2 Sôrta Gḭka Israɛlje 16
16
Asa rɔ gə Baeska gə́ to mbai gə́ Israɛl lé
1Mb 15.16-22
1Ləb ko̰ɓee lə Asa gə́ njekɔm’g rɔ-munda-giree-misa̰ lé Baesa, mbai gə́ Israɛl aw rɔ gə Judaje, ndá yeḛ tum gin ɓee gə́ Rama mba kɔg ne njé’g lə Asa, mbai gə́ Juda loo teḛ raga ləm, gə loo tel kəi ləm tɔ. 2Asa teḛ gə larnda gə larlɔr gə́ to mbuna nébaoje’g mee kəi’g lə Njesigənea̰ ləm, gə mee kəi’g lə mbai ləm tɔ ndá yeḛ ar kuraje ləa d’aw ne rɔ Ben-Adad, mbai gə́ Siri’d gə́ si Damas gə mba kulá pana: 3Maji kar sí manje rɔ sí j’arje na̰ to gə́ bɔm deḛ gə bɔbije man ne rɔ dee d’ar na̰ bèe tɔ. Aa oo, m’ula gə larnda gə larlɔr nee m’ari. Maji kari aw tuji ta manrɔ lə sí-seḭ gə Baesa, mbai gə́ Israɛl mba karee ɔr rəa rɔm’d gə́ gogo. 4Ben-Adad oo ta lə mbai Asa lé ndá yeḛ ula njérɔje ləa gə mba kar dee d’aw rɔ gə njé gə́ mee ɓee-booje gə́ Israɛl ndá deḛ dum dɔ Ijo̰, gə Dan, gə Abel-Mayim, gə kəi-ŋgəm-néje lai gə́ to mee ɓee-booje gə́ Neptali tɔ. 5Loo gə́ Baesa oo taree ndá yeḛ əw rəa kila ndògo-bɔrɔ gugu ne dɔ ɓee gə́ Rama ndá yeḛ ya̰ goo kulaje ləa lé. 6Mbai Asa ɓar Judaje lai, ar dee d’odo mbalje, gə kagje gə́ Baesa wa dɔ gɔlee mba kunda ne Rama lé, bèe ɓa Asa ila ndògo-bɔrɔ gugu ne dɔ ɓeeje gə́ Geba gə Mispa tɔ.
Hanani gə́ to njetegginta lé ula Asa ta
7Mee ndəa’g neelé Hanani, njekoota-mee-Ala’g aw rɔ Asa, mbai gə́ Juda’g ulá pana: Mbata i nam kaar mbai gə́ Siri’g ɓa ɓó i nam kaar Njesigənea̰, Ala’g lé ləi el ndá gelee gə́ nee ɓa njérɔje lə mbai gə́ Siri teḛ ne jii’g d’aḭ ne gə mbəa. 8Kédé lé see Etiopije gə Libije d’ɔm na̰’d tel to boo-njérɔje gə́ d’aw gə pusu-rɔje gə njérɔ gə kundaje gə́ bula digi-digi el wa. Nɛ lé bèe kara Njesigənea̰ ya̰ dee jii’g mbata i nam kaaree’g ya. 9Mbata kəm Njesigənea̰ lé un naŋg nee lad ya mba gəd deḛ gə́ d’ya̰ meḛ dee bura d’aree. Nɛ i ra némbə ndá un gelee ɓasinè lé i a si dan rɔ’g tɔ.
10Mee Asa ḭ səa pu dɔ njekoota-mee-Ala’g ndá yeḛ wá ilá daŋgai’g mbata mée ea̰ dəa’g. Tɔɓəi mee ndəaje gən ya Asa ula kəm dəwje gə́ na̰je ndòo yaa̰ tɔ.
Rudu ko̰ɓee lə Asa
1Mb 15.23-24
11Sorta néraje lə Asa gə́ dɔtar gə njé gə́ rudu lé ndaŋg taree mee maktub’g lə mbaije gə́ Juda gə Israɛl ya. 12Ləb ko̰ɓee ləa gə́ njekɔm’g rɔ-munda-giree-jinaikara lé Asa oso gə rɔko̰ gɔleeje’g ar rəa ndiri njigi-njigi, nɛ lé yeḛ si gə rɔko̰ togə́bè kara yeḛ ndolè goo Njesigənea̰ el, nɛ njékuma̰je ɓa yeḛ saŋg goo dee tɔ. 13Asa wəi mee ləb ko̰ɓee’g ləa gə́ njekɔm’g rɔ-sɔ-giree-kára. 14Deḛ dubee mee dɔɓar gə́ yeḛ nja uru kédé mee ɓee-boo’g lə Dabid. D’ilá dɔ tira gə́ podé néje ɓəd-ɓəd gə́ ə̰də sululu keneŋ gə goo gosɔkəmkàr lə njepodé néje gə́ ə̰də sululu lé, tɔɓəi deḛ tuu boo-néje neelé d’ula ne rɔnduba dəa’g tɔ.
Currently Selected:
2 Sôrta Gḭka Israɛlje 16: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
