Junas 4
4
1Né neelé taa kəm Junas el ya saar ndá ar oŋg ḭ səa pu. 2Yeḛ ra tamaji ta Njesigənea̰’g no̰ ne təa’g pana: Ǝi Njesigənea̰, see ta neelé to ta gə́ ma m’pa loo gə́ ma m’nai ne ɓee-sim’g ɓəi el wa. Gelee gə́ nee ɓa ma m’ḭ ne kalaŋ gə mba kaḭ kaw ne Tarsis gə mbəa. Mbata ma m’gər gao to gə́ i to Ala gə́ njekookəmto̰doo ləm, gə njemeekɔrjol ləm tɔ. I lé oŋg ḭ səi kalaŋ el ləm, i to bao-meemaji ləm tɔ ɓa i ar takə̰ji ləi gə́ wɔji dɔ néraje gə́ majel lé yɔr ne. 3Ɓasinè lé aa oo Njesigənea̰, m’ra ndòo rɔi’g kari am m’wəi mbata ma lé kwəi ɓa ma m’ndigi yaa̰ unda kisi kəmba ya .
4Njesigənea̰ dəjee pana: Oŋg ra ləi lé see to né gə́ maji ya wa.
5Ndá Junas unda loo mee ɓee-boo’g neelé teḛ aw si gir ɓee-boo’g par gə́ kel bər bèe. Yeḛ ra kəi-surum sí ndilee’g saar gə mba koo ne né gə́ a gə teḛ dɔ ɓee-boo’g neelé ya tɔ. 6Njesigənea̰ Ala ar roŋ uba ḭ ra ndil dɔ Junas’g mba karee si ndilee’g ləm, gə mba kɔr ne meeko̰ mée’g ləm tɔ. Junas ra rɔlel yaa̰ mbata lə roŋ neelé tɔ. 7Nɛ bèlè lookàree teḛ gə ndɔ rad lé Ala ar kuru kára ree sɔ ŋgira roŋ neelé aree ndòlé. 8Loo gə́ kàr uba mba̰ ndá Ala ar lel gə́ nuŋga pid-pid ḭ bər ula ləm, ar kàr kara nuŋga dɔ Junas’g ləm tɔ ndá yeḛ guru naŋg rug. Yeḛ ndiŋga rəa gə yoo pana: Ma lé kwəi ɓa ma m’ndigi yaa̰ unda kisi kəmba tɔ.
9Ala dəji Junas pana: See oŋg gə́ i ra wɔji ne dɔ roŋ neelé i oo gə́ né gə́ maji ya wa.
Yeḛ tel ilá keneŋ pana: Oŋg gə́ m’ra lé m’ra gə goo rəbee ya saar a kas yoom.
10Njesigənea̰ pana: I lé oo kəmtondoo lə roŋ neelé gə́ i ra kula mbata ləa el ləm, i ɓa aree tɔg el ləm tɔ. To né gə́ uba mee til gə́ kára ba ya ləm, gə wəi mee til gə́ kára ba ya ləm tɔ. 11Ŋga ma lé see m’a koo kəmtondoo lə Ninibə, ɓee-boo gə́ neelé el wa. Mbata koso-dəwje gə́ d’isi keneŋ lé d’a dum tɔl-dɔg-loo-tɔl gə dɔ dee rɔ-joo (120.000) gə́ gər dɔ jikɔl dee əsé dɔ jigel dee el ləm, nékulje gə́ keneŋ kara dum tura ləm tɔ.
Currently Selected:
Junas 4: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.