1 Sôrta Gḭka-Israɛlje 5
5
Ŋgaka Rubḛ gə Gad gə Manasə
1Ŋgalə Rubḛ, yeḛ gə́ to ŋgondər Israɛl lé. Mbata yeḛ to ŋgondəree ya, nɛ loo gə́ yeḛ ula sul dɔ tira-to bɔbeeje’g lé ndá né ləa gə́ wɔji dɔ ŋgondər lé d’ar ŋgalə Jisəb gə́ to ŋgolə Israɛl lé ɓa, bèe ɓa deḛ ndaŋg ria loo ndaŋg ri ginkojije’g asəna gə ŋgondər el#Gn 35.22, 49.3-4. 2Mbata tɔgərɔ ya, Juda lé to njesiŋgamoŋ gə́ ur dɔ ŋgakea̰je’g lai ya tɔɓəi ginee-yeḛ ɓa mbai gə́ boi lé ḭ keneŋ tɔ, nɛ né gə́ wɔji dɔ ŋgondər ndá Jisəb ɓa d’aree tɔ#Gn 49.8-10. 3Ri ŋgalə Rubḛ, ŋgondər Israɛl lé ɓa to nee: Enok, gə Palu, gə Hesron, gə Karmi.
4Ri ŋgalə Joɛl ɓa to nee: Semaeja gə́ to ŋgonee, gə Gɔg, ŋgolə Semaeja, gə Simei gə́ to ŋgolə Gɔg, 5gə Mika gə́ to ŋgolə Simei, gə Reaja gə́ to ŋgolə Mika, gə Baal gə́ to ŋgolə Reaja tɔ, 6gə Beera gə́ to ŋgonee gə́ Tilgat-Pilneser, mbai gə́ Asiri wá ɓər lé, yeḛ lé to mbai dɔ Rubḛje ya#2Mb 15.29.
7Ŋgako̰ Beeraje gə goo ginkojije lə dee, deḛ gə́ ndaŋg ri dee goo gel-bɔje’g lə dee gə kudu ginkojije lə dee lé ɓa nee: Yeḛ gə́ doŋgɔr to Jeyel, gə Jakari, 8gə Bela, ŋgolə Ajas gə́ to ŋgolə Sema, gə́ to ŋgolə Joɛl. Bela ra ɓee Aroer saar teḛ Nebo ləm, gə Baal-Meo̰ ləm tɔ, 9loo gə́ par gə́ bər lé yeḛ ra ɓee keneŋ saar teḛ dɔdilaloo gə́ un kudee baa gə́ Epratə mbata nékulje lə dee bula mee ɓee gə́ Galaad tɔ. 10Mee ndəa’g lə Sawul lé deḛ rɔ gə Hagareje ndá deḛ d’oso meḛ ji dee’g, tɔɓəi deḛ d’isi mee kəi-kubuje’g lə dee dəb looje lai gə́ par gə́ bər lə Galaad ya.
11Ŋgalə Gad d’isi d’wɔji dɔ dee njoroŋ, mee ɓee gə́ Basan saar teḛ Salka. 12Joɛl to gə́ doŋgɔr, Sapam to njekɔm’g joo, Jaenai gə Sapat d’isi Basan tɔ. 13Ŋgako̰ deeje gə goo gel-bɔje lə dee ɓa nee: Mikaɛl, gə Mesulam, gə Seba, gə Jorai, gə Jakan, gə Jia gə Eber, deḛ siri. 14Aa ooje, ŋgalə Abihayil, ŋgolə Huri gə́ to ŋgolə Jaroa gə́ to ŋgolə Galaad gə́ to ŋgalə Mikaɛl gə́ to ŋgolə Jesisai gə́ to ŋgolə Jado gə́ to ŋgolə Buj, 15gə Ahi, ŋgolə Abdiel gə́ to ŋgolə Guni deḛ neelé to mbai dɔ gel bɔ deeje. 16Deḛ d’isi mee ɓee gə́ Galaad dɔ naŋg gə́ Basan’g mee ɓee-booje gə́ gugu dɔ dee ləm, gə gir looje lai gə́ Saron saar teḛ ne ŋgaŋglooje’g lə dee ləm tɔ.
17Deḛ ndaŋg ri dee goo ginka’g lə dee mee ndəa gə́ Jotam to ne mbai gə́ Juda ləm, Jeroboam to ne mbai gə́ Israɛl ləm tɔ.
18Mbuna Rubḛje, gə Gadje, gə ges ginkoji Manasəje’g lé bao-rɔje gə́ d’odo dər gə kiambas ləm, gə gər loo tur ɓandaŋg ləma, gə to gɔŋgé-rɔje ləm tɔ lé d’isi keneŋ bula d’as tɔl-dɔg-loo rɔ-sɔ giree-sɔ gə dɔ dee tɔl siri gə dɔ dee rɔ-misa̰ (40.760) gə́ d’askəm kaw loo rɔ’g. 19Deḛ rɔ gə Hagareje, gə Jetur, gə Napis, gə Nodab tɔ. 20Deḛ d’iŋga yeḛ gə́ njela sə dee ndá Hagareje gə deḛ lai gə́ rɔ sə dee lé d’oso ne meḛ ji dee’g. Mbata loo gə́ d’ar rɔ lé ndá deḛ no̰ ɓar Ala ndá yeḛ ila dee keneŋ mbata deḛ d’ɔm meḛ dee dəa’g tɔ. 21Deḛ taa koso-nékulje lə dee: jambalje tɔl-dɔg-loo rɔ-mi (50.000) ləm, gə badje tɔl-dɔg-loo rɔ-joo-giree-mi (25.000) ləm, gə mulayḛ̀je-je tɔl-dɔg-loo-joo (2.000) ləma, gə dəwje tɔl-dɔg-loo-tɔl (100.000) ləm tɔ. 22Yoo dəwje to yaa̰ mbata rɔ lé ḭ rɔ Ala’g lé ya. Deḛ tel d’isi tor dee’g ya saar kar dee d’aw ne sə dee ɓee ɓər’g.
23Ges ginkoji Manasəje lé d’isi mee ɓee’g un kudee Basan saar teḛ Baal-Hermo̰ ləm, gə Senir ləma, gə dɔ mbal gə́ Hermo̰ ləm tɔ: deḛ bula yaa̰ ya. 24Mbai dɔ gel bɔ deeje lé ɓa ri dee to nee: Eper, gə Jisei, gə Eli, gə Asriel, gə Jeremi, gə Hodabia gə Jahdiel, deḛ to njésiŋgamoŋje gə́ ri dee ɓar yaa̰ mee kəi’g lə bɔ deeje tɔ.
25Nɛ deḛ ra kaiya d’ɔs ne Ala lə bɔ deeje rəw ləm, deḛ d’oso gel magəje lə ginkoji dəwje gə́ Ala tuji dee no̰ dee’g lé ləm tɔ. 26Ala lə Israɛlje ɔs mee Pul, mbai gə́ Asiri ləm, gə ɔs mee Tilgat-Pilneser, mbai gə́ Asiri ləm tɔ ndá Tilgat-Pilneser wa Rubḛje gə Gadje gə ges ginkoji Manasəje ɓər tɔɓəi yeḛ aw sə dee Halah, gə Habor, gə Hara, gə ta baa gə́ Gosan ar dee d’isi keneŋ saar teḛ mee ndɔ gə́ ɓogənè#1Mb 15.19,29, 17.6.
Ŋgaka Ləbi
27Ŋgalə Ləbi ɓa ri dee to nee: Gersɔm, gə Keat, gə Merari. 28Ŋgalə Keat ɓa ri dee to nee: Amram, gə Jisəar, gə Ebro̰, gə Ujiel. 29Ŋgalə Amram ɓa ri dee to nee: Aaro̰, gə Moyis, gə Mari. Ŋgalə Aaro̰ ɓa ri dee to nee: Nadab, gə Abihu, gə Eləajar, gə Itamar. 30Eləajar oji Pines, Pines oji Abisua. 31Abisua oji Buki, Buki oji Uji, 32Uji oji Jeraja, Jeraja oji Merajot. 33Merajot oji Amaria, Amaria oji Ahitub, 34Ahitub oji Sadɔk, Sadɔk oji Ahimaas, 35Ahimaas oji Ajaria, Ajaria oji Jokana, 36Jokana oji Ajaria, yeḛ gə́ ra kula nékinjaməs mee kəi gə́ Salomo̰ ra Jerusalem lé, 37Ajaria oji Amaria, Amaria oji Ahitub, 38Ahitub oji Sadɔk, Sadɔk oji Salum, 39Salum oji Hilkija, Hilkija oji Ajaria, 40Ajaria oji Seraja, Seraja oji Jehosadak, 41Jehosadak lé Nebukadnesar wá gə́ ɓər loo gə́ Njesigənea̰ ya̰ Juda gə Jerusalem jia’g lé tɔ.
Currently Selected:
1 Sôrta Gḭka-Israɛlje 5: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
