Jɔb 9
9
Ta kila’g lə Jɔb
1Jɔb un ta pa pana:
2Ma m’gər gao to togə́bè ya,
See dəw a to njera nédanasur no̰ Ala’g lé to gə́ ban wa#Jɔb 4.17.
3Ɓó lé yeḛ gə́ ndigi maḭ səa ta
Dɔ néje’g tɔl-dɔg (1.000) ndá
Yeḛ a kaskəm kilá keneŋ dɔ né kára ya kara gə el.
4Kəmkàr gə siŋgamoŋ to kea̰-yeḛ nja doŋgɔ,
See na̰ ɓa a kɔsee rəw lal kar ta wa dəa wa.
5Yeḛ ŋgəs gə mbalje gə́ raŋg lal kar dee gər ləm,
Yeḛ ɓugu dee naŋg gə oŋg ləa ləm tɔ.
6Yeḛ yə naŋg ɓugu-ɓugu loo siŋgamoŋ’d ləa
Ar gaji-gədeeje d’ula déréré-dèrèrè.
7Yeḛ ɔg kàr loo teḛ ndá y ee teḛ el ləm,
Yeḛ udu ta kéréméje ɔg dee ne loo ndogo ləm tɔ.
8Yeḛ nja gə karee ba naji dara ləm,
Yeḛ dum dɔ mán baa-boo-kadje’g ləm tɔ.
9Yeḛ nja unda kéréméje gə́ ɓar dee Ŋgawgel gə Bisi-tɔb-talje gə Ŋgama̰dje gə́ siri ləm,
Gə kéréméje gə́ par gə́ dɔkɔl ləm tɔ#Jɔb 38.31, Amɔ 5.8.
10Yeḛ ra néje gə́ boo-boo gə́ dəw askəm gər el ləm,
Yeḛ ra némɔrije gə́ dum tura ləm tɔ.
11Aa oo, yeḛ dəs mbɔrm’g dəb nɛ ma m’ée el ləm,
Yeḛ aw mba̰ kara m’gər el ləm tɔ.
12Ɓó lé yeḛ wa né ndá see na̰ a kɔgee dɔ’g wa.
Na ɓa a dəjee pana: See ɗi ɓa aw ra bèe ɓəi wa.
13Ala ar goo oŋg ləa yɔr el,
Négəd rɔ lə njébeeleje lé yeḛ tuji pugudu nea̰’g.
14Nɛ ma lé see ta ɗi ɓa m’a kilá keneŋ wa.
See ta gə́ ban ɓa m’a kḛji pa wa.
15Lé m’to njera nédana ya kara m’a kilá ta’g el,
Nɛ njegaŋ-rəwta ləm ɓa m’a ra ndòo rəa’g ya.
16Ɓó lé ma m’ɓaree m’aree ilam keneŋ kara
M’a koo to gə́ yeḛ tuga mbia dɔ ta’g ləm sur el.
17Mbata yeḛ gə́ rədm dan lel-boo’g ləm,
Ar dooje to rɔm’g mbərərə lal né gə́ bèe ləm,
18Yeḛ ya̰’m am m’taa kəmə el ləma,
Yeḛ ar meekad ɓa taa məəm pəl-pəl ləm tɔ.
19See maskəm pata gə siŋgam wa. Yeḛ lé to njesiŋgamoŋ ya.
See m’a kaw səa loo-gaŋg-rəwta’g wa.
Ŋga see na̰ ɓa a ɓarm kam m’aar nea̰’g wa.
20Lé m’to njera né gə́ gə dɔ najee kara tam a kila ta dɔm’g ya,
Lé ta wa dɔm el kara yeḛ a koom gə́ dəw gə́ ta wa dəa ya tɔ.
21See ta wa dɔm el wa. Ta wa dɔm el ya.
Ma m’ə̰ji si kəmba ləm bəḭ-bəḭ.
22Néje lai asəna. Yee ɓa m’pa ne m’pana:
Dəw gə́ ta wa dəa el lé yeḛ tujee to gə́ tuji ne dəw gə́ ta wa dəa bèe ya tɔ.
23Ɓó lé tuji-boo ar yoo teḛ kalaŋ ndá yee ɓa maji!
Nɛ néje gə́ naa dee gə́ ta wa dɔ dee el lé yeḛ kogo dee ne gə́ kogo.
24Dɔ naŋg lé d’ya̰ meḛ ji njémeeyerje’g,
Ala ar kəm njégaŋ-rəwtaje libi dɔ’g.
Ɓó lé to yeḛ el ŋga see na̰ ɓəi wa.
25Ndɔje ləm dəs kalaŋ unda njerɔkwɔilɔ,
Deḛ d’aiŋgwɔd lal koo majee.
26Deḛ dəs péd asəna gə toje gə́ d’ɔs dee gə ŋgawlal bèe ləm,
Asəna gə niŋgatə̰də gə́ dəb dɔ nékwa’g ləa gə siŋga bèe ləm tɔ.
27Ɓó lé ma m’pana: M’a kar məəm wəi dɔ némeeko̰’g ləm ləm,
M’a kya̰ goo kəmtondoo ləm ləma, m’a tel kwa rɔm kɔgərɔ ləm tɔ ndá
28Némeeko̰je ləm lai d’ar ɓəl undam badə gaŋgm.
Ma m’gər gao i a koom gə́ dəw gə́ ta wa dəa el lé nda̰ el.
29D’a koom gə́ dəw gə́ ta wa dəa ya.
See gelee gə́ ɗi ɓa m’a jɔg ne rɔm kari ba ɓəi wa.
30Lé m’ndogo mán kɔji
Esé m’togo jim gə ya̰-kià maree àr ŋgad-ŋgad kara
31I a kɔsm kilam dan bwa-bɔrɔ’g
Ndá kubuje ləm d’a kḛjim bəḭ-bəḭ.
32Ala to dəw to gə́ ma bèe ɓa gə mba karm m’ilá ta’g el ləm,
Gə mba kar síjeḛ səa j’aw na̰’d loo-gaŋg-rəwta’g el ləm tɔ.
33Dəw gə́ to njekaar dan sí’g
Gə́ ila jia dɔ sí’g joo bɔr lé godo.
34Maji kar Ala un kag-tɔs ləa dɔm’d gə́ gogo ləm,
Maji karee ar néɓəlje ləa d’am m’ndəb pəd-pəd el ŋga ləm tɔ.
35Yen ɓa m’a pata karee lal ɓəlee,
Mbata ɓó lé bèe el ndá m’oo rɔm gə́ rɔm el ŋga.
Currently Selected:
Jɔb 9: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
