2 Sôrta Gḭka Israɛlje 11
11
Roboam to mbai gə́ Juda
1Loo gə́ Roboam ree Jerusalem mba̰ ndá yeḛ mbo̰ gel-bɔje lə Judaje gə Bḛjamije gə́ to gə́ bao-rɔje as tɔl-dɔg-loo-tɔl gə dɔ dee rɔ-jinaijoo (180.000) mba kar dee rɔ gə Israɛlje mba kar dee tel d’isi gel ɓeeko̰’g ləa. 2Nɛ Njesigənea̰ ula Semaeja, dəw lə Ala ta togə́bè pana: 3Maji kari ula Roboam, ŋgolə Salomo̰, mbai gə́ Juda ləm, gə Israɛlje lai gə́ to Judaje, gə Bḛjamije ləm tɔ pana: 4Njesigənea̰ pa togə́bè pana: Ǝwje rɔ sí kaw rɔje gə ŋgako̰ síje lé. Maji kar nana kara tel aw mee kəi’g ləa mbata to ma nja ɓa m’ar néje neelé teḛ ya.
Deḛ d’ila ŋgonkoji dɔ tapa Njesigənea̰’g ndá deḛ tel d’aw ɓée lal kɔr rɔ kaw rɔ gə Jeroboam lé tɔ.
5Roboam si Jerusalem ndá yeḛ ra ɓee-booje ila ndògo-bɔrɔje gugu ne dɔ dee mee ɓee gə́ Juda. 6Yeḛ ila ndògo-bɔrɔ gugu ne dɔ Betlehem, gə Etam, gə Tekoa, 7gə Bet-Sur, gə Soko, gə Adulam, 8gə Gat, gə Maresa, gə Jip, 9gə Adorayim, gə Lakis, gə Aseka, 10gə Sorea, gə Ajalo̰ gə Ebro̰, gə́ to dɔ naŋg gə́ ka̰ Judaje gə Bḛjamije, yee ɓa yeḛ ar siŋga ɓee-booje neelé to ne tɔ. 11Yeḛ ar dee to kɔgərɔ-kɔgərɔ ləm, yeḛ unda njékaa dɔ looje keneŋ ləma, gə kəi ŋgəm nésɔje gə ubu gə mán-nduú keneŋ ləm tɔ. 12Ɓee-booje nee kára-kára lai lé yeḛ ɔm dərje gə ko̰ niŋgaje keneŋ, tɔɓəi yeḛ ar siŋga ɓeeje neelé to kɔgərɔ-kɔgərɔ. Judaje gə Bḛjamije ɓa nai gelee’g.
Njékinjanéməsje gə Ləbije d’ɔm na̰’d gə Roboam
13Njékinjanéməsje gə Ləbije gə́ d’isi mee ɓee gə́ Israɛl’g lai lé d’ya̰ loo-si dee d’aw d’iŋgá, 14mbata Ləbije d’uba ŋgaŋ looje lə dee gə dɔ naŋgje lə dee d’ya̰ d’aw Juda ləm, gə Jerusalem ləm tɔ mbata Jeroboam deḛ gə ŋganeeje d’ɔg dee loo ra kula lə dee gə́ wɔji dɔ njékinjanéməsje lə Njesigənea̰ lé. 15Jeroboam unda njékinjanéməsje mbata lə dɔ looje gə́ ndəw ləm, gə mbata néndaji bàl bya̰je, gə ŋgan maŋgje gə́ yeḛ ra dee lé ləm tɔ#1Mb 13.31. 16Deḛ lai gə́ mbuna ginkoji’g lə Israɛlje gə́ ndiŋga rɔ dee gə mba kwa Njesigənea̰, Ala lə Israɛlje meḛ dee’g lé d’aw goo Ləbije’g Jerusalem gə mba kinja nékinjanéməsje kar Njesigənea̰ Ala lə bɔ deeje-je. 17Togə́bè ɓa deḛ d’ar siŋga ɓeeko̰ gə́ Juda to ne ləm, d’ar siŋgamoŋ ko̰ɓee lə Roboam, ŋgolə Salomo̰ to ne njaŋg ləm tɔ as ləb munda, mbata deḛ njaa gə goo rəw lə Dabid, gə Salomo̰ as ləb dee munda tɔ.
Njémeekəije lə Roboam
18Roboam taa Mahalat, ŋgolə Jerimot gə́ to ŋgolə Dabid gə́ kea̰je ria lə Abikayil, ŋgolə Eliab gə́ to ŋgolə Isai lé gə́ dené ləa. 19Ŋganje gə́ diŋgam gə́ yeḛ oji dee səa ɓa nee: Jus, gə Semaria, gə Jaham. 20Gée yeḛ’g ndá yeḛ tel taa Maaka, ŋgolə Absalɔm. Yeḛ oji səa Abija, gə Atai, gə Jija gə Selomit. 21Roboam unda Maaka, ŋgolə Absalɔm dan kəmee’g unda denéje ləa, gə gamla-denéje ləa lai, mbata denéje ləa lai d’as dɔg-gir-dee-jinaijoo ləm, gə gamla-denéje ləa d’as rɔ-misa̰ ləm tɔ ndá yeḛ oji ne ŋganje gə́ diŋgam rɔ-joo-gir-dee-jinaijoo ləm, gə ŋganje gə́ dené rɔ-misa̰ ləm tɔ. 22Roboam ɔr Abija, ŋgolə Maaka undá gə́ mbai mbuna ŋgakea̰je’g mbata yeḛ ndigi kundá gə́ mbai tɔ. 23Yeḛ ra goso sané ne ŋganeeje lai dɔ naŋgje’g lai gə́ Juda gə Bḛjami, mee ɓee-booje gə́ siŋga dee to’g, yeḛ ar dee nésɔje yaa̰ ləm, yeḛ ar dee taa denéje bula yaa̰ ləm tɔ.
Currently Selected:
2 Sôrta Gḭka Israɛlje 11: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
