ ləm, 11gə ɓee-boo gə́ Jarmut ləm, gə ɓee-boo gə́ Lakis ləm, 12gə ɓee-boo gə́ Eglon ləm, gə ɓee-boo gə́ Gejer ləm, 13gə ɓee-boo gə́ Dəbir ləm, gə ɓee-boo gə́ Geder ləm, 14gə ɓee-boo gə́ Ɔrma ləm, gə ɓee-boo gə́ Arad ləm, 15gə ɓee-boo gə́ Libna ləm, gə ɓee-boo gə́ Adulam ləm, 16gə ɓee-boo gə́ Makéda ləm, gə ɓee-boo gə́ Betel ləm, 17gə ɓee-boo gə́ Tapua ləm, gə ɓee-boo gə́ Eper ləm, 18gə ɓee-boo gə́ Apek ləm, gə ɓee-boo gə́ Saron ləm, 19gə ɓee-boo gə́ Madon ləm, gə ɓee-boo gə́ Asɔr ləm, 20gə ɓee-boo gə́ Simron-Meron ləm, gə ɓee-boo gə́ Aksap ləm, 21gə ɓee-boo gə́ Taanak ləm, gə ɓee-boo gə́ Megido ləm, 22gə ɓee-boo gə́ Kedes ləm, gə ɓee-boo gə́ Jokneam gə́ to Karmel ləm, 23gə ɓee-boo gə́ Dor gə́ to dɔdərlooje gə́ Dor ləm, gə ɓee-boo gə́ Gojim gə́ to mbɔr Gilgal’g ləma, 24gə ɓee-boo gə́ Tirsa ləm tɔ. Bula lə deḛ lai lé d’as mbaije rɔ-munda-gir-dee-kára.

Currently Selected:

Jujé 12: SBA2015

Highlight

Copy

Compare