Junas 3
3
Junas ila mber mee ɓee-boo gə́ Ninibə
1Njesigənea̰ ula Junas ta gə́ njekɔm’g gɔl joo pana: 2Ḭta, aw Ninibə, ɓee-boo gə́ neelé ndá ula dee taje gə́ ma m’un ne ndum m’ari lé ya.
3Yen ŋga Junas ḭta aw Ninibə gə goo ta gə́ Njesigənea̰ pa lé. Ninibə lé to ɓee-boo gə́ boi yaa̰, dəw askəm njaa keneŋ ndɔ munda ɓa a teḛ ŋgaŋgee’g ɓəi. 4Junas aw mee ɓee-boo’g neelé njaa keneŋ as ndɔ kára ndá yeḛ ɔr ndia gə́ tar wəl ula dee pana: Nai ndɔ rɔ-sɔ ba gə mba kar Ninibə tuji pugudu ya . 5Koso-dəwje gə́ Ninibə lé d’ɔm meḛ dee dɔ Ala’g lé ndá deḛ d’ila mber ta kɔg meḛ dee ɓoo ləm, deḛ d’ula kubu-kwa-ndòo rɔ dee’g ləm tɔ, un kudee dɔ dəwje gə́ tɔg’d saar teḛ ne dɔ ŋganje gə́ gɔ gɔ’g tɔ. 6Ta neelé aw saar oso mbi mbai gə́ Ninibə’g pad ndá yeḛ ḭ dɔ kalimbai’g ləa, ɔr kubu ləa gə́ boi yul lé rəa’g ya̰ ula kubu-kwa-ndòo rəa’g rəm si ne dan bu’g gə kəmndoo. 7Yeḛ ar dee d’ila mber gə torndu mbai ləm, gə ka̰ ŋgatɔgje ləa ləm tɔ pana: Maji kar dəw əsé nékul gə́ to gə́ maŋg əsé badə kara d’a to̰ né ta dee’g njagm el ləm, d’a kya̰ dee kar dee d’usɔ né el ləma, d’a kai mán el ləm tɔ. 8Nɛ maji kar dee d’ula kubu-kwa-ndòo rɔ dee’g, dəwje ləm, gə daje ləm tɔ kar dee d’ɔr ndu dee gə́ tar wəl no̰ ne gə kaar gəd rɔ Ala’g lé. Maji kar dəwje kára-kára lai lé d’uba goo néra deeje gə́ majel ləm, gə goo néra gə́ kərm-kərm gə́ ji dee ɓa ra lé ləm tɔ d’ya̰. 9See na̰ ɓa gər wa. Banelə Ala a tel gə ndia kar goo takə̰ji ləa yɔr ləm, a kuba oŋg ləa kya̰ lal kar sí n’tujije ne ləm tɔ.
10Ala oo to gə́ deḛ ra togə́bè ləm, deḛ tel d’ya̰ goo rəw néra gə́ majel lə dee ləm tɔ. Togə́bè ɓa Ala tel ne gə ndia ar goo takə̰ji gə́ wɔji dɔ né gə́ majel gə́ yeḛ wɔji-kwɔji ra sə dee lé yɔr ne ləm, yeḛ ra ne née el ləm tɔ.
Currently Selected:
Junas 3: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.